31.7.17

買皂皂皂

Eros HK 買皂三送一,本來只買兩枚皂的我最後畀多七十帶多兩件走。哈哈,我先買了一件艾草沖涼皂同埋一件何首烏洗頭皂。玉容同珍珠係後買的。

用皂洗頭又確係好正。當然,洗頭皂對環境及自身都好。既沒有膠粒,也沒有其他化學物嘛。推介。





Florihana.鼠尾草.薄荷

需要用鼠尾草精油,記得係呢隻牌子,於是去了香港代理度買。順個便,買多幾樣好東西走。

200ml 鼠尾草純露。放在公司噴自己啦。100ml 有噴咀,不過店子剛好無貨,所以買這個200ml。



薄 荷 精 油。

哈哈,睡房無冷氣加上我長期唔開窗又長開鹽燈,加上一邊牆西斜曬到應一應,室溫比廳高至少2度。靠門罅沁鄰房的冷氣竟踏入第三個夏夜。不過,在這個打唔成風的悶熱天氣,仍未捨得拎千幾二千買塊竹蓆的我真的要諗諗計。想起朋友常常提及的薄荷精油,於是趁去買鼠尾草油,順便加一支薄荷。

沒有貓同睡的日子真係搽乜上身都唔驚啦!睡前把薄荷捽落手臂,前後頸同埋額頭〔good,竟沒有刺鼻的氣味〕,加把風扇整個人基本上已經涼浸浸,看來這支薄荷油會 keep 住用喇。

好想推介畀租床位 / 籠屋 / 無冷氣的人啊。


係。我在店裡買了兩支鼠尾草油,一支 Saga Spanish ,另一支係 Sage Officinale。店裡沒有 Saga Spanish 的 tester ,而且剩得一支 5ml 存貨,負責人話少人買咖。又唔係貴,又想知咩味道,咪買埋囉。反正擺一支在公司做能量工作是王道。臨走前,我話佢知,這油用來洗水晶呀。



其實兩隻味真係唔同,不過,想起來因為夏天老人家開冷氣所以我好耐無燒鼠尾草,我竟然忘了燒鼠尾草的味道。哈哈哈。

搵個周末周日日頭開壇先。

30.7.17

Iron meteorite.南丹鐵隕

跟老闆講起天鐵,老闆話有呀,好平之嘛,於是指給我看。哈哈哈,估唔到放在一堆可頭裡幾件牛屎樣的東西就是鐵隕原石。這是沒有維德曼交角的天鐵,所以價錢好平。〔定係老闆真係收平了我許多?〕




好好笑,真係好牛屎樣。

七寶琉璃

帶了我媽那條被甩色野染污的白硨磲到店求救,真係無得搞。於是老闆塞我這條代替,仲唔收我錢。雖然佢話既然戴的人唔識好好處理,就唔好買太貴的東西畀佢,這是浪費。佢塞這條給我,就是好便宜的琉璃珠,可是,我真係感動啦。

佛家七寶呀。


29.7.17

《六宅一生》.21/17

23/07/2017。今年睇完的第21本。作者是晶石店負責人李小姐介紹,自己有去 spark take 放書,又搵到有人放,於是買了。

第一次睇奧田英朗的作品,不知其寫作風格是否統一。且不下定論喜不喜歡這作家。不過,這書真的勾我幾件回憶。

故事像村上龍的《Line》,不過這本交錯得更甚。澀谷為主軸,裡面來來往往的是怎麼樣的人?以喜感的筆觸寫日本不風光的一面,張力其實很大。每一階層每一種人都有其生活和生理困難,社會的規範,人們的刻毒往往令人喘不過氣甚至想一死了之。迷失有迷失的快樂,若果明明自覺正常只係不幸時不與我,往後整個人生都會如骨牌塌下。

喜歡這本書〔如睇過可能知小說色情情色描寫部份也多〕,但色事以外,真的可反思人和人的關係真的不可以恃熟賣熟,幾老夫老妻都係要坦誠相敬。

人啊,心惡毒起來,起鬼更恐怖哩。

推介。


Rubellite.紅碧璽

紅碧璽係礦石放題時爭回來的。哈哈。當然見手圍17.5自己戴到啦。靚。


28.7.17

老樅紅茶

上完堂,又買茶,揀了這隻老樅紅茶,因為可以加奶做奶茶或加檸檬做檸茶,合哂我啦。

即使唔咖,這個襯蛋糕都好配合啊。


武夷山岩茶之日

呢日去品茶,是日飲的是武夷山岩茶。茶葉是老闆親自去武夷山找的。八個人,聞著香,試了好幾種茶,開心咁吹了幾個鐘頭水,哈哈。

感謝。又過了一個愉快的下午。



這是茶班的小禮物。雀舌茶。



Facebook Page : Mister Tea 96

27.7.17

夢見屋

都係小店的好味。


賣書.結緣

因為石頭開始多,於是扚起心肝清一下已看的書。於是在網上放售。懶的我放了十多廿本上網,都有人接洽接手。更不止一位收到書後跟我聯絡,說書像新的一樣,在二手書交易場裡,既意外也很高興。書是我命根啦。若非要學一下斷捨離,都不會把書送走。

BTW,意外的是,因為書況太乾淨,所以聊著聊著竟然識到新朋友仔。至好笑係有共同認識的人,也有原石愛好者,琥珀愛好者,真係好好笑。

或者有些事情,只係得失一念。放了書,卻結緣,多了朋友,這是心理學老師講的「交換」吧。

沒有入倉但又看過的書尚有百多本,努力。









26.7.17

Kafeien

食物可以,可是樓面的職工太不在狀態。



草莓晶.Strawberry Quartz

呢件草莓晶跟鋰雲母一齊買,用了三個正常老麥餐換返來。這都是我到店例必摸摸打招呼的石頭。哈哈哈。所以用優惠價得到真係堅開心啦。




25.7.17

藍藍天空高掛我的夢

在巴士上拍的。

出面,熱到hihi啦。


Green Door Cafe

凍桃茶加朱古力,真係 rich 得來又有點酸甜。

明明在圖書館旁邊,卻少人,是假期吧。



鋰雲母.lepidolite

哈哈。店子準備搬,於是放售好多好東西畀熟客仔,我都以超級抵的價錢舉手要了這件鋰雲母。事關我每次到店,例必會伸手摸摸幾件心儀但又唔急買的石頭,這件鋰雲母就係其中一枚喇。

哈哈哈。



24.7.17

紅椰樹

濕平完,去了東廣場的 Red Coco 吃了個蝦叻沙…


原來呢度都好多野食。

Healing Bowl.頌缽

嘻嘻,在IZ尋寶多時,早發現這個小巧的頌缽,因為度唔到位畀佢,所以一直忍呀忍,當然,此相得知,我受唔到等待,科水帶了走。

因為買缽當晚和朋友飯局,朋友們試聽了敲頌缽的聲都話好好聽。喜歡啊。呵呵呵。


23.7.17

Moreish n Malt

去濕平前,先醫肚。吃個包實飽。


髮晶吊墜.Rutilated Quartz





唔係病態,只係手機拍唔清呢件水晶,只好一野放幾張上來做對比。好得意啦呢件。




22.7.17

Rutilated Quartz.髮晶

上月初在IZ見到這片完整,非常通透卻是片狀的髮晶,紋路都好靚,喜歡不規則形狀的我忍唔住要帶埋佢走。當然,拎上手係感到水晶的能量「隊」緊上手臂才買。

哈哈。




這件晶品無乜彩虹,希望多點捽出來。哈哈。