31.3.17

拉長石.Labradorite

上完個堂,想買粒拉長石吊咀,全藍光定全金光好呢?後來在網上見了這枚像風景畫的,動心,所以拍板。

買石附一條繩。不過對於把這個拉長石也當靈擺用的我來說,條繩唔多夠長,除同戴都有些擦妝粉…之後再換吧。





30.3.17

白紋石.Howlite

買到兩樣白紋石〔白松石〕。

枚介指同其他兩枚一樣,唔使HK$100。帶上手好正。不過轉贈了老豆喇。


這個不得了啦!二百幾元咋,我對這石敲完音叉,就直接拎住睡覺。感到力量源源不絕地進到身體內。其實可以放枕底,不過呢枚太大,就唔得啦。哈哈。




白松石強骨,我知道梗係入貨,大大枚添呀。當然,又說這是聚財之石,嗯,我發了達定必公告天下。

BTW,朋友係人生的重要財富之一,亦係要用心去累積。慶幸哩,近來都識到好多投緣及興趣相近的新朋友仔。希望他們識到我都感到開心舒服。

拜託店子幫我找一串白松手鏈,始終都想有條白松石方便帶住出街嘛。

29.3.17

樂園港式奶茶雪糕

在月尾前終於趕得及去山林道 The Little Corner 試這個樂園奶茶雪糕。還有紅豆哩。


不過,我還是喜歡這店的抹茶味雪糕。哈哈。

法鼓山的禪班

之前上的枯山水 workshop ,導師都有介紹過可以去法鼓山學禪坐。當然記住這事,不過六根未淨,都唔想浪費了一個位,所以一直沒行動。

早前去佛哲書舍,心血來潮望下櫥窗海報,竟有法鼓山「八式動禪」班召生海報。真妙,連上課時間都無和本身其他的課撞期,既然天意如此,就即時上法鼓山網頁登記報名留位。當然,坐禪還是遲些再想,先上個動禪看看。

法鼓山香港有兩個道場,一個在荔枝角站,另一個在港島西。我遇上這個課,是在九龍這邊道場上。

第一次去道場,唔緊張就呃你啦。心情既好奇又有趣。而且,因為是晚間上課,還可以報藥石〔晚飯〕。

第一次藥石,唔識規矩,唔知要繞個圈才去裝飯,失禮哂。

動禪課,雖然動作簡單清脆,不過對於少郁動的我這樣動著,又真係幾累咖,因為這八式動禪和易筋洗髓一樣,主要係拉筋。這個動禪最主要係實踐「身在那裡,心在那裡。清楚放鬆,全身放鬆」,把心收起,每一個動作都專注自己身體不同部位的反應同回應。哈哈,郁頸,郁腰,郁膊…唔一個個部位拉過郁唔知自己身體咁緊咁硬囉。

而這動禪強調,並不是感到痠痛用死力挑戰自己,而是先知道當下自己的身體極限,再放鬆自己身心,慢慢嘗試,不圖一步登天囉。

堂上還教了坐禪,我跟著指示放鬆四肢五官,竟睡著了。這是第一回盤坐時放鬆到睡著。看來進步了。

好實用。感謝道場各位義工。


28.3.17

水晶體驗班L3

上到 Level 3。呢次主要學用水晶砌陣做 healing 。


熱身先,合適的晶石介指可按手指及個人需要而佩帶。


哈哈,呢堂教了不同的陣式,強七輪,平衡七輪,治頭痛,女人周期唔舒服,捱到五癆七傷等等,導師還準備好相應的晶石,給學員來個親身感受。這一堂我揀了平衡七輪的一款感受。


就係咁。。


我劑藥。哈哈。


這晚六個人上堂,所以有六劑藥。哈哈。


攤在地蓆上「試藥」的過程大約十多廿分鐘,六個人攤在地上,又砌哂石頭,熄哂燈,又播住音樂喎,哈哈,睇相都覺當時好壯觀。激活後的水晶像上了電,感覺不一樣,肌肉跳動。其間,我真係放鬆到睡著了,還發了夢。

試完陣,導師又 show 下介紹下佢的藏品,及每種礦石的效用。


下邊呢粒係 Opal ,不過唔係澳洲品種。

我會不會跟著買?哈哈,事實係後來有買幾樣對我自身好重要的石啦。

暫時上住咁多,L4 的上堂時間跟我的心理學課撞哂期,只好暫停。L4-L7,要遲幾個月先再報喇。

27.3.17

Gemstone Angels

係。我在IG絕對被這張相吸引,加上好難得有本地店賣水晶天使,所以秒搶買哂店主這三枚水晶天使。


上堂見導師的藏品或見朋友放上網的圖片都有水晶天使,羨慕不已,所以一直在等「機會」。終於擁有喇!



紫晶,代表 Arcangel Jeremiel 。


白晶,代表 Arcangel Raziel 。


粉晶,代表 Arcangel Ariel 。


三款水晶都係我存量較多的水晶,哈哈,我目前要處理好,係愛清和清除自身的負能量嘛。

和店主吹水,佢都話會再入其他水晶天使,期待啊。

血石.Bloodstone

呢枚介指好搶眼,買了。

嗯。畀了老母。

可能有人好奇我畀這麼一小枚老人家是否太小家,其實哩,老人家唔信水晶呢套,我只係盡做。話說上年畀佢那幾枚青金石,被放在窗邊早已封哂塵,那天我見到,坦白講,真係好肉赤。無奈也不能亂動已送出之物。

係囉,唔信呢套又點會好好存放呢?而且,在老人家眼中,這不過幾粒唔值錢的石頭,亦沒有替佢帶來財富,只是小擺件而已。


BTW,送出前我都有敲過音叉啟動一下佢咖。我都話盡做咯。

26.3.17

Althaus Tea

之前講過我有這隻德國品牌的早餐茶包。呢日試茶,滑,醇,味道不錯。

在網頁見到這品牌有法國玫瑰,不過因為要在德國官網訂所以得個望字。後來,識了位在德國讀書的新朋友〔哈哈,我又識到新朋友,真係 whatsapp 吹水那種〕,經佢幫忙,我訂了幾隻黑茶加法國玫瑰,將會到港。

這位新朋友R竟然跟我有共同的「病」,哈哈,乃是我們對玫瑰係無乜抵抗能力,見到含玫瑰的物品就心動不已,哈哈哈。而且,佢又有養貓喎!所以嘛,我們就多了話題喇。


關於這品牌,真係唔好意思喇。聽R講,原來平常的百貨公司和超市係無這牌子在架上。最終佢係在那邊網購再寄畀我。滿以為尋常買到之茶,竟勞煩佢專程去百貨公司找,真唔好意思。


好啦,幾款新茶寄到時再分享。

期待。

白玉.White Jade

在一盤介指度搵到幾枚白玉做的,想了很久,執到啦我。即買。幾十元咋。


25.3.17

Tuve

在網上見到這間酒店,愛上,就訂了房。唔出埠嘛,就在香港搵個好地方休息下啦。於是搵到這間。好正囉。

酒店門口就在左邊。


沒多餘物件的房間,型。





連酒店的感謝信,香港展覽特別節目的資料都放在檯上。


房門上的走火圖…


地是木板,好舒服哩!




供應 fresh !



房號印在天花板。一層只得三間房咋。



自拍一下 @ 酒店登記處


這是酒店登記處的一隅,中間有張大檯。


離開酒店,不忘拍這通道留念。


酒店外牆無印上酒店名,所以平常行過未必知道這裡是一幢酒店囉。當然,酒店的名字有出現在酒店外某一處,but,唔細心望係會 overlook 咖。

好滿意這酒店。可能會再來。

P.S. 房間供應的浴袍質料好好又好軟滑,正到想買番一件走。哈哈。

Sodalite.方納石

好可愛的蘇打石。忍唔住,買了三枚。

好平咋。唔好亂諗我啦。


24.3.17

Coffee ?

又去 workshop。先去咖啡店食個 last breakfast。

店主認得我,問我上回咖哩試食會吃了什麼。我即刻 loop 相佢睇。哈哈。係呀,未放相到這個BLOG 咋。好懶囉我。


好味的 carbonara 呀。

黑碧璽.Schrol

上堂時導師用黑碧璽佈四角用來做屏障,加上做治療時再有放一枚在腳邊,的確感到左腳肌肉強烈跳動〔因為左膝有傷關係,反應會明顯〕。既說可放床尾能去人的病氣及負能量,所以課後我都急忙入幾枚小璽放在床尾試下反應。

小璽上面的白色係共生的雲母。晚上睡前都敲下音叉繞下佢,嗯。第一晚好明顯感到好像通了電流,半夜醒了一陣但人好精神。之後幾天因為太累,一攤落床不夠十分鐘就睡了,所以唔記得有咩感覺喇。

不過,呢幾日即使唔夠睡眠時間〔5-6個鐘〕,但感到人睡得比以往酣。

暫時未能調前睡眠時間,期望下個月一星期剩得兩個主要課程時,其餘時間可早點睡。



在想,用來送禮都不錯。可是,身邊信水晶的人不算多…

23.3.17

雪梨燉桃膠

哈哈,話說那天放了紫鋰輝原石在公司後不過兩個鐘就多了個「原來傾得埋」的同事P,還連吃了兩日飯,惹得有些知我「烈焰式脾性」的人忍唔住埋來問咩解究,還寸寸貢問我覺得呢段關係估可以維持幾耐。哈哈哈。

為了證明友情仍然存在,一天,在我收到同事P 給我一杯雪梨燉桃膠後,特意 POST 這張相上面書示威。哈哈哈。

作為一個最腹黑的人,真的要洗心革面,做個好人。

因為做好人後,發覺世界對我的回應很快。


心理學.課

又去上心理學課。呢次要考試囉。其實幾難啦,唔知應唔應付到。總之努力啦。


22.3.17

路過。

拍一張。