31.5.10

以為要捱餓的徬徨晚上

原來,新加坡雖然食肆多,但過了正常的晚市時間,就不像香港般仍然搵食易。

第四天離開USS已6點多,想回烏節路買點手信,所以在 Vivo City的 National Geographic 兜個圈就趕回烏節路,趁店子關門前去了幾間店子衝次。好了,到在 ION shopping 完畢搵食肆時,就知道出事喇。幾個 Food Courts 都打烊,小籠包店要打烊,仍做生意的食肆只做到10點〔當時已9點幾〕。。街上望到的都係酒吧等消遣場所,沒有一間純粹的食肆。這時,腳板開始不聽使喚,疼痛發惡,大家都痛到沒力再舉步。站在一一關門的街上,一間食店都無,肚皮又咕嚕咕嚕響個不停,感覺淒涼。

因為太累,大家又身水身汗,所以不想在街上繼續瞎逛,於是乘車回到牛車水,看看仍有食肆沒有。

終於,我們在 Smith Street找到幾個小販檔仍開著,於是胡亂買了些炒粉麵裹腹。嘿嘿,吃到中途,因為這裡都要打烊,所以要搬位讓街的工作人員「清場」。。真狼狽哩。後來,因為我留意到渠邊有「巨蟑螂」出沒,嚇得一眼關七留意黑漆漆的地面有什麼異動。而團友知道附近有蟑螂後,也嚇到不敢再逗留要回酒店。留下其他團友繼續食食食。

這一餐真夠經典,我們買了一碟鹹過頭的鹵味,一碟彷彿摻辣油炒的芽菜,一碟茨汁很勁的炒粉。。團友食到呱呱叫囉。

好彩,有間飲品檔未仲打烊咋,否則要跑去隔鄰街的七仔買飲品。。

呀,咁多款,咁多古靈精怪的味道,唔知邊罐飲品好味呢?



而我,因為當晚情況太特殊,我完全諗唔起買了什麼飲品解熱解渴。。嘿嘿嘿。


只怪我們大老定。一廂情願以為新加坡好似香港咁,連宵夜都有大把揀,自助餐點心店火鍋店刺身壽司應有盡有。

沒有留言: