又去買蜂蜜

打從上次貪香味濃而買荔枝蜜卻因為身體虧頂唔順每飲每上哂火之後，阿桔再買蜂蜜就不得不謹慎啦！安心起見，在網上搜尋一下有沒有推介或有問題的品牌，免得又墜到甜蜜陷阱裡啦。

市面的蜂蜜牌子多，而且每隻都有很多不同花味，樣樣都想試，又怕味道不是自己杯茶，到昤搵人接手又好衰，自己劈又劈唔哂整瓶蜂蜜，真係哩。。。

嗯，結果，在 SOGO 地庫超市買了來自新西蘭的 Airborne 百花蜜。想想，新西蘭政府對自然環境的監控應該好過好多國家，而這牌子，評分都不差。。

百花蜜，最保守，卻絕對穩陣。。

阿桔買蜂蜜時同時亦有位老太太在架揀緊花蜜邊隻好。由於阿桔早已把下邊的報告 cap 了圖方便搵心儀的花蜜，見佢咁懊惱，亦樂於跟她分享資料。亦說即使揀好牌子，可是花味接受不到，還是會浪費。最後，佢照跟，買同牌子同味的百花蜜。哈哈。

阿桔飲過。一茶匙一大杯水，都依然香甜。 good ~ 

Airborne Honey :  www.airborne.co.nz

相關資料來自消委會2013年55款蜂蜜測試報告。

金羅道韓國餐廳

上年佢叫全州拌飯，而阿桔就吃石頭鍋飯。今回今年掉轉，阿桔要吃全州拌飯。無咁熱嘛。趕頭趕命去吃熱騰騰的石鍋飯，絕不是享受。

 2014

2015

金羅道韓國餐廳

十四年除夕，吃了一頓好味又抵食的韓國石頭鍋飯。

我個西人上司

送呢堆聖誕禮物畀阿桔。。。

tea bag ...  

上司如何？不贅 lu。

Clipper Tea

阿桔唔係茶精啊！點解聖誕節會收到茶包茶葉咖？阿桔個 store 早已可個人飲用幾年喇！

盒面不是 Benedict 啊！不如送本有 BC 封面的雜誌啦！嘿嘿嘿！

Anyway，呢包英國茶是公平貿易的茶哩！多謝支持公平貿易！

延伸：

Clipper

豬油渣麵

在深水埔腦場買碌竹前食個快餐醫肚先，因為鬼佬未食過豬油渣麵，所以去了周記。

阿桔食魚餃麵，加個炸韭菜餃些牙，鬼佬第一次見識呢碗油渣麵，又未見過比開邊雞蛋還大的炸餃，竟然舉機拍照留念！哈哈哈！

嗯嗯，記憶中阿桔都好似食過一次油渣麵咁大把。在花園街內，好像是廿年前的事了。

真係日月如梳。。

酥事。。

公司樓下餅店的杏片牛角包同蘋果酥，堅好食。不過阿桔食到好狼狽，一邊食一邊跌皮。

木瓜雪耳燉冰糖

哈哈。。不記得木瓜，雪耳及冰糖這個組合的排位喇，總之，天寒地凍食碗熱騰騰又滋潤十足的糖水真的妙極！

驚喜．甜品館

十一月中去旺角鳩嗚完，想吃碗麥米粥，就去了甜品館。平常只叫凍食的桔，因為同桌的人點了熱的燉蛋。。一望，嘩！竟然係禮陵瓷廠七十年代因乒乓球外交而製的乒乓小童瓷碗啊！如果無甩色淡色剝色，好似炒到兩百元一隻咖！

吃不下多一碗，否則叫一碗熱甜品供拍照用。。哈哈。下次啦唯有。

國記．粥

在元朗國記點了一碗艇仔粥。佐料得魷魚，花生同豬皮。。

點解呢？

榮華茶餐廳

阿桔真係超愛去茶餐廳，所以在深水埔都揀入茶記咬咬。

去了福榮街的榮華。要強調福榮街，是基於此城有無數茶記都叫榮華囉。

豬頸肉炒河。。至正係好多爽爽銀芽！好味！

小惑不解

對於在一間粥麵店叫外賣冰鎮凍奶茶竟然真的連一個 rock 兜冰鎮，真係小惑不解。

不過，在家喝杯奶茶都如此陣式，會不會太過了點？

彌敦粥麵家

去了西貢街食碗吞麵先！

想吃粥，但又不想吃到一肚水，還是吃麵好了。個吞餡勁多胡椒粉，又爽又彈牙又辣辣的，呢個天時食真係暖笠笠。

至於個炸鬼。。哈哈。。心中有粥，所以叫了個炸鬼。阿桔有時行過粥品店，都會無啦啦買條炸鬼當零食。不過不是間間炸鬼都合口味。阿桔喜歡脆卜卜的，元朗又新街松記的炸鬼就超脆，行過定必買。至於檯上這碟，對比韌了點。用來配粥就好囉。

想想，這樣吃炸鬼，算不算炸鬼控？

很少麵店都會落韭黃了。這碗麵有，一條不剩被阿桔清哂。。

不存在的甜品店

唔係講緊迷境界，嘿嘿嘿！而係這個焦糖乜乜乜是大專罷課前吃的。兩星期前行過，同一舖位已換成另一間食店了。

澳門茶餐廳

天寒地凍又落埋雨，睇完戲才九點幾，去附近茶記〔北京道那邊真沒什麼選擇〕呷杯熱檸蜜吃個重口味豬仔包才返歸吧。

當然，睇完戲係需要討論的空間。

茶記．五肢無力

去麥花臣那邊鳩嗚後，想念貓，就到上海街那邊那邊的茶記打下躉。。幸好，店是屬良心小店系列，所以阿桔都不必擔心畀錢之餘還冒背脊骨落之險。這日子，不得不多多計算花了的錢去了那個的口袋度囉。

這個下午茶真係豐富啦！竟來半打春卷！

靠近水吧，專心吃茶，卻不知那個伙計突然一句「唉！五肢無力！」飄入耳，幾乎噗哧笑出來。。

如此神來，算是金句吧。

冒險旅程．Softree

阿桔有不耐症，對於奶類食品，真係好易鬧出大頭佛，故此平時去街都少餵奶製品落胃。不過，抵不住蜂巢雪糕的吸引力，反正經過加路連，就進去吃一個吧！

這是換新電話不夠半個小時拍的第一圖。效果未好好掌握，拍到雪糕都有點溶化。呵呵。

〔hehe。。當晚有驚無險，安全返抵家中。小確幸！〕

鳥華

不記得呢碗叫咩名堂喇。十月中旬的事了。

〔一切如隔世。。〕

拿督．大細腳撈粗

真係好好味。

via Tokyo

很久沒來。。