30.4.18

森林模式

美好應多品嚐。哈哈哈。尤其係呢個世界好多仆街。一個清明,弄出78宗山火,可想而知柒頭子孫真係太多。





TESCO 餅。

有人畀包佢話好好食的餅我試…嘩,佢幾時食到咁甜咖?真係好甜。



官方:TESCO

29.4.18

Real Techniques

阿花用唔哂四隻蛋,而我未試過呢個牌子,所以買一盒,開心些牙啦。


官方網頁: https://realtechniques.com/

拉利瑪.Larimar

其實這串拉利瑪好似係上年夏秋之間買。一月介紹香薰時曾提及用導師用永久花 EO 處理過我的拉利瑪。其實就是這一條啦,奇怪係原來幾個月過去了都無獨立替這串拉利瑪拍過照片放上來做記錄。

相片雖然係搶眼的 baby blue 色。不過真身係有點湖水綠啦。而用EO處理之前,卻係綠得來帶層灰色的。那天我帶住呢條鏈去上堂,導師見到似拉利瑪又唔係拉利瑪,於是明明放滿屋石頭的佢,都忍唔住問我手上戴著的是什麼石。知道後就叫我除下畀佢處理…原礦經過太多人太多工序包裝打磨運送等等,輾轉才到我手上,礦石把當中經手的人類不快樂沾上,所以色澤非常混濁。

EO 處理之前的照片欠奉,因為網購收到手鏈後都覺得D色「怪怪的」「沉沉的」,因為便宜,所以都諗住一分錢一分貨之故。

經過EO和導師處理之後,鏈靚左好多,而且越戴越省鏡啦。






好。

28.4.18

蠔油炆節瓜

呢味菜好簡單,蠔油落水拌勻加節瓜炆熟就食得。

別以為係窮人恩物,呢兜節瓜,食完好似食左好多空氣咁咖,好快就見餓喇。


菊水和紙膠帶

忍唔住買了兩款和紙膠帶。

罌粟:愛情是毒,戒不斷的癮。



洋桔梗:用柔軟的誓言,守護眼裡的星星。



其實還有玫瑰花都好正,不過買咁多唔知做乜好,所以都係買住兩卷算喇。

White Button Cafe

和花約食飯兼交收佢代我訂的貨品,加上佢要去尖咀某店辦貨,於是我們就改在尖咀食飯。去邊度好?我拍板,訂了呢間。食物唔錯,而且唔會趕人走。

花茶沒有用蠟燭煲住。不過蜜桃玫瑰係甜的茶,放涼都美味。


我點了 Carbonara 。好味。


佢話老公唔食南瓜,出街無叫過南瓜做的菜餚…所以呢日見到餐牌有南瓜燉飯就忍唔住點了這個。佢話好味。


嗯。

27.4.18

幾乎被球擊中

話說那個下午人坐在檸檬桉前的長椅埋頭埋腦刨埋本書的結局。點之被網球場內條粉腸破壞哂安寧,哼哼哼!條友抽個網球可以成個波飛出來,還正正向住我,幸好在我頭頂不遠略過落在後邊草叢。幾乎中!嚇到唔識反應。

後來再有一球飛出來跌在行人道旁的花圃時,我決定起身閃喇。

好危險啊。

擊中的話,Sorry 都無用咖。


後來啦。乞人憎,D人質素真係差左好多。我在另一邊搵到個位坐,三座位,另一邊有位女士。就在我烏低頭睇到本書最後十頁度,有件唔知乜水走埋來坐在中間,旋即除下拖鞋蹺腳以腳板底向住我。仆街丫。於是即刻彈起行人,唔望啦。唔想記得呢個人個樣。分明係故意咁做。

或者呢日唔應該入維園。嘿嘿嘿。

艾糍

話說跟 tea lady 講起在家中燒艾草清洗氣場空間除菌,佢聽我講完至知艾草除了熱灸,浸腳,煲水飲外,原來可以就咁燒。

剛好呢期艾草當造,佢屋企人在家中種的艾草也成熟,於是一星期後,佢帶了一些艾糍畀我啦。



番熱的艾糍依然好硬實。。咬到我牙仔軟。哈哈哈。多謝。

Humphrey' 金縷梅

金縷梅對皮膚好一直都知,呢個天氣,我的皮膚之前又乾到爆油狂出瘡,都係買返瓶金縷梅傍身。這瓶水,在 iHerb 買,三十元有找。哈哈哈。

拍金縷梅上臉,好像消毒一樣,有札肉的痛,睇來我皮膚真係好弱。


官方網頁: Humphry's

26.4.18

熟蕉

無啦啦都搵D野拍,算唔算保持拍攝的觸覺和方向?哈哈哈。


鍋心粥底火鍋

上月尾跟茶友約去睇水晶兼食食食,講起再上一次吃不成的粥底火鍋,於是呢次在月中就訂定位,哈哈哈。

比較了三間,我決定揀有卡位大家就可以舒舒服服吹水的鍋心。這次有五個人,所以圖中的是五人份的火鍋料。





原來這是多寶魚。


額外叫的:




有趣的雞骨丸。





大家好滿足又滿意呢一頓,開開心心兩個半鐘。飽飽,正。

下次食咩好呢?

Kose 黑糖精

上個月去搵面膜找不著,見到這個黑糖精保濕面霜,好似幾好,見唔貴就買一瓶啦。

晚上敷完面膜都係搽佢,的確好用。




Official : www.kokutousei.com/tw/basic/lineup/skincare/#product04

25.4.18

麻辣雞翼尖

在街市旁的食街買了這個麻辣翼尖,真係食到舌頭麻哂。正。


咖啡名店臭氣沖天事件

那晚人在灣仔,於是去了大街某咖啡名店食埋個晚餐至歸家。其實入到去已聞到好大陣臭味,真係臭味,係那種舊式酒家廁所渠口散發那種臭味!充滿場內!發生咩事?見仍有幾檯食客在店內若無其事打牙骹,伙計都無咩特別表情,唔通係我的鼻特別敏感?

人入了店又唔夠勇氣行返出店,於是坐近大門口揀了個西檸雞餐快快脆脆食埋撇。

其間,有兩個男生入店,沒有坐下,兜了一圈匆匆掩鼻離開,唉…我真係…點解我沒有那勇氣?

一邊食,一邊驚會肚痛。


真係無下一次。

糀姬.面膜

我是被包裝的大量花朵吸引我買一包試。哈哈哈。



官方網站: www.she-style.com/kouji-hime/index.html

24.4.18

買菜

話說有人去了基隆街,在菜檔見到好多新鮮蔬菜瓜果,結果掃了圖中幾樣瓜菜:通菜,西蘭花,節瓜,薯仔做來幾日的午餐盒。哈哈,成堆都係HK$35。很癲啊。


泰國蘆筍在一田買的,算係咁,所以買了一份。〔後來在灣仔街市見到更幼嫩的,賣14元咋。於是買完又買。〕


希望煮食之心持續旺盛啦。

三月某天.山火

屯門那邊又山火了,燒得很烈,一條火龍在登山,在天水圍的我也看見。不知又塗炭多少生靈。唉。做乜D賤人又留下火種?



Irish Festival

原來過了。不知有什麼活動在香港搞過。


23.4.18

睡貓睡貓

路過洗衣店,見到一隻龐然巨物。哈哈。兩隻貓好疏肝咁喎。


Cefine 粉餅

咪係囉,因為渡邊直美都係呢隻粉餅的擁躉,所以知道老銅有間店有得賣,於是梗係趁做緊優惠去撲返一盒啦。

話雖然乾濕兩用,我還是喜歡就咁用掃上粉當定妝用。




呢次買OC120。好似好深色咁,不過我的粉底液偏白,所以掃這個就可勻稱返。


明明有粉撲,我還是喜歡用掃上粉。哈哈哈。


好滑好順,coverage 都好,好用。


不過,我嘛,還是愛DG的粉,下回都係去返DG的懷抱。