31.8.18

Give me five

阿母就生日,所以阿妹拍板,去了觀塘的半自助食 dinner

咱家唔係潮,只係老母完全唔食得薑,食中菜真係好難揀菜,所以一係海鮮一係就自助餐最穩陣。

我唔評論呢間喇。






生力冰廳

叉燒荷包蛋飯,上哂色一流。

呢間店的食客真係好有趣,有八婆食客如我,也有眼神閃縮但不時盯著某食客的食客,有大講時事的食客…

感覺有點龍門客棧咁。


30.8.18

Ex-Gorkha Restaurant & Bar

呢晚係 V 約大家出來食食食,嘩,共九個人。我又識到新朋友。我雖然有點咳,但都照出啦。呢晚,去偉晴街食正宗尼泊爾菜。

常常經過,但幫襯就你呢一次。


Mango Lassi 芒果酸奶。夏天飲這個真係透心涼。尤其是呢段日子好翳熱,完全唔郁都可以爆汗,郁埋更辛苦。呢杯下火好好。


Samosa 咖哩角。




菠菜芝士。








其實我全程都無拍板無點睇過本餐牌,佢地叫乜我食乜,主要都係同大家爭取時間似的不停吹水,真係好爽。

烏雲掩星月江山半壁殘

攝於八月廿二日六點多。

圖中為九龍灣堆商廈。

其實在塞車中啦。天空也有閃電,於是抓緊機會〔包括車窗乾淨無塵〕,拍得如此一幀圖片。


29.8.18

炒日本椰菜

那天在一田買了半個日本椰菜,切埋粒洋蔥一起炒,點之份量多了,結果一鑊菜分兩盒,一盒在公司食,另一小盒加油炸鬼等同吃。

椰菜好甜,好滿足。



焗飯

發覺愛上公司樓下間店的焗飯。

咖哩。


茄汁


葡汁


真係經我手機一拍,照片靚到…色香味俱全咁。呵呵呵。

28.8.18

吉吉筷子

多謝S送我的吉吉筷子。我的確需要放對筷子在公司。之前有一對,不過係木做,洗滌太多已有木的霉味。這個來得很好。多謝。



三盞燈

去天水圍睇醫生,診所附近有間叫三盞燈的小店好好食,趁晚市人潮未到,六點先食頭圍。哈哈。

明明有咳,仲黐鬼線叫了個乾咖哩炒雞飯。真係傻Q左。


臨走買一份鹽水雞腳回去做零食,好好味。


正。

27.8.18

貼紙 ~

去旺角買東西,路經花園街的精品店,入去望下有無合用的物件放房啦,竟然見到呢堆貼紙!於是掃了四包。

哈哈,我對米奇米妮沒有喜惡,不過在選擇下絕對唔會買,呢次係需要放房又唔想買毛公仔所以貼紙最方便。



驚喜係有 Snoopy !兩款即入!





好可愛耶!

椰汁糯米飯

那天去一田買生果,見到椰汁燸米飯,癮起,於是搵日放工再去買。

好味。


26.8.18

無智亦無得

在車廂一長椅上兩端,一個爭取時間開住 speaker 打機,一個不遑多讓開住 speaker 睇片,沒有後此埋怨,沒有眼神接觸,也沒有理會其他乘客的感受。

看到「生活」。


星洲炒米

自從美滿摺ed,就去多了佳記。

天啊,可不可畀多間茶記我?


25.8.18

Trendy Snack

去呢間店咬埋條芝士熱狗才回歸。正。


這是最美麗時候

執相後同執相前。哈哈哈。



24.8.18

White Glo

美白牙粉同牙膏 set ,係搵代購幫手買。因為代購回港,所以慳了一程空運。

唔係用左好多日,未見效果。期待。


芫荽皮蛋肉碎米線

算係下火食品吧。會吃芫荽的我表示呢碗米線好香。

@ 巴打廳



正正。

23.8.18

光天化日

往新西又坐地面車專享如此餘暉美景。


築地

去一次已夠。


22.8.18

牧草

茶果嶺道的牧草〔應該係黑麥草〕長得好茂盛。呢條路好多風馳電掣的大車,拖頭、泥頭,扯起的風〔及塵〕吹到D草沙作響,好鬼正咖。

鐵絲網係上年打風時吹拗的,一直沒有人理。仲好,成件事好 Raw。你知啦,呢個城,「一理」即係搞破壞。

寧願由得這風貌維持下去。


豬軟骨炒飯

ABC豬軟骨炒飯。我飛佛。


21.8.18

烟雨閣飯局

補回上個 POST 的唔清唔楚。

「烟雨閣」係一個谷名。哈哈,本來唔係呢個名啦,谷友大約十個,吹下改下目前就係用緊呢個名。至於個谷,多謝C邀我加入啦,裡面的朋友仔,占星、塔羅、靈氣、奇門遁甲、東密、靈數、人類圖…加上正職,每人都有好多把刀,呢檯人真係好勁。我能混進去,並非以上各項,反而係谷主C上年跟我一見如故,而我又有不少真實體驗的鬼故分享,加上有玩水晶,所以有幸入組。哈哈哈。

呢晚第一回谷聚,我地搵左旺人又旺丁的旺角樓上餐廳。七個人,有五位初相見,突然好似以前玩 news group 咁。雖然目測我最大年紀,不過我少女心,玩得好開心啦。


不過唔知點解呢晚電話對唔到焦,所以只拍得呢張食物相片。but 都係 blur 左咁。

艾葉和艾絨

呵呵呵,在裕華發現呢兩包好東西,而且當日仲做緊大減價,標價再折。所以都攬實呢兩包走。有排燒喇呢次。



嘩哈哈哈哈。