31.7.18

Nature's Answer 接骨木

是咁的。魔法使之嫁動畫度睇到,接骨木有治療上呼吸道症狀的療效。無病補身,有病也有叫有樽飲品看門口的情況下,訂了一瓶回來。

當然,我食好喜歡飲接骨木花的飲品或雪糕。

是天意嗎?昨日貨到。我竟然同日喉嚨發炎。囧。有無咁邪釘呀。點解病呢?回想這幾日,星期五熱到身水身汗上冷氣巴後接連打了數個乞嚏。星期六食車仔麵時錯用口吸了一啖氣,咖哩汁濺到氣管於是狂咳。之後卻去吃了一頓炸物。翌日,去了圖書館打書釘又飲少了水。於是,本來出哂 alert 涸住涸住的,變成真的痛。

囧。

回想,根本係自殺式。

因為發炎來得很急。半夜喉嚨痛醒,也不停流鼻水。看來要見醫生。





官方資料:Sambucus

Perfect One

在網上吹得好勁,連我都想買來試好耐的護膚品 Perfect One ,竟然在星光行 COSMO 度找到。真係開心了半天。

臉未至於出現神蹟咁突然省鏡,但皮膚整體在我各方位努力下,確比之前好了好多啦。

努力。

呢隻好用,不過我係先敷個99%蘆薈GEL再糊呢個上臉。哈哈哈。



官網: Perfect One

木傢俱貓店長

應該係出來 takebreak 。好靚但睇來年紀唔細的貓店長。





好靚的毛色!好銳的眼神。電暈了我喇。

30.7.18

Avengers: Infinity War

其實我有睇。因為唔係個個系列睇哂,所以一開場雷神兩兄弟被虐殺確實係睇到R頭。經友人提返,我逐追回某幾套睇。


切扒.飯

講真,我都幾喜歡去佳記。


KATE 眉筆

見有優惠,而我又要買一個回公司〔試過唔記得畫眉就出門口返工,變成阿婆咁〕,所以揀了這個啦。


29.7.18

Pom's Kitchen n Deli

又來這裡消磨時光。因為肚餓,所以吃正餐好了。

鬼整呢期嗌的正餐都少份量,見到鄰檯明明係沙律卻比我的餐size20%,真係有點懊悔唔嗌沙律呀。



玫瑰味bath lily

嘩哈哈哈,真係有玫瑰味咖!頂 ~

意大利做,好過買大6貨。市面好多明明包裝係日文都係 MIC 貨。吹脹囉。


28.7.18

《問米》。37/18

21/07/2018

作者在浸大任教,原籍南京的滿紙都係方言,好惡睇。加上,不熟其他地方文化,結果總以旅人的角度去寫,就把各地的生活寫得很扭曲,九唔搭八。

唔知條友在校內教什麼科目,也不知會不用這「風格」荼毒學生。


書,呃外國人應該得,而我作為土生土長的港人,確看到皺哂眉。對啊,可直接丟落垃圾桶。


另。

書從台灣網購回來,被封面呃了。書到手後,發現台灣出版社商標竟用上殘體字,這是什麼歪風耶?


平白浪費了幾十元。陰公。


龍拉麵

呢日食赤龍。擔擔麵湯底。嘩,我喜歡擔擔麵的湯!我先要少辣試,真係好惹味。愛上。正。


三六九上海菜

上年珠寶展前我係去三六九醫肚,今年也是。畢竟好吃的上海菜館真的越來越少〔上水那間都無左喇〕。

鍋貼,小籠包,加個凍食醉豬手。正啦啦啦。




吃飽飽就入場嘍。

27.7.18

居廬

好似很久沒去居廬,這天我吃了芝士番茄薄餅加杯熱焦糖朱古力。



驟晴驟雨的日子,真係好宜坐在看到街景的餐店吃吃吃。


後來人多了,無法再打躉。都唔好意思啦。嘿嘿嘿。

影.樹

喜歡這樣看樹看天。真的喜歡。


26.7.18

過門咒

在網店買了一片銅製的過門咒。應該貼在門框上啦,不過我人懶,還未處理。

真係懶洋洋。



Bold Italic

總叫試過下。不過價位就真係唔值。






25.7.18

Snoopy 鏡盒

即係哩,我細個時係喜歡比比的。這是初心。

不過,我人生第一隻手公仔不是比比〔這個之後再分享〕,而事實上,我亦無買個比比的毛公仔。真係奇怪。

我就是這樣怪。


《冰平線》.35/18

16/07/2018

刨完第35本書。這陣子的書以北海道的鄉鎮為舞台,呢本再北移,是靠望鄂霍克次海的鄉鎮故事。

不論男女,都好苦。好淒涼。沒日沒夜都看不到將來,還背了一身債,真係睇到心都實哂。

真實,往往就是最蝕人。


Sharetea

哈哈,那天睇完珠寶展出來實在太渴,於是去附近的店買了這一大杯凍飲。

店員連珠炮發咁問了我一堆冰啦,甜度啦,大珠細珠,奶粉定鮮奶,膠袋等問題。買杯飲問都好似考 Oral 咁。哈哈,幸好我尚未呆到會被人扔落海的程度,否則真係…

係,在等飲品期間,見到不少落柯打的人被一串問題搞到唔識畀反應,個樣定哂格,就知數分鐘前我也是這個柒樣喇。

哈哈哈哈哈。


24.7.18

洗頭水和護髮素

去屈氏睇下洗頭水同護髮素,自其自家新出品的做緊優惠,兩樣夾埋都係七十幾,所以各買一樽。

洗髮水我揀了橄欖。


護髮素就揀了開始護膚界新寵的馬魯拉果〔漆樹一種〕。洗完頭把頭髮真係滑一滑。


以前唔用護髮素把頭髮都OK。自從漂過髮之後,即使長到剪過數次都換哂頭髮啦,可是那種洗完頭旱得像乾草的情況依然無變。明明只係一頭短髮,可是洗完頭梳返齊都是吃力又辛苦的事。

是年紀大嗎?還是營養不足?

看著街上其他女生的一把長長柔順秀髮,既懷念,也好羨慕啊。

Via Tokyo

還是最愛這爿店的抹茶雪糕。滋味。


貓檔主

唔喜歡講價還價拗價的我,見到佢,內心有股慾望,想瘋狂同佢討價還價。哈哈哈。不過佢個樣有點屎面,唔知係咪太多無聊人要同佢討摸。。哈哈哈。



23.7.18

三錢法急教班

文生在 blog 見我情緒唔多妥,可能驚我又做錯事,於是留言話出來聊聊,話畀我發洩。小女子實在感激不盡。不過,有些事,我知道真的不應該再三說出來。

任性都有個限度。

在泥沼中沒頂,不是值得四揚的事。

說出口的,一切成咒。

這天出來,反而聊起占卜的問題。因為我不懂如何起卦,於是,佢就即席教我三錢法喇。So Sad ,「單拆重交」這基本的方法,我上了十多堂易經學了六十四卦意思前後畀左千銀都無教到囉。


究竟我學了什麼???

話說回來,文生教了我金錢卦方法之後,我在公司的荷包度搵返三個女皇頭一元做工具。


問一件事…

右邊係第一回擲,去到第四爻人有點淆,有點亂了陰陽,所以止於第四爻。

左邊係專心平心靜氣再擲六次得出的家人卦。

由於右邊第二爻是三陽,於是…我想,本來是小畜卦吧。


家人。

玄妙之處係,之後我在電話的易經APP再算一次,結果係小畜卦。天機,就係咁巧合。

至於解卦嘛…呢層…

囧。不妙。

檔口貓店長

即使是一小小的檔口,都有隻非常漂亮的貓店長,好乾淨好靚應該好滑添!睇佢睡得如此大模樣,就知店主待牠很好。




Zion

因為下午會參加在舊法院進行的講座,所以早早去了西營盤度搵地方醫肚。出了站又湊巧落雨時倒水時出點陽光,為免濕哂身鞋去聽講座,人就不走遠喇,就去了站口對面的 ZION 來個 hea 食。

吃點平日少叫的款吧。這是明太子意粉。嘩,加了魚子,成碟粉好靚。剛好又出陽光,從落地玻璃透入,令到魚子閃閃發光!

整得好好味。


Green Tea Latte 。因為會坐一段時間,所以點了杯凍飲。



好喜歡這店。

長豆.雞翼,蘆筍,腩片

又一餐啦。

講真,放工返屋企搞咁多野又煮又洗,真係好攰。不過,就係咁,每星期慳到HK$150-HK$200 左右午餐錢。

買足五餐的菜,都係HK$40左右〔當然買蘆筍會貴一點〕。加埋肉,都唔使HK$80〔三十幾元磅美國雞翼,食到好多餐啦咁〕。相比起買一個有老火湯的午餐盒,都要>HK$60。自己煮的確好抵。


幾辛苦都好,自己整的都是美味好多啦。