31.3.18

認識人際心理

因為這是新開的課程,所以沒有考試,證書都只係得出席證明。而且,呢個班,得九個人報讀。

儘管如此,我都 apply 返張 cert. 留念。太懶,拖到今個月至去中心填表搞呢張「紙」咋。

畢竟這是一次好難忘的小班教學,而當中有四名同學職業係 police,堂上又要分組討論分享學習喎,就係咁囉。對於我,某個想法不變,絕對係挑戰啦。所以課內係兩個挑戰,EQkeep 高囉。


呢個課之後,暫未有新的心理課想報讀。熟我的朋友就知,我年頭已埋身學緊另一樣知識,讀到五月尾。哈哈。之後再分享啦。

黃昏的餘光

新界西的黃昏,餘光久久未散。這天見天下的淡雲映著餘暉的光,於是舉機拍拍拍。



龍拉麵

屯門有間龍拉麵,那天聽阿花話佢都幫趁過,竟然!所以常常經過的我也要吃吃。

店子貼住每日限售200湯麵。喔,因為店子得七個位,所以都有人keep住在排隊。

櫻花蝦中間的是黑松露,加多枚玉子,HK$100有找。相比木耳,我還是較為喜歡芽菜同筍,不過,呢間店的麵連蔥都無。哈哈。叉燒一厚片上,咬到畀D力,而且好有嚼勁。

坦白講,拉麵的湯,很久沒試過可飲哂。呢間係可以飲埋D湯。


有下次。

30.3.18

士多啤梨cream

有時都會發牙痕買些平日無買過的食物試…包括呢件蛋糕。我竟然買來當早餐。嘩哈哈哈。

真係癡九左線。



巴打廳

實狂太喜歡店的胡椒豬肚雞米線,加上凍凍地,所以食完碗麵真係成身暖哂。

加兩個小食。




半份皮蛋,都係見不少人嗌我又想試啦。當然,我本身都食皮蛋的。


YUM YUM。

洗衣/咖啡店

店子在上堂地方附近,這朝人不多,也沒有扮文青坐在櫈上擺pose拍照的女生,所以我都拍張相先。

老去後,還有伴一起做著同一樣的事,恬靜幸福。

當然,任何事都係要經過努力和手段經營。即使係愛情。


29.3.18

Oliver's

以前公司在長江時,常常過去 Citi 地下排隊買薯仔,那時真係覺得好滋味。現在哩,覺得失準又好貴。

或者講,因為失準,所以覺得好貴。


US813

有食神,老友約局,地點我揀,於是方便大家,就去了屯門的US813食意粉。

Carbonara 汁芝士一定要叫。


雞雞凱撒


牛油果煙三文魚 PIZZA


黑咖啡凍配雪糕。


我倆七點幾食到十點。很久沒見,聊得很暢快。哈哈。

chateraise

在一田常常見到這間店的蛋糕,忍唔住買啦。芝士,朱古力都好正啊。




28.3.18

霧之夜

和朋友在 cafe 聊到天黑,埋單搵地方食野,提議的車仔麵收左舖了,然後想起吉野家應該有開吧…經過這裡,見到 IFC 被霧包裹著,好有意境,匆匆拍照拍照。


老師的利是

過年後去上堂,估唔到收到黃生黃太的利是。呵呵呵。

受寵,好開心啊。


27.3.18

《乩身3:活人牢》15/18

25/03/2018

本來話要 takebreak ,不過既然要去博客來訂些書,就順個便把這本訂埋過來啦。仲好順咁睇埋。哈哈。

這本3無前兩本咁血腥,而且打鬥都係輕輕帶過,如果嗜血的可能會有點失望。而我,不嗜血的,就看得好爽。

前之的線,之後的線會怎樣?期待。

這篇裡,柳丁這一角色真係好可愛。


期待夏天的第四篇。

源記

星期日中午落堂,人在中環,往有貓的方向走,又走到源記那邊,於是呢次吃碗窩蛋杏仁露加一件雞蛋糕做午餐。

好滋陰。哈哈哈。



元寶

朱古力。


26.3.18

濠江茶餐廳

真心覺得呢間好食,而且呢次我點火腿通粉,發現係坑紋通粉,好好味。正。

我尚有十多堂,呵呵,這個成了我的早餐飯堂了。



濠江茶餐廳

呢日上堂前去食早餐,揀了好耐未咬過的肉丁麵,卻遇到水險。呀!呀!

我咬件蛋時失手跌返落碗湯度,濺濕了裙!下巴,衫,外套也中湯。

真係論鬼盡。


25.3.18

好奇小貓

突然下起大雨,經過這南北行時見到這小貓傻頭飯腦地盯著被雨打到瀝瀝響著的膠簷篷,於是舉機拍拍拍。


佢個表情好緊張咁。




好可愛啦。

上舊樓

無啦啦唔會貢入D舊樓裡面啦。。呢日因為想去某書店買本書,所以來到旺角菜街附近的唐樓…第一次來,所以上到十幾樓出電梯,嘩!

我真係好大鄉里呀。



24.3.18

鈴木咖啡店

聚會地點朋友揀,所以去了上環的鈴木咖啡店。

不想喝咖啡,點了壺蘆薈檸檬煎茶,竟然好好飲喎。真係估唔到咁 match

不過,四十幾元才這麼一小壺,又真係貴了點。




這些相農曆新年前拍的了,各家店子都忙著。這店的貓店好勤力又醒目,所以一條貓坐在店前睇舖,哈哈。


『要唔要買D海參過年送禮自用?喵~』貓當然沒有喵我啦。因為我擺明個 look 係混吉。




工作換罐罐。加油。


23.3.18

《山羊獰笑的剎那》14/18

22/03/2018。

得知這本書上架前幾小時,才在博客來買了幾本書。結果,呢本書要拜託人路經旺角時幫我買啦。

星期一到手,星期四睇完。

好正,堅驚,所以睡前唔敢睇太多,怕發恐夢。〔是房間掛了捕夢網的關係吧!真係無發惡夢喎〕

這次故事沒有網絡世界,只講校園宿舍群魔亂舞,宿生怎樣自救。雖然如此,書裡還有不少「應該知其實都唔知的」知識,例如我們一輩都識背的「臨兵鬥者皆列在前」其實正確係「臨兵鬥者皆列前行」。「言靈」是什麼,「鬼門線」又是什麼…不過唔知反而睇得更緊張,非常緊湊的故事,推介。

唔好問我呢本可以點分類,自己看吧。推介。絕對值得你畀錢買的書啦。



期待作者的新作。

吉野家

和朋友食唔到車仔麵,於是我又提起吉野家打邊邊。朋友未試過,都說好,於是三個人去吉野家火鍋去。

真係好抵食。

而且呢間在商業區,假日客量唔多,可以慢慢食,結果吹水到打烊。呵呵。好過份。


書店一隅

買緊書等找贖期間,忍唔住掏出手機對著這一列書架拍照。看架上的書的陳舊程度,可能從紙醉金迷的塘西時代已存在。


22.3.18

小巷

有番咁上下歷史的小巷,總覺得能通去另一空間似的。



Ere Perez

瓶粉底快用完,趁二月有生日額外優惠,又去補購,順帶買埋個栗米粉餅。

粉餅得一隻色,粉底液就買淺一度色。

D錢就係咁。。花了。


21.3.18

住酒店

揀了灣仔的富薈。酒店 free upgrade 我的房,有個開放式簡單小廚房,有鋅盤,餐具,碟子,微波爐咖。不過,我當然唔會用啦。

商務酒店,算係咁喇。




就咁。