大谷翔平

2024 年在京都，每天都有睇棒球賽，這是美國的 MLB。

這場的電視截圖為他左肩在賽場脫臼受傷後再上場的一場。他和道奇更奪得世界大賽桂冠。而他更獲選為 MVP。他左肩的傷，在之後有動手術治理。

摷返舊圖，係因為剛巧在新聞看到 Dodgers  勝出 2025 World Series Game 7 後 2026 的預測。

MLB YOUTUBE official 有 full game 睇返。幾小時前 released 的！

👑

⚾

2025年，LAD VS TOR ，第一局，大谷第一棒，擊中。

⚾

港隊對新加坡

想問。。在場邊驚鴻一瞥。。那個，其實是不是你。

傑志對曼聯

萬眾期待的英國四支英超球隊竟然幾日內先後來港踢波。簡直開心死本地的一眾足球迷。因為飛貴加上事實係阿桔無睇波，為免浪費千幾二千去睇一班阿桔根本說不出名字也不知多厲害的球員，所以門票開賣時沒有舉手撲飛。

雖然無入場睇波，可是平日排隊都未輪到阿桔可揀電視睇的星期一晚上，竟然有得睇這場比賽。八點半沖完個涼出來後，阿媽竟然出手主動拎起搖控轉台，豪畀阿桔播波。哈哈哈。

於是，阿桔有得睇傑志咯。是的，睇傑志。港甲頻道用 low tech 機拍球賽，今次大婆台出手，果然畫面正好多！

上半場未完已吞了三蛋，嘩！唔係真係想追平南華嗄嘩？真係抹汗。實力係有距離，你知我知球員知，但，輸人勿輸陣，若見到自己友落到場亂哂陣就未免太失禮，會被藐爆囉！幸好，不負所望，驚喜是新教練竟這麼快就跟球隊接軌，二是上場的新舊球員也配合到夾得到，三是整隊人有心有力落場踢之餘，竟爭到兩粒入球。場內一片爭氣波的快樂，即使在電視機前，也感受得到。

波，笨唔係一個人踢，或只係為造就一個球員成「球星」而踢。在傑志，看到團隊精神。

期待新球季很進擊的傑志！

至於個球場草地。。咪以為阿桔馬後炮，阿桔初入球場睇波就有好奇過，問過，了解過球場草地的事。問睇波友會問點解球場的草有兩隻色，點解尐草唔青又唔密，點解塊場草甩皮甩骨。見到水浸的場會替變成泥鴨的球員擔心，見到沙塵滾滾的場又匪夷所思，不是泥土嗎？亦親眼目睹過本地球員因為踩窿而拗柴！唉，話哂入大球場睇波多過一年搭的士次數的阿桔，真係從未見過塊地此時此刻可以爛成咁。無落雨的日子，球員熱身後草地已是薯仔田，草地可中塊塊踢起，個場一個個洞，要人手執回草皮塞回個窿度踩實。。現在好啦，又濕又爛到似未插秧的稻田，終被正名為一塊 killer pitch！

所以，那天傳媒問球場經理黃應鳴，從他的一番胡扯，真係睇到阿桔火遮眼！火滾滾！真係乜架都畀佢丟清！

黃經理，除非真係有靈魂長期出竅的功架，平日係「徒得個殼」返工，否則，怎會不知這幾個月來香港其實已持續的有暴雨雷雨？而且，全港都一早知有世界級的球賽要在他管理的球場進行，為什麼在本地球季完結後不好好做點保養草地的措施？即使一個農夫，知道天氣變壞都會用大膠布把農作物及農田覆蓋以免雨中沖壞田地浸死農作物，可是分明就是失職的負責人竟然面不改容厚顏推說是天雨壞了場地，大言不慚，真是太膠太柒太扯了吧！他既然無能力做得妥自己的份內事，就讓路走啦！妖！

莫非本地球隊未能踢出彩虹，場地代表在管理球場方面就可以得過且過？咩態度！

明白無得比，可是在看 Desso GrassMaster 的成品，真係覺得香港的球場確實係爛地一塊！

爛又要威，香港政府團隊在呢方面真係無得輸。

另一個球季完結

不知不覺，一個球季完結了。最後一場，係睇傑志對屯門。

因為這一屆最佳球員十一人選舉張峰竟不在候選之列，阿桔決定罷投！

熱完身個頭仍咁清爽，用了什麼洗頭水？

老老實實，給甘生散水的肺言，係「搞搞個背脊好喎」。虎背應該不是這樣。駝背或寒背的嫌疑大點。

快門把人體奧妙留下來。。

呢球係入了。

今年足球先生，黃洋。。阿桔睇好佢啦！他真是踢得好呀！

張峰開心下啦！

香港對越南．所看所感

利申：本人是個連球例都不甚清楚的球迷。

星期五在旺角場的2015亞洲盃外圍賽，因為早一星期就買了飛，所以開心成既是當晚爆場的一份子，也見證港隊的奠定勝局的一個入球。

這一晚，是旺角場重開後首度爆場，紅旗高掛。

由於是星期五的關係，放工即閃，匯合大王去球場附近食個快的。抵太子時，已見人頭湧湧，更加不敢嘆慢板，匆匆食個快的。哈哈！雖然是晚阿桔無帶相機〔懶得拎〕，但都希望有個慣常坐的位置睇波。

六千多人在場內齊心為港隊吶喊助威，自己身為當中一份子，雖未至熱血到身穿紅色戰衣，也沒有嗌口號，但其實，也是滿感動的！更感動是，即使周遭坐滿了支持者，人聲鼎沸，卻聽不到為發洩而爆的粗言穢語，耳根很清靜！另一個感動位，當然係平時都唔會入場睇波的人，都出來為香港隊打氣！看過甲組球隊比賽得五六百人入場的冷清情況，相比這一晚的氣氛，真的很感動！

見到 Keyman 有來睇波，佢在通道行過時有球迷嗌佢，佢笑住揮手回應。不過，點鮮呢場波佢唔粉墨在佢個 APP 和 FB PAGE 講波呢？

這晚由蝦蛋在網上報波。阿桔同大王這陣子睇波都特別留意到有個「疑似蝦蛋」的人。這一晚都見到佢，坐在港隊打氣團的那邊角落位。還笑說佢揀錯位，打氣團有數人搖動大旗，遮哂視線，佢點報波呀！後來，開場前就不見他了，不知他去了什麼位置。亦因為氣氛緊湊，也無暇上網睇蝦蛋報波。

講番隊波，傑志方面又有份出場的，有黃洋，陳文輝，張健峰，林嘉緯。

黃洋呢晚閃亮亮！好武功！阿桔忍不住講，從未見過黃洋咁快！穿上傑志球衣的他常常要配合大隊玩巴塞式搓波仔，呢團火應該忍左好耐，在港隊就可盡情施展。哈哈哈！有到場觀戰的傑志老闆五件有無考慮一下調整球隊的進攻速度和節奏？

張健峰都好！據聞他賽前熱身時扭傷了足踝，看來已沒有大礙。幸好！

陳文輝都表現好好。對他另眼相看。

林嘉緯傷癒復出後一直沒有睇過佢踢，今個球季他的水準也很飄忽，所以也沒什麼印象。

至於南華方面，有陳偉豪，李威廉，李康廉，葉鴻輝，郭建邦。。

葉鴻輝是晚又救了不少驚險波，功不可沒。

威廉有點失準。

就咁。

阿桔想，這晚至開心的應該是羅神，話哂入球的人是陳偉豪嘛。不知他會賞多少給為他臉上貼金的球員呢？

報導話當晚有幾百人在場外撲空，場外又不設戶外銀幕直播賽事，真可惜哩！

康廉 ~

康廉和偉豪，及美斯的右耳，攝於運動用品店櫥窗。。

屯門對南華

烈日當空。球賽卻在兩半的時間開波。看得眼也睜不大。

這場波，南華不在狀態，不少球員臨場發揮失準。加上屯門敗了幾場，所以今戰是拚命的踢。結果，屯門多番攻門，成功入兩球，贏了入得一球的南華。

中場休息時，見羅神由觀眾席行去更衣室，哎呀。。通常這個情況。。

可惜，下半場依然沒有什麼改善。

激死，呢日有個死佬坐在附近，全場針對南華和球證，喋喋不休，且每一句都要「小人阿媽」，聲音污染，聽到頭都痛。每次遇到呢類生物，都奇怪，點解咁亢奮地公開自己有掏井的嗜好。

在西鐵上遇上基奧雲尼

哈哈！當然是拍照後得至大王過目後確認是 Giovane Alves da Silva 啦！

咪以為佢年紀好大，他生於1982年11月咖咋！

亞洲足協盃E組

這一晚看了香港傑志對印度邱吉爾兄弟。

傑志伯伯好勁！

總覺得各有心事。。

黃洋身上的神秘小手。。

點少得一張沙龍。。

好久不見！

新界西無陽光，無藍天白雲，郊遊事擱置一下，睇波去。今季才第一次去屯門睇波，因為有時間，也有傑志囉。

去相。。

五月十五未過，卻欠落一眾曼聯迷波飛波飛波飛被追擊的五件

傑志伯伯

總是同一招牌表情

留力準備後星期二晚的球賽？

下半場開始不久就換入了！

張健峰也在後來換入喇！

是日。令人抱頭不忿的中楣太多，雙方龍門的水準表現也很精彩！

四款湯齊賀歲。。

大年初一在大球場的兩場賀歲波，賽果如何新聞都有講喇！頭場冬蔭功〔泰國蒙通聯〕輸了畀酸辣湯〔上海上港〕，第二場碗仔翅〔港聯〕就被人蔘雞〔釜山偶像〕打敗。

穿紅黑直間主隊衫的是冬蔭功隊。

冬蔭功教練好型！

酸辣湯主要係來港濕平？連後備球衣都無，變成這樣。。

先講頭場。冬蔭功同酸辣湯賽前都被視為幾啃的辣隊，點知呢一場辣辣對碰竟變成鬧劇。先是冬蔭功那邊龍門 TONG 拗柴〔骨折哩！在聖保祿醫院搞一輪，即晚回泰國治理，專頁寫他康復期是四至六個月！咁大劑！希望他早日康復！〕傷出換了一號球衣的龍門員入場，接著，呢位三十三歲豐富經驗的龍門員竟在禁區外以手球接波即時領紅被逐離場。作為一個龍門員，犯了如此哭笑不得的失誤，真係睇到全場嘩然。因為要搵人頂龍門個位，場中冬蔭功球員跟教練圍埋密斟，傾邊個暫代龍門位置，於是，又拖延了好一陣子。

邊個頂邊個頂？

球員變龍門，慌失失奇兵似的，輸人又輸陣，結果冬蔭功被酸辣湯擊潰。

甘巴爾個樣好似唔似UP伯。。

迪天奴在耍下波。。睇來無乜壓力咁。

王振鵬熱身做到足！

輸人又輸陣的，豈止冬蔭功一隊。。第一次睇碗仔翅上場，上半場真是。。

他們明明是球迷一人一票選出來的代表！

聞說碗仔翅只搞了三次集訓，上陣時欠缺默契是情有可原，不過也不會一個二個失哂本來水準弄得成隊似拉雜成軍吧〔雖則真係拉雜出來〕！？連埋門的機會都無呀！而且不停交波失誤，走位傳球統統亂七八糟。阿桔想必跟其他場迷一樣，皆奇怪甘巴爾明明排陣出錯都不即時換人重整隊形，任由碗仔翅被人蔘雞耍到頭擰擰。

人蔘雞果然是自小吃人蔘大咖！有氣有力，跑得快又迅，迫力也強，上半場碗仔翅完全是以卵擊石，無招架之力。

下半場初開波時段甘巴爾仍未捨得換人，碗仔翅繼續是捱打之勢。甘巴爾跟老闆「五件」有仇嗎？好咯，佢終於睡醒肯換人，成隊碗仔翅頓時好似灑了醋和胡椒粉多了辣味，活了不少。即使有比達〔即使他被改名為安達，但相信不少球迷還是愛叫他比達。哈哈！話哂係撒亞人王子嘛！〕攻入一球，氣勢也曾令人蔘雞亂了一陣子。可惜，時間剩下不多，人蔘雞又拉開了比數且拖延時間。。最後不敵，救唔到咯。

深宵，在電視重溫呢個比達入球！

超級撒亞人呀！請留心他的左手！

碗仔翅在初四會對冬蔭功爭第四名。阿桔真想知甘巴爾會怎搞的！

話哂今年主場係「五件」，做夥計無份落場拼都理應出席支持一下米飯班主，所以哩！除了要傑志伯伯，阿桔還見到均宜呀！他還坐阿桔後幾行睇波！耶！不過，阿桔害羞，不敢咁近距離舉機拍他。亦因為太近，連望也不敢啊！哈哈哈！

傑志伯伯，場內他應該是最大年紀！

當然，還像往年一樣在場內見到長毛！

新年快樂！

蒙通聯專網：http://www.mtutd.tv/

花絮一則。呢場蛇年賀歲波名為「中國移動衛星通訊盃」。但持咪人曾講錯成「中國衛星移動通訊盃」。哈哈哈！真係也夠亂！