17.12.18

叁茶陸飯

上道場路經8咪半,咁喉嚨有點涸,所以買定杯熱薄荷墊一墊先。

搵日來試呢間台灣食店。


16.12.18

松記糖水

第一次食,是賣相好靚又有趣的熱檸檬馬蹄爽。都唔識形容呢個味喇。

為了拍照。IG 想分享給外國朋友知的是香港的一切嘛。



巷仔

上完道場加逛完個宜家,去了巷仔食埋晚餐至走〔呢個係 tea set〕。

好味。



15.12.18

初見

荃灣有間名字好聽的餐廳,叫「初見」。至少,店主是用心度個店名,好啦,呢日專程去食。

有意粉有日食,我揀了久違的魚生飯。

菊花茶係送的。但浮哂面的菊花,飲的時候確有難度。


話就話四魚生丼,但沒有蒸蛋及前菜。



魚生新鮮。Good

有機會再來。

織心

呢個心唔係上堂教啦,是我在 YouTube 度睇住片學的。

都算係咁。


薑檸蜜

因為那間慢理係限時,於是我們轉場飲杯野吹陣水至散啦。去了呢間。好靜局。

但係,幾個朋友推介夠正。

在油麻地王子酒店樓上。


14.12.18

當代藝術典藏展2018

早前去 Sogo 逛街〔因為我有幾百元 cash coupons 〕。入到去見到海報話16樓有草間彌生作品睇,嘩…梗係咩都唔理,第一時間上16樓先。

睇心頭好的樂趣,點都會大過亂買野啦。

原來除了草間彌生,還有奈良美智,曾梵志,高野綾 Aya Takano ,村上龍,千住博,國司華子等等畫家作品…


當眼位呢幅綠色南瓜真係好正,閃閃發亮!


南瓜真係百看不厭哩。




















畫和地板,構成一道幻覺。


展場中我最後的一幅,是千住博 Hiroshi Senju Waterfall 。超美。整幅畫都在閃閃發光〔我是貓?為何偏愛閃閃亮的東西?〕,彷彿還聽到緩緩的水聲。好似仙境咁。10萬鬆D有交易,唔知最後有無買家帶走它?


國司華子 Hanako Kunichi 的貓,好靚呀!好有神的貓眼!


呢張相故意把自己攝入鏡,哈哈,因為奈良美智先生筆下的女孩,都是一副睥睨世界的表情,加上起角的短髮,永遠的圓臉和朝天的鼻孔,重有無可奈右著成跌膊的斜膊,真係堅似我啦。


點都好,呢日好開心啊!

Codependency

FB有朋友介紹,於是之前去了一個叫「互累症工作坊」,是自在社辦的。

主講者是周華山博士。

估唔到有二、三百人出席這工作坊。星期日的下午,原來都沒有懶懶的過,都在努力學些什麼聽些什麼進益自己。


周博士介紹 Stephen KarpmanKarpman' Drama Triangle 。這是我們日常、自小、不能避免要面對的三角關係。這三角有受害者、加害者和拯救者。這三角色,只要自己跌入去,就好難甩身,而且,身份也因時地人不同而有所改變。

用最好的例子,應該係《叮噹》裡面,大雄〔被害者〕被技安〔加害者〕打,搵叮噹〔拯救者〕拯救。大雄得到法寶〔變成加害者〕,作弄技安〔成了受害者〕,技安老羞成怒,打埋叮噹〔變埋受害者〕。


周博士強調「無人有需要有能力有責任去背負另一個生命的課題」。所以,人和人之間,即使最親的人,也要建立一個健康界線,否則,硬食其他人給予的說話,硬接其他人的責任,爆煲係遲早的事。

被父母塞垃圾說話大的我,如果早早聽呢類課,多好。當然,沒有以前的課題,就不會有今日的我了。

我對人的冷漠冷眼,是累日累年的積下來。

社會真係好需要呢種課程。因為人心真係可以好邪惡。做父母係不用考牌合格至生得仔咖。


官方網頁:自在社

慢理牆城 Wall Is Eat

窩八附近有酒店樓上有間 Cafe,飯聚搵地方,一間在女人街內,我有陰影,於是投呢間一票,大家都係第一次來,哈哈哈。

六個人,畀了間房,好正。不過之後有人訂了,要限時交檯。

是一間裝修好正的店,不過房在另一邊,睇唔到。幸好上繩結班的中心在同街街口,我應該會再來。太方便喇。



因為大家都係第一次來,唔知食物份量,見燉飯圖片好正,於是一人一款意大利燉飯〔六個人叫了五款共六碟〕,還有沙律和小吃兩款。

Nachos Chips 上檯時大家「嘩!」份量好大。


每款燉飯比想像中的份量多一半!以往出去食燉飯唔會有個小山丘上檯囉。好黐線。


大家也愛大啡菇!好好味。


超份量的飯加超量的材料,真係好黐線。


呢盤沙律山真係唔使錢咁。羽衣甘籃,牛油果,哈哈哈。






樣樣菜式賣相好得,又好味,色香味俱全,推介推介。

13.12.18

La Maison Du Chocolat

就在巴黎搞緊革命之際,上司話有朱古力畀我。全是 La Maison Du Chocolat 。自從初初在港開店買過來試之後,一直無再買啦。

正。




正。

要在兩星期內落肚。