23.7.19

Soap Replenishment

又到 replenish 阿梘的時間。在網上訂了兩件較便宜的梘。

5月時分享過,買了HimalayaDental Cream 來用。呢隻牙膏,係堅好用,僻味之餘,刷完牙口腔都唔會留下一口薄荷味,我喜歡,會再買來用。所以在 iHerb 買梘見有同牌子的梘,就買啦。

不過, iHerb 網頁無 Dental Cream 賣。而我呢,係當日在萬寧見做特價時買來試。

未用。暫放在公司檯面。


呢隻百幾年歷史超老品牌 Kirk's 一直想試,但呢個地球實在太多梘梘品牌喇。貪心的我已經唔重複用同一隻梘,希望有生之前試到好多好多。

十幾元就有交易的名牌,真係合我呢類一時手緊又要買日用品的人。

用緊啦,香料無乜,所以沖完涼唔會一身香噴噴咁出來。較適合男人同小男孩用。女生嘛,喜愛香味的,真係想無時無刻都帶住香味。

都好好用,用網袋搓都好快好多泡泡!加上沒有動物測試的認證,絕對值得愛動物人士大大力支持支持。

係咪?


Official Page:

Himalaya

Kirk's

Joe's

再來。不過呢日店裡多人。最好笑係鄰檯來了一對偷情男女。本來我以為係正常男女朋友,點知個女的突然唔知咩事戚起條筋,講了句「不如講下你老婆」…咦!乜料?

幾多角戀真係當事人都未必知,都係專心返我面前碟長通粉算喇。有意大利醋調味,入口酸酸地,絕對適合呢個熱得死人的季節。

正正。


22.7.19

譚仔三哥

朋友間有個超級粉,半受影響,都多了去三哥度食。話哂,日本菜啦。哈哈。


夜了在老廟

呢段日子,感覺很平行時空。


21.7.19

第四堂書法家課

睇醜醜又一撻撻的字就知心和身都不在狀態。


上字寫到我皺哂眉,好沮喪。


準備邁向一層樓…


寫寫下有點迷,會突然唔知自己寫緊咩字。唔知大家重複抄寫一個字會不會有這想法。

十八層…囧


層樓仲斷埋供添呀…陰公。係,呢日心躁躁的,放棄寫下去。


本來應該是這樣子的啊。


第三堂的原來未放上來。相都未執。嘿。

路人變成座上客

老冰室的一個店面設計,係把雪櫃當櫥窗去吸引路人變成座上客。

這天好熱,大安的雪櫃向街一面流哂汁了。


搞到好想劈可樂。。

20.7.19

Modern Stand Lane

熱到無胃口食食食,真係唔肚餓,於是喝杯涼粉奶茶,在舖度涼一陣冷氣算喇。

好濃的奶茶味。正。


好似高了

在灣仔正完骨,又去書店磨爛蓆。

升降機口,望住自己,感覺高了點。靚仔醫師話,拉返直條大陣,點都會高返少少。而且,人應該挺起肚肚企。係呀,腰腹挺前,咁上肢所有骨骼都唔使用力都正確姿勢,不必用力,整體對身體都好咖。

自戀一下,拍張照先。〔肥照一張〕


19.7.19

真係好無聊

五月下旬上過那裡一次,順手放低了錢之後,了斷。那句在旅程後期自佢口中呻出而我不止一次聽到的「財散人安樂」的魔音,應該完結。〔詳情我會另一prose度講〕

上個月佢在群組召喚活動參加者,無應。然後又召義工護關,都係望完算,無應機。或者可以講,完全唔想應機亦唔會理。才幾個月,伏還中得不多嗎?呢個世界無老馮囉,虧佢仲好意思使人免費為佢做事走走糴糴?真係當信任佢的人係傻仔來耍來使?

有D人,使人真係唔使本。

……

稍早,我在面書分享了某位宗教人士的 post 。那位好心,已安排方法,幫助不敢去醫院求醫的人,叫那些需要人士聯絡。

然後,半夜收到佢私訊:


黐線,佢知唔知自己講緊乜呀?呢類扮關心扮正義的話留番畀仲信佢的學生啦。

我理鳩佢丫。不過,明白啦,決定逢那個宗教人士的 post 都要按 share …是個方法。

後來,跟一班識佢的朋友講起呢件事和我這決定,話因為得佢本人確認,就知道「偏要做」來刺激佢這方法及方向正確無誤。

而那個宗教人士係咪如佢所講,老實,對我根本唔重要。作為一個公眾人物,如果做了這麼多卻是反道而行出賣信任投靠他的人,神明係會懲罰囉。

RHKR(V)

Nulli Secundus in Oriente 冠絕東方

1 Jul 97 前的任何官方徽號都非常非常漂亮又精神。


18.7.19

湯加

去完跌打館,又係醫肚時間。晚市時間,元朗好食的店已勁多人,等位我最怕。貴的不用等,但我又唔係餓到要無啦啦拎百幾銀出來醫肚。。天氣又悶熱,都唔想在街兜來兜去。最後入附近的「湯加」食淮山麵。

店的裝潢跟魚米好似,是同集團嗎?

雖然我愛食鮮淮山,不過淮山麵確是第一次食。哈哈哈。


可以。不過嘛,元朗實在有太多選擇了啦。

無印化妝品

嗱嗱嗱,我真係手痕,又買化妝品。

不過今次買平價的。。無印良品。

Base ,我覺得好用。


粉餅,Natural 色掃 / 印上面都好顯白。我膚色有咁黑咩?

囧。


要女人洗錢真係好易。只要放佢在商場。哈哈哈。

17.7.19

Rose Kitchen

前文講我在街遇上老師嘛,於是咱們就在附近搵間茶記食一餐啦。

囧,任程迫老師聽我訴苦水添。關於那人的事,聽到佢皺哂眉頭。

感謝她不離不棄,也畀了很多意見我。

要繼續乘風破浪。



Churchill's Pub HK

行過店面好多好多好多好多好多次都無為意店名,呢日人在對面馬路,終於驚見其中一間酒吧竟然叫 Churchill's 。嘩哈哈哈哈。本來想去吃個魚生飯即刻改變主意。


當然係食炸魚薯條啦。沒有爆檸,問有咩無酒精類飲品,於是揀了 lemon squash。喂,我一陣餐後係上去靚仔醫師度正骨呀。


書,當然有備無患啦。當時正刨緊《德古拉》。





店係英式 pub ,當然少不了有 Churchill 的圖片和畫像啦!正正。

16.7.19

蜜庵本膳

雖然好味,不過百幾銀一份,若不是很久沒豪自己一下,真係唔捨得一條友食一份。


這個艾草豆乳甘酒…好奇怪私配搭啊。反正入到來,未必有下次,咁就試下啦就。


味道淡淡的,挺怪。

不過據講甘酒能提升體內保濕力也可美白,睇來可以諗諗多飲。

抬頭把!

以前的香港人好快把事淡忘…呢頭大家講得興起,轉瞬已不是話題。

但這些日子,像是回不去了。

大家要向前走了。




15.7.19

Find Horn Essences

那天在灣仔298買完條線離開搵地方食食食,竟在出口巧遇教我 crystal healing 的導師,她正要拎部 laptop 上去整。如此難得又再街上遇見,一定是有原因的啦。她問我一齊去食飯啦,好呀,反正我本來想川藏回來後跟她見見吃頓飯。

相請不如偶遇!哈哈哈。

佢在店一放低部電腦,一邊等相熟師傅 check 機,一邊叫我把身上的水晶除下來給她「治療」。我樂得遞上我右手的紅紋 BB  給她撫慰。呵呵。

『你D感情近排好亂咩?佢好亂又好累喎!』她把紅紋放在掌手,然後說。

「算係啦,被騙了。」我頓一下,「以為跟了個好師父,點知唔係一回事。」

對一個人信任都要付出感情。

因為呢個 point ,飯前她帶我去〔都係灣仔區〕的 pop up store 睇身心靈用品,就 suggest 我用呢個先保護自己。

本來我勁想買 Scared Light - Love and Wisdom Mist ,一來勁香,二來成分有佛教的藍蓮花!不過,她教訓我,一日唔 cut 清和那位「師父」的 cord ,我還是會再遇到類似的人。

汗。

唉。

雖然我話唔再去那個人的場不見那個人,而我的生活線也 tune 返順和正常,可是她還是一再緊叮我要好好諗清楚當日是基於什麼原因令那個人吸引了我去「相信」。 因為這個 point 正正就是我要面對的課題。

陰公,我真係唔想諗起呢個人,儘管我口在鬧,但都係涉近月的事,我真係唔想從頭開始去想去量這個人。

即使,數埋前後都係四個幾月,就睇透一個人。

很爛。



Official : 

https://www.findhornessences.com/

瀛素食

呢碟素炒麵哩,我食唔哂,要帶回家做翌晚的晚餐。


素蟹皇翅,是南瓜味的。


真係好飽。

14.7.19

Silver Smith

離開珠寶展展場,當然又入去 Silversmith 逛逛,最後都買返條曾經有過但早幾年唔知邊度跌了的同款彈力銀鏈。

還有,文地貓設計的吊咀還有得訂製啦。


自由麵自由麵

呢日係七月一日。我又來到呢度食碗自由麵至 join 朋友同行。


13.7.19

大家都懂的。

在隧道發現。


Odelice!

把甜點放在早上出的 post 會不會太犯規太過份?哈哈。

話說那天和朋友聚會後,見時間尚早,我又唔想咁快回屋企〔有無知老人睇新聞持續躁底〕,於是路過這餐廳見甜品就入去坐坐啦。

好香的椰子雪糕配雜果西多。正正。


來杯美式咖啡吧。

發現心心。


本來想 hea 下,不過已屆晚市,都係唔好阻人做生意啦。下次來吃正餐吧。

12.7.19

唸經

雖然有幾串佛珠,不過我還是較喜歡不是彈力線串成的桃木珠。感覺唸得快爽些。

呢晚包紮完手,就繼續唸,繼續迴向畀義士。

3次變億咒,108次釋迦牟尼心咒,再唸迴向文。希望小小力量能有點作為。

佛祖保佑義士離苦得樂。


Paper Stone

不要空住肚入戲院,尤其是我,會打鼓的,打好大的鼓!

因此,食件士多啤梨丹麥酥慰藉一下胃胃先。


11.7.19

古法炮製…

紮蹄咁。

是啊。五月中在康定整傷,至今未好。靚仔醫師 fixed 了我的尾龍,膝,腰椎,頸椎,胸椎,肩胛的舊患,可是手肘,拇指,大魚肌的新傷就一直未好。雖然他說這位置傷了無咁快好,可是五百睇一次症,累積起來我都好肉赤,於是又走返去睇我睇了廿年的跌打師傅啦。

唔係過敏,只係敷料乾又硬敷過夜,拆了繃帶就係咁樣樣。

不過,我本身真係好易皮膚過敏。哈哈。



雖然我唔好蝦子紮蹄,嫌過鹹。但我啦,望住自己隻手,真係好有蝦子紮蹄的感覺。

有望你有日買蝦子紮蹄時唔會想起我。

儘管,我都係鹹的。哈。

永發

繼續支持本地老店。永發,一直都在飛佛列表度嘛。因為發現了永發的 FB Page ,見到炸髀,於是召喚了我的筋,呵呵,好耐無食過永發炸髀喇喂。

其實早餐都未食囉,所以容許我咬多隻蛋撻啦。一睇就知唔係新出爐,縮了樣。但依然好勁蛋香,正正!


炸髀!Go ~


還是好順口要杯爆檸。哈哈。


10.7.19

悼念會

2019年7月6日。

還未開始,已有很多人在愛丁堡廣場了。

請亡者安息。


記著,一個都不能少。

真的。

大門食堂

因為這店之前貼過幾張「紙」在當眼處被拍下上傳到面書,所以七一晚經過時就和朋友相約一定要來這店支持支持。於是就有這一場特備飯局。

這店肯定沒有黑警幫襯。








話說那天進店時,其實男神王宗堯都在店內,不過第一眼認唔出,到坐好位再望幾眼就覺似。後來朋友二人到後得確認。

我真差勁。嘿嘿。