28.2.18

緣結御守

剛好在A/L前收到S寄來的禮物,是今宮神社的緣結御守,好靚的紫色,多謝。

哈哈,結善緣結壞緣都是自己種的緣。孫是果,好的,不好的,都要獨力承受。

努力了一切因好D。

應該係,無得唔係。

2018年,對自己好D鬆D,對人都鬆D咁啦。


我D PROSE 積了六十幾個草稿,量已排到3月尾。好癲呀呢次。所以呢期D POST 好時光錯亂,四月可能出返上年未放的東西。哈哈哈。

百寶堂

個盅好正!盅上面D字體都好正!


威風凜凜貓店長

個樣好嚴肅,唔知咩事哩。












哈哈。

27.2.18

看人賣春聯

一手好字 ~

至少好過那些在年宵賣笑賣字的大小政棍,明明D字醜到死都要出來獻世。我包容唔到呢種惡劣。

還是欣賞好的事,好的字吧。




南北行貓店長

上完堂當然去訪貓店長啦。其中一位。。

我承認,我在店邊偷拍佢。所以佢喵我啦。哈哈。


火鍋

冬至前一晚,得幾度。細佬話回家打邊爐。七大一小要準備多少食物呢?結果,我搬了六百幾元食物回家,佢都搬了過千…


一隻手搬了半隻泰安雞件,京蔥,豬,牛,枝豆丸,台灣手工餃子,珊瑚蚌,墨魚滑,魷魚仔,日本蛋,西洋菜,雪藏烏冬…從一田搬回家。

翌日,我的右手不是我咁。哈哈。


26.2.18

抓拍.You are...

你是我的日月小喇星 ~


因為先上烏冬,再來天扶良飯,之後串燒,連甜品都由侍應一句「上埋甜品畀你」就放在檯面晾住,後來才知沒有上前菜,沙律,麵豉湯。

囧。

至怕呢種分幾次奉食物的店。下次唔會再去。




課室的窗

倚窗而坐,上堂真係好易分心。哈哈。


25.2.18

古董車展覽

那天去碼頭睇展覽,經過郵政總局對出空地,有車展舉行中。沒有留意一班有錢佬〔車主〕,時間關係,匆匆拍了兩架閃人。

以前的車,像藝術品般美。



Avène

雖然試緊肌斷食,不過日間出街前都係 keep 住執返個樣至得。

上完中藥面霜直接塗粉底怪怪的,於是隔離霜或 make up base 之類都要搽一搽。之前支 Rimmel 用完啦,要添。咁組過屈人寺,揀支平平地的牌子。

咁就揀了這個。

好用。




24.2.18

Uriage Cleansing Gel

用哂屋企的卸妝用品,急急添貨。在屈人寺見到呢隻用阿爾卑斯山水做賣點的品牌 Hyseac Cleansing Gel,唔貴呀,才HK$162,所以買來試。

幾好用喎又。


SET個財位

哈哈。立春喇,梗係在家 set 好個財位啦,花了一千,整了這個規模。哈哈哈。


23.2.18

Library

其實好食,份量夠女生食,可是感覺就是有點寡。


黃晶樹

哈哈哈,呢棵樹係以HK$300優惠價買返來!店主入了兩棵,我跟阿花一人搶一棵,哈哈哈。

貨到拆包裝的樣子係咁樣樣。銅線繞的。


搞左一輪,終於調好姿勢!


很美。


真係好抵。

22.2.18

雀屎搽面之女

2017年發生了一件離奇的事。

話說公司有 shuttle 畀員工使用。由於我住在新西,咁,如果無晏起身,又不用去街上堂咁,就好順理成章坐公司車慳返一程又一程。呢個情況,以我高度,早上車兼坐唔滿人的我,總會坐車尾二行靠窗位坐,因為呢行位好闊,唔會頂住膝頭,亦唔會頂到前座椅背。本來都無咩麻煩…直至有一日…我發現新買不久的 GREGORY 背囊常粘著奇怪的肉色污漬後…

究竟在哪裡整污糟個袋?我有點潔癖,平常入 LIFT 都唔會挨埋牆的人,放低袋更加會望清楚座位乾淨否才放袋,先撇除在 LIFT 中招的機會。咁,出入都經過大樹,地下都有雀屎,有諗過係咪雀屎。不過,雀屎唔會統一的蝦肉色啦!而且,污漬總是出現在背囊上的某一邊。奇。抹過一次,但入哂尼龍交錯D隙縫度,根本抹不掉,成了一撻撻。肉赤死〔成千幾銀呀個背囊〕,叮囑自己出入放袋要多加留神小心。

那時,尚未諗到邊度「出事」。

其實我件 Aigle 外套背位帽底都有…囧

直到有次,明明剛抹了袋沒多少天,又發現新的污漬,而且竟出現在背囊帶度,位置係我揹上背囊帶子靠腰的位置…噫?正常揹緊背囊唔會整污糟到的位置囉!而且再檢查外套差不多的位置,卻完全乾淨。咁我才開始認真想呢撻漬係應該在我放低個袋時整污糟。邊度?返到公司我把袋放在檯底的盒上,回到屋企拎入房掛起,上堂放檯面櫈面唔會放地,還有 shuttle …

叮…

想起有次我在車上釣緊魚,突然靠通道位的 chair arm CHOK 左一下,扎醒第一時間望係見到後一行另一邊位的女同事個頭。如果司機急停的話,在同一架車的唔會佢撞到個 chair arm 而我沒有失衡。基於當時無想過呢條粉腸有問題〔無理由懷疑同事〕,所以都係諗條友腳短撐住腳坐跣一跣。

而事實係咪咁?佢坐後一行另一邊喎…點解會搞到前一行另一邊的座位?

越諗越唔對路,加上污漬又時不時出現,而且全都是靠車廂通道一邊〔背囊拉鏈的一邊長靠自己身〕。咁,為了唔想屈錯人,我就準備一個布袋作測試。我塞D野入袋,然後在上車前同個袋拍照,上到車把袋放在背囊旁邊靠通道,到落車再作對比。試了幾個早上,落車時都發現袋多添了新漬。

唉。佢趁我在車上睡覺時,就把佢D雀屎粉底擦落我個袋上面。佢鹵味。有無咁無聊呀頂!

呢件事我當然請教過不少人意見和解決方法,連向公司人事部投於都有打算過。亦在心理學堂上導師及警方〔同學〕分享過呢件氣憤事。

結論如何,在FB講過了,這裡不贅。

總之要同D屎忽鬼保持距離。放生一件仆街都要有條件。

呢D精神異常的慣犯,梗係要正月祝福下佢啦。係咪。肥屎 CAROL 。









呢件事。就係咁。

要警惕自己,賤人無處不在,以為最安全的地方,人就放鬆,其實往往危機四伏。

唔係講笑,返工放工坐車都見到佢個衰樣,負能量都會彈升好多。

悲哀係,呢件野有細路囉。

小巴黎越南…

我話要少沙嗲咖,點之是一碗滿滿的…

真係唔使錢咁。

賣相方面,無得搞啦。


絲雲母.Mica Quartz

在水晶店被這新石吸引,見唔貴,咁就入了一條淡粉紅底的。這絲狀雲母水晶,應該叫 Mica Quartz 吧。

戴上手,感覺清麗。呵呵。






21.2.18

桃之夭夭.Peach Blossom

生日後見到S送我的一棵大桃花,笑 ed 啦。

寅月天,春暖,嫣紅,桃色滿臉。

就是人間。



謝謝。

圖片是回禮啦。

Cafe Bauhinia

在上環上完堂去醫肚,經過見到一間非常清靜的店。我入去時得我一個客咋。


Carabonara 比較乾身。通粉可以再腍一下。


櫻花奶昔‥因為在其他地方無乜機會飲到,所以試呢個。很少女的說。好味的,也不是甜得像浸過糖水,OK喎。



咁。

黃鐵礦.Pyrite

朋友S的黃鐵礦好吸引,於是我又落去玉器街尋寶去。問了同店的負責人,佢話賣哂喇。可惜。

然後走轉相熟的店,哈哈,發現這個,好似係三百幾,於是買下。







形狀同 SIZE 都好滿意啊。