31.10.17

《會飲篇》.28/17

16/10/2017。

除了《會飲篇》,書裡邊還節錄了一段《理想國》第七章的「洞穴寓言」〔可去 YouTube 搵片〕。

十幾年前上西方哲學有會飲篇,不過當時係影印本,仲係部份,所以一直都未看全篇故事。

故事係記述柏拉圖的老師蘇格拉底被邀請去一個酒會,席間大家提議以「讚美愛神」按酒席大家坐次輪住發表想法意見。愛是什麼呢?你知道愛嗎?


發表的次序係咁〔來自網上,未找到來源〕:



No Reported 係向柏拉圖轉述的一位忘記了,也不重要。

場面如何?


哈哈。睇完呢幅畫,真係故事畫面出哂。這幕左邊的男子叫 Alcibiades ,佢飲到醉醉地就進來像壓軸一樣 join 埋這個話題。有趣的是,他深愛著蘇格拉底,所以他根本係借醉行兇,像怨婦一樣哀哀高談他和蘇格拉底的愛,講佢倆浪漫過甜蜜過的事畀全場人知。蘇格拉底面對這情況,其反應也超好笑。

愛是什麼?每個人的詮釋和理解都不盡相同,所以在愛海中的人才會咁多錯摸,落差和誤解。

面對最真實的自己,才能好好愛人。

壁虎。

哈哈,走入咖啡店正想坐下就見到佢在牆上。雖然唔怕佢,不過都唔係好想食緊午餐時 face to 佢同佢對望,所以都係坐另一個較遠的位好喇。哈哈。


US813

去華都那邊買殼,看看有咩食,見到呢間US813,主打意粉,於是入去揀了個芝士意。店子負責人對意粉有要求,強調即叫即做,不賣一早灼熟再翻熱的意粉,所以真的是耐心等候。

好好味,芝士都好濃好夠味。正呀喂。估唔到多間個人心水「飯堂」。哈哈。


好麵線

一直都喜歡吃好麵線。真係堅大碗哩!

呢次吃腩肉。


30.10.17

海洋玉髓.Chalcedony

店主塞畀我睇話係好東西,咁我又見有客戴上手真係戴得好好睇,所以我買了條細珠。襯黃高頻超靚。


學整手工香

早前去學整手工香。哈哈,其實係農曆六月時講咖喇,因為踏入七月盡量唔去太多夜街,所以過了七月十五至去上堂。這個是小班教學,得我和E兩個咋。在上堂前揀定兩款香,然後店主撈定兩包〔如下圖〕。我揀了「五木香」和「藏玫」。「五木」有邊五隻木我已失哂憶唔記得啦。「藏玫」就係藏香加玫瑰。

堂哩,其實只係教整香的方法,技巧和注意的地方,然後嘗試捏出香的形狀,珮香或塔香。兩包配好的香粉係帶走返歸自己做咖。點解,因為有一個步驟在堂上係唔夠時間做囉。至好笑係,上完堂又去睇水晶,結果搞到唔記得拎這兩包香粉走。要擇日再到店取,哈哈哈哈哈。


做香開粉,用水,或豪DD用純露。於是我去買了瓶玫瑰純露。真係落足料呀!



唔講以為我整緊朱古力。哈哈。下個步驟就係努力搓到佢粘成一團。


真係好似整餅咁咖,粉團要放室溫兩個鐘畀佢互相揮發。咁D成品至會香更多。


兩個鐘後,就可以捏香喇。


事先見另一位朋友仔在 whatsapp group 度上傳過其功課,把香捏得歪歪斜斜的,聽店主應機講,捏塔香的難度係高過餅仔。雖然點餅仔可以香多幾個鐘,但我都好想試塔香,好啦,就挑戰塔香啦。


掌握到方法,那團粉就捏出37粒塔香,加一粒餅仔。如何?似模似樣吧!哈哈哈。其實捏到手抽筋。哈哈哈。


幸運係這幾天涼又乾,放了兩天都沒發霉。風乾透之後,就把香入樽封佢一個月以上,就可用。不過那天到店上另一個堂,店主話我的香「躉大」,點的時候未必燒得到,咁呀…回去就拎出一粒試試先。


初點的時候燒得唔好,之後就順,可以點到底,燒哂。正。

店主有醒我方法,下回再整塔香,會整細D個躉啦。

29.10.17

紅剛玉.Red Corundum

那天在店問有無平價紅寶啊。店主話有,於是上閣樓拎了一堆紅寶下來畀我揀。這隻石紋較多,所以才咁平價。哈哈,我揀了一串,兩邊不平均地不同,於是索性買了整串穿做兩條手鏈算喇。

在白燈光管照射下,紅寶仔是這個顏色,色水較深。但紋理非常精彩。我就是因為這紋理而愛上這串啊。


在日光下都係SONY手機拍,紅寶仔呈現是胭脂色。不過以我現在打緊文時望住,似上邊色多點。哈哈,算啦,不同手機拍出來都呈現不同色彩,偏差是少不免喇。

上邊一條有兩粒好深色,係呀,在白光燈下,這兩粒係深紅色,真的很美。


即係咁。。因為呢張相我放到 whatsapp groups,我的朋友們都雙眼發光喇。


終於儲到紅寶仔喇,YEAH ~ 

夫子貓

聽d人嗌佢,好似喚著「夫子」「夫子」的。不過無求證,我懶嘛。

貓還是很寸〔哈哈哈〕,唔肯望鏡頭。





當然,不是第一回拍這位靚靚貓星人啦,幾年前都拍過呀。

28.10.17

Jo Malone

皂係搭人用員工優惠買,本來係要水,不過無,只有一set三件梘,照要啦。於是,一件擺緊,一件用緊,一件寄了畀朋友仔用。

亦因為咁所以無乜包裝。哈哈哈。


想起自己曾在英之傑做過售貨員,每個月返公司一次開會,而每次都要去公司的STORE買買買。總之代理了什麼,什麼就會出現在公司的士多裡。除了零食,鞋墊,那時我暗瘡多,買「快治」啦。而同學仔就搵我買 timberland。好好笑,會議室的牆係放了不同款的 timber 鞋。BTW,我至今時今日,都未著過 timber 囉。嘩哈哈哈哈。

都算定力足。

量子貼片。

托朋友在台灣訂回來的量子貼片,把水晶放上去,就能充滿正能量,所以我都入了一套回來試。朋友話貴,唔捨得買。要先看我用後感再決定喎。哈哈。

我嘛,第一樣放上去的水晶,係隻金蟾。係,未有圖放到呢個網誌。因為想搵個大好天在日光下拍。不過,又有另一個難度,就係金蟾放好了位就不要亂動,所以最後都可能放舊相上來。哈哈。這個遲D分享啦。


關於量子貼,詳情不贅,有興趣可直接到宇山水晶的面書了解啦。

27.10.17

晚霞。

手機盡了力拍…


集潮塔香

店主因為遷出長沙灣的工廈,所以暫時不會再整香。趁見到佢,掃了些存貨。還有艾草加薰衣草咁。

希望再有機會買到集潮的香品啦。





26.10.17

乳香和沒藥

話說我去 Machuland 買爐〔係,又買爐〕同北美聖草,順個便聞下乳香啦。點了幾隻試味都好正,結果我掃了紅乳香,沒藥,安多酚乳香,秘魯聖木同埋桂花雪松塔香走。哈哈哈,咁多,真係燒到聖誕都未燒哂呀。

秘魯聖木條可切幼D燒,不過未得閒搞。沒藥同埋安多酚乳香都幾大粒,徒手掰開後我一手都係乳香的甜味,哈哈哈。真係好搞笑…

要諗諗計,整到好似紅乳香咁細粒仔燒就最好喇。






燒香燒粒粒

因為乳香係樹脂,遇火會著,咁我又無買炭,又無電爐,咁,又唔想D油脂黐實個底,只好放一小片鋁紙作隔。But,唔夠熱,哈哈哈。點左好多都聞唔到乳香的味。囧。

後來去IZ問有無電爐,剛巧又無貨喎…店主就話佢都係把乳香直接放在爐上熱,夠力喎。黐住?由佢啦,個爐廿元之嘛…


於是,就咁樣樣…


紅乳香,超正。當然,旁邊餐是放了不同的珮香。


煮滾了。哈哈哈。



不過沾了油脂的珮香就壯烈地很快很快很快烤焦了。囧囧囧!

25.10.17

Derma-E

我竟然無意中找到這個,想想應該係月前阿花介紹話好用於是我舉手叫佢幫我訂一支的貨。好像是打邊爐那晚取的。然後又被我胡亂塞埋一邊。哈哈哈。

好好用哩。下次訂野試埋其他 products 先。



官方網頁:  https://dermae.com/

Joyful Dessert

那天買完乳香之類後就轉去黑布街食甜品。是的,S 就在對面的咖啡店。哈哈哈。


店長一個睇哂樓面,堅勁,正。

24.10.17

換走了昨日

之前講過 XA1 Ultra 拍唔到微距,所以崩潰了好一陣子,連殼呀,貼呀都事事旦旦咁用住算。早陣子,扚起心肝畀返D正能量部機,換走變黃又甩甩地的保護貼,買隻三十幾元透明殼,再貼返張銀色生命之花貼紙,之後換埋個鎖機屏,主屏幕及 whatsapp 牆紙,成部機拎上手都好似新的一樣。



哈哈,今日又不是這個鎖機畫面啦,又換了。


download 了不少靚靚牆紙,要多點換務求令自己多點刺激。

藍螢.Blue Fluorite

在觀塘上晶石班前又坐埋一邊揀下石仔啦,呢次又執多粒藍螢,連皮哩!藍得好黐線囉。



鞋店貓店長

因為旁邊就係馬路,所以都係加條繩控制活動範圍好D,事關好多盲炳行街唔睇路,又有賤人會傷害貓,所以安全起見就要這樣。


23.10.17

紫光檀.African Blackwood

這件叫紫光檀的正名是東非黑木黃檀。是天然的顏色,所以中間的可做成酸枝家具。這件木頭,其實是買水晶送的座。哈哈哈。