31.10.11

發記.超正的蘿蔔糕

咁多年來,第一次去元朗建業街的發記食粥,感覺真係相逢恨晚!粥呢,阿桔就唔覺有啥特別好食,反而認為碗粥火喉未到,唔夠綿滑。之但係,佢個蘿蔔糕真係超級好味!正到無輪!係最愛吃到的那種蘿蔔糕呀!

話說阿桔入到去諗住嗌炸兩咖,點知同檯位老婆婆點了一碟蘿蔔糕上桌,嘩,媽媽咪呀!一睇就知係阿桔最想食那種。因為碟糕,阿婆跟阿桔聊起來。她說,發記的蘿蔔糕好味,但她胃口不大,只能點一碟,吃剩還得要帶走。阿桔笑住同佢講,都係因為見到佢碟糕咁靚先叫一碟蘿蔔糕慰藉咋。哈哈哈。

真係小確幸呀。

哈哈,一個小窩艇仔加豬紅,還叫一碟蘿蔔糕,一個人,真係好撐!


好朋友

年初買了這隻Fueki潤唇膏後,不黏不乾不gloss,純粹為潤唇的我一試愛上!由於它含馬油成份,所以特別滋潤嘴唇。桔是個「乾女」,嘴唇常甩皮,用了這個後果然即時解決了困擾。哈哈。於是,這支潤唇膏幾乎是我整年的隨身物品。連朋友仔經我介紹都勁buy這隻牌子。哈哈哈。

年初在00000買,呢個月走遍不少00000都找不著,有點心焦。好驚香港再買唔到。因為朋友仔的那支也差不多用完,也想補給。著我見到也幫忙入貨。哈哈,真好彩,在citysuper架上發現。雖然貴左好多,現在要成50元一支〔幾個月前00000好似賣兩、三草左右〕,更比日本官網貴了兩草咁多!但因為好用,唯有買買買啦。

推。

Gorilla + Banana



新加入我的森林係Gorilla 加笨蕉一隻!

26.10.11

銅鑼灣.豚組


個芝士豬,好正。合哂愛芝士的我。又平又好味,推介。

25.10.11

大澳.阿伯炭燒魷魚



唔好理膽固醇先,話明係水鄉,豈能不吃燒魷魚,更何況是我們自小都知道好正好惹味的炭燒魷魚。

平時唔會掃街的我,每回去到水鄉總是忍不到口,想吃盡水鄉的所有街頭美食。香味撲鼻而來,引死人喇。

煨緊魷魚的時候,阿伯突然問我辣唔辣。滿以為有大中小辣名唔辣之分,但我不知團友喜好如何,一時反應不了。團友話食得辣,阿伯話可以整到好辣。講來講去,我笑:『咁就一於玩大佢啦!』。

結果嘛,雖然此辣不是麻辣火鍋的那種辣,但我仍感到辣氣攻舌。算喇,我身體積弱呀,還是少吃多滋味。投降了。

10元2隻,下次要一隻唔辣先!

大澳.炭燒雞蛋仔



其實炭燒的食物係咪真係惹味好多呢?不過,我更buy的,係此店的蛋漿足料,看著老闆要花點時間把濃稠如糊,色澤金黃的蛋漿傾倒出來,相比起市區那些摻太多水淡黃色的蛋汁,就知道,這檔主無為了賺多一元幾毫而偷工減料啦。


嘩,新鮮出爐的雞蛋仔,色澤如桔,蛋香味流竄。正!推!

家嫂星洲喇沙



好味,但我覺得價錢略貴。杯薏米水,加薑原來好好味。

福滿林.水鄉的家常便飯

反正趕車回東涌都唔知食乜,反正又未吃炒蜆喎。心繫炒蜆,所以在水鄉玩到晚市時間,決定吃一頓才回家。可是,坐埋檯點菜,才知呢個季節係無炒蜆食咖!飲恨!團友不好瀨尿蝦,我不愛吃蒸魚,大家都不想拆蟹,加上,還要熬九曲十三彎的山路回程,不敢吃得太頂胃,於是,這一頓,只點了沙律卷、薑汁炒芥蘭,在椒鹽鮮魷和墨魚餅間,最後揀了市區食肆不常吃到的墨魚餅。哈哈,原來係墨魚拼海蜇,正!

芥蘭好嫩,莖無渣,好咬口,加上燒酒薑汁,好味。

沙律卷很飲宴feel。。哈哈。由哪年開始,沙律卷變成飲宴例牌?

在海鮮酒家,只點了一味像前菜的海蜇拼墨魚餅好像有點捉到鹿唔識脫角,不過,墨魚餅確實好味〔其實是凍食?〕。海蜇是我杯茶,如果加埋海蜇頭,我一定樂壞。哈哈。

這一頓,真的很家常便飯。

大澳.其記

本來諗住抵大澳第一件事係入酒家食炒蜆醫肚先,可是不巧時近團餐開飯時間,所以酒家都說要等好耐先有得食。咁呀,實在太肚餓,於是到附近外觀十分地茂的其記食個簡便啦唯有。反正嘛,整個大澳周圍都有食檔,應該唔會發生「有人餓壞事件」啦。

其記果然十分地茂,供應的食物比公司附近的工廠飯堂還要簡單。飲品嘛,我當然點了一杯例牌:凍檸茶。外加一碗餐蛋丁。

杯凍檸茶上桌時確嚇了阿桔一跳,沒有檸檬,走冰,還有色澤很混濁。除了飲老麥和盒裝檸茶,我真係諗唔到邊度會有這樣的沒檸檬的檸茶供應,而且,還預先雪凍,不必嗌少冰都「走冰」喎。話雖如此,飲落口就知係杯檸茶係好味咖。後來在開飯網睇到,其記的招牌菜,竟然係呢杯凍檸茶。哈哈。大抵大家都是被第一眼所見的拋窒哂。哈哈哈哈哈。

至於個餐蛋丁,驚喜。那片厚切餐肉已增加了好感度啦,肉香四射,真係令人食指大動。當然,個麵用小銻煲淥,所以特別好味。不過,貪心的想,如果豪我兩片翠玉一樣的生菜放在午餐肉旁邊,整碗麵會更靚!

推介。

大澳.半路棚豆腐花

豆腐花應該係去大澳必吃小食之冠吧!所以,早已預了位置吃山水豆花。剛巧路過又想吃,便試囉。雖然這間豆花店在開飯網頁評分不高,可是我覺得很好味好有水準喎。啖落吃到一口黃豆香,又滑又無渣,真係好正好正。阿桔甚至想起細個時去深水埔公和吃豆花一次掃三碗的美好回憶。哈哈哈。

團友話,這個比南丫島的好味。同意呀。

大澳豆花店越開越多,這一檔,是驚喜。

好想快點再去食。

還有呀,店主待客熱誠〔但唔係煩住哂那種〕有禮,真係幫襯幾元都有賓至如歸的感受。哈哈哈。

24.10.11

觀塘.Tanoshiya



無法要求太多或好鮮味的雜錦魚生飯。

壽司翔太.第二回




今回吃另一樣,不過一樣有海膽。Yeah~


23.10.11

曼谷半島.Eggs Benedict

一直都想吃一次「屬於早點類」的班尼滴,但是假期總是無力晨早爬離床千里迢迢去港島那邊的鬼佬餐店為了吃一個水準的,有班尼滴的洋早餐。

所以,當在網上搜到半島酒店自助早餐有班尼滴供應,我確實是懷著超級期待的心情留肚去等待這場早餐盛宴。反正都要吃早餐嘛。結果,這個曼谷假期我只吃過它一次,其後,我放棄。

話說,一心以為半島的自助早餐會好得,所以,當我入到餐廳,拎著碟子在各式早點前繞個圈睇睇時,我是挺失望呀。或者,是我懷著當年在西安索菲特酒店吃那琳琅滿目的早餐的興奮心情,以為泰國的頂級酒店也有相同的盛況吧!看著簡單,成規的一盤盤的食物,沒有驚喜,也不知從何開始。我嘛,就當我港女啦,酒店早餐,從不吃中式早點,炒麵飯中式菜餚全skip哂,烤肉就更不考慮啦。

第一樣先吃凍肉,煙三文魚和腸是必食。之後,當然是沙律了,桌上沙律菜越多越開心。之後,會吃麵包。喔,在這裡,發現了熱情果果醬!不過麵包顏色引不到我食指大動,所以只拿了點算數。

至於個班尼滴,滿以為是即叫即整,點知,在我落完柯打之後,廚師就在桌底下拎出兩個「現成的」給我。再正的美食,預先整好再用機暖著,味道一定會大打折扣,何況,這個班尼滴最吸引人之處,從來是頂上像那塊半熟半溶,蛋白欲滴的雞蛋呀!看著手上的班尼滴,這樣的雞蛋,哎呀,樣子暗啞,想想已不好味。

結果嘛,這一餐之後,我再沒點班尼滴吃了。

21.10.11

Yogen Fruz Smoothies



那天在首爾買的糖果,早前發現本地慢靈有售。推!

銅鑼灣.壽司翔太1

噢!發現積埋不少飲飲食食相片沒放到這裡。


20.10.11

抓拍.在魚蛋檔

@ 香港仔魚蛋粉

雲呢拿




皆因本小姐不愛吃雲呢拿,所以呢盒棉花糖在工作檯底敵不過歲時的摧殘,終於縮成一堆。噢!惱。

合適




唔好以為平的沒好,這支霜霜,十一元有找,因為有朋友用過覺得好用,所以我也買支傍身。嗯嗯,我都覺得呢隻好用,又唔「黐立立」,Good。

多得科技隨時月普及

很久沒更新aNobii個書櫃喇,因為看畢一本書,所以上一上去順便更新一下書櫃,才發現佢個APP有scan barcode 呢個分唇。嘩,咁我上傳我的書藏,從此就方面好多好多。尤其是正打算把它們入箱送進儲物倉嘛。

以前用過一個笨方法咖,就係用筆記帳逐一寫下買過的書名和價錢。但寫了一段時間,就懶做。之後,我有諗過給書拍照,當然又係一日拖一日啦。。

雖然有些陳年書籍印在無條碼的時代無法上傳到aNobii,有些舊書書背的barcode也無法確認,但,暫時來說,呢個app,真係超好用。多謝!

19.10.11

我們最幸福

More about 我們最幸福
由書展到現在,斷斷續續地,終於啃完這本比磚頭沉重的書。

18.10.11

CRAZY



這個「記錄」,除非再有bugs,否則都好難自破!哈哈哈哈。

我個人覺得難吃



好睇 不等如 好吃 @ 元朗.RIC

第一次去。也是最後一次去。

美少女戰士



每個女人心深處,都希望身邊有個禮服幪面俠。但,呢套紀念票,連薰衣草色斗篷都囉。

半圍套餐也不過四百多元



上星期四和朋友去上樓飯聚,見半圍套餐也不過五百元,真係好抵,所以照點如儀。

湊巧大家剛從不同地方旅遊回來,泰國,台南,肯亞,所以這一餐聊著旅行的事,交換旅遊訊息,聊得很愜意。

四個人又怎幹掉六人餐?結果嘛,吃剩的被打包,除了蝦。

那個吃剩的元蹄,在我離家多日後,昨晚終於要解決。

是晚:砂鍋雲吞雞、菘子魚塊、肴肉、素鵝、雞絲粉皮、炒年糕、半隻脆皮雞、蝦麵、元蹄、奶油菜、六杯豆漿、六件桂花紅豆糕

17.10.11

雀鳥花園抓拍

太早抵達花墟,又未入得場睇波,趁有空,去了旁邊的雀鳥花園。

相比以前在朗豪坊附近的舊雀仔街,這裡的地方已寬敞好多,可是,一見攤上賣來給雀鳥補身的昆蟲,人雖維持距離,還是不禁發麻哆嗦。哎呀。

當年雀仔街的「繁盛」景況,就是因為這些昆蟲,直到今天,仍歷歷在目。