31.8.19

丸作

和朋友在路上話別後往巴士站途中遇上動物環境生態保育類別慈善基金組織,被截住了!跟我介紹的義工是個青年,加埋佢同樣係義工的同伴,又問又答又講下目前香港問題,世界性保護動物環境的林林種種〔我有三條每月定捐的數畀慈善組織,不多不少都知道救緊什麼〕,於是三個人在街上吹水吹了差不多大半小時。

當然,也講下目前香港的情況。

加上,打唔成風,街又卅十幾度熱力四射,講到聲沙了。

於是,感到口乾的不得不去買杯飲品滋潤返。

呢個係「丸三冬瓜檸檬」,丸有三隻味,但因為乾唔到杯,所以食唔哂丸丸丸喇。買的時候店員有提議多少少檸夏天飲好舒服,不過飲之時我真係覺得酸得太怪,加上真係好大杯我眼闊了太多,卒之浪費了1/3杯。

囧。


Pokeworld Express

呢個燒雞扒溫泉蛋飯〔HK$58〕好正。壽司飯,雞扒,溫泉蛋,芝麻醬,小番茄,青瓜,紫菜,飯素…壽司飯加了醋,酸酸地,好醒胃。

正!


30.8.19

四喜月餅

今年再支持四喜月餅,和朋友各買了一盒紅豆月,加兩塊伯爵茶芝麻合桃酥。

齊頭 HK$300 。我有 SOGO COUPONS,可用。




個合桃酥好好味!

素一

因為我點都唔會留在家食飯,所以街出面情況如何我都係要出街食。

呢日,多謝 V 陪我食晏〔下午茶時段〕,去了老銅,推介是素一,食素食自助餐。

HK$68加一。好味。食了三碟就飽到肚撐撐了。

嗯。一定要飲店子的紅菜頭檸檬水,真係好似利賓納,好好好味。劈了兩杯。





多謝相陪。

29.8.19

《鬼故女王.金裝號》.21/19

26/08/2019

既然在圖書館見到呢本書,就借來睇睇有幾「金」啦。

結果係,一點都不恐怖。這世代的網絡作家寫的鬼故比作者筆下的故事更緊張更寫得好囉。

想看的,放棄吧。


Amino Mason

因為氨基酸有驚喜,所以去補買一瓶氨基酸洗頭水先,一星期用兩次應該都救到「唔夠絲滑」的頭髮。

雖然貴就貴左少少,無計,天生麗質就不用花這點錢喇。


Official :

http://www.aminomason.jp/

28.8.19

Matomage Hair Stick

在店見到呢個,買了個強力的,同來黏下流海,鬢位D亂向毛毛咁啦,可以唔使落手去上 gel 上泥,幾時都可以搽,i like it。


Official :

https://www.utena.co.jp/matomage/

大雄

因為店子電視播專做假新聞的某台。只此一次。



27.8.19

April Skin

常常見到呢隻貨品的廣告,強調去角質恩物,咁要去角質的我就買一個來試啦。這個在萬寧買的係連一把掃的 set

當晚就用啦…嘩隻味好「啃」呀!

敷完撕走塊面膜,臉感覺係「膠」哂…係咪咁咖?


Official:

https://www.aprilskin.hk/

《白邪封印》.20/19

20/08/2019

好好笑。

繼續追。



26.8.19

schwarzkopf sugar ash

事緣係早幾日去做 facial ,店主幫我整髮箍時就話「嘩,你多了咁多白髮?」…

唔尷啦,事實來。

這陣子懶,無搞頭髮。好啦,去店買盒染髮劑執執個笨頭。我是因為見有灰色才買這個。用完有驚喜。


唔係真係變灰髮,染出來似深棕。本身我髮色係銅色,所以洗完頭過完水都接受唔到突然變深髮色頭。用咩色點撞點溝至出到我真正想要的顏色呢?

這染髮泡泡味道都幾攻眼攻鼻,我在廁所一唧泡泡到手套咋,味道即攻緊上鼻和眼,所以,一定要在一個空氣流通的地方做色。

幸好,皮膚敏感到好易紅腫拉損啦生瘡啦甩皮啦過感到爛出水啦的我今次完全無事。

更驚喜係,我真係第一回接觸袋氨基酸的髮品,洗完頭過完水頭髮滑到絲一樣,頭髮質地即時後生了好多年。

正。

workshop 被安排買了廿隻色每色半卷共六百元臘線。暈。我想買住一卷先,可惜上堂的導師無力更改決定。因為店主去了旅行,臨行前係佢已標好哂價錢在紙上。

看來我要好好的織點什麼免得浪費。

義賣好,送禮都好。


每堂的材料費都幾百,其實這個課才 HK$500/4 堂。或者可以話買了又唔係一堂用哂,但既然唔係一堂用哂,點解要一次要買咁多線?加珠又另計,加扣又另計咖。

萌生退意唔係呢種生意手法…而係有條粉腸打開了潘朵拉盒子。

本來我上呢個堂都係抱住 kill time 心情,不幸地…

25.8.19

一豊

本來嗌雞軟骨拌書,點之變成拌電話。好味。


免治雞棒。


下午茶時段的角切魚生飯拼豆腐麻醬沙律。



雖然魚生飯得三文魚片。不過飯同埋沙律都唔差。

Kracie Conditioner

雖然之前買二合一,但年紀大的我洗完頭頭髮依然太旱好難梳,都係去買瓶護髮素搞搞。

係丫,買返呢個牌子。


24.8.19

拉麵…

食埋呢次,支持完畢。


《寫鬼》19/19

詭語怪談系四

18/08/2019

近日沒留意在啥新書,所以呢日在灣仔森記見到就買埋啦。


唔夠恐怖,哈哈。

題外話。

話時話,有無睇過立場新聞分享七月十四深水埔射催淚彈的片段?鏡頭拍到有疑似殭屍的「人」在群中以右異的彈跳高度移動哩!

23.8.19

《乩身.六.飛天》. 18/19

15/08/2019

今次故事主角係夜鴉,是一個心碎的故事。


這系列會繼續睇啦。

O'taste

睇完戲之後去做 facial ,中間只有一個小時,計埋腳程,實不夠時間到餐廳好好坐住食,又唔想把熱食囫圇吞棗咁落胃驚爆汗…於是轉入韓國街買個韓式便當匆匆的糊口。

韓式飯卷,粉絲,年糕。飽哂。


真係好耐無食過。

為什麼一切都變成好久遠的事?

22.8.19

麵匠風龍

又去麵匠風龍度支持支持啦。

那天我想代一位客人付餐費,不過負責人唔收,話那筆款項未用完。於是,我只好再多D去店幫趁好了。





一餐麵,兩重好味。食物好味,人情味也好味。

散水餅

有同事回加拿大,散水餅跟他的未來日子一樣,美。


21.8.19

都係功課

寫得好肉酸…囧。













《厭世女兒》.17/19

11/08/2019

收到這本書第一時間睇…睇哂。我在作者未出書前,都有在她 FB Page 留低過想法哩。


作者分享了她的非常糟糕的童年。感謝,畢竟能夠把自己的家事娓娓抖出來的人實在太少,我更信,可坦然面對自己曾受的莫明苦難,那是需要更大的勇氣和力量。

只要勇猛跨過這關口,日子就會過得美好。

You are not alone

沒有天生的好父母,所以遇上怎樣的「父母」真係無得揀。想起昨日在餐應,鄰桌有一件阿婆婆不斷催促孫女食東西,又話佢細細口咬係咪嫌唔好食,不斷怪責佢呢樣那樣,喋喋不休地放負,聽到我皺哂眉。點解唔畀小朋友正常兼安靜地食一餐?有個疑似阿婆個仔的人物,對於阿婆不斷用死唔斷氣講野,竟全程耳邊風。奇。

每個人本應有「一個童年」,沒經歷過災難,只是旁聽痛苦的人,永遠不會明白孩子〔苦主〕的感受。

20.8.19

金翔

朋友告知這店有幫人避彈彈,雖然呢日朋友有事最後無一齊來,但我都照樣來這裡支持支持。

當然,我以前來過啦。

今日食多少少啦。之前食湯麵…今次食煎餃,酸梅湯和排骨炒上海麵。



full

好耐無食炒上海麵,真係好好食。

華爾登

因為朋友帶團,所以告知餅店有中指貓造型的曲奇賣。嘩哈哈哈,雖然佢話可代買,但我實不好意思再拜託佢又買又拎啦,天氣咁熱。加上想去走走,於是在一個熱到黐肺〔卅十幾度兼無風溽暑天〕的星期六,去了西營盤一轉。

在這個浪接浪的城市,1984已是老字號了。比老字號更老的我,唔認老都唔得啦。


月餅也有!架上有兩個綠色月餅,因為皮已裂開所以沒有人買吧?我帶了一個走。

是豆沙味。

「屌」字很清晰!


我買了九片中指貓餅餅!既送禮也自用。回家發現呢片有點裂,自用了。


月餅我其實入了四個,還有「九唔搭八」、「撕紙王」同埋「鬥長命」。


「撕紙王」清晰咖,係我拎了呢個上手唔夠清,我又唔係那種把食物拎上手左揀右揀又放低的人,所以照買啦,反正我都係買來自已食。



紙袋。



因為餅袋放在廳的檯面,男長輩有八卦去望,問女長輩食唔食得。我知道後我都無畀佢喎。一個唔知咩事只識鬧出面後生的老人家,實在不必食呢個啦。

我幫佢掙番佢的骨氣。

當然,唔好浪費食物係我一貫宗旨囉。