18.10.18

ALMAY

係。都係 thru iHerb 訂回來。試新東西的樂趣係想碰上驚喜。呢次,除了含堅果油那個,還順手入呢隻 Almay 粉底液。

呵呵,驚喜呀,呢隻都好滑好正好貼,話可以 clean and clear AcneBlemishes 。我的臉絕對係可以做測試啦。

呢次買了兩隻粉底都好正。滿意。


官方網頁:Almay

17.10.18

無印.橄欖油

橄欖油的功能實在太多,但卻未試過純買支油用來搽,據講對傷口復元好好。於是,經過無印,買了這一小瓶。

都係咁,晚上,上爽膚水後再推層薄薄的橄欖油,再塗晚霜。對於習慣淋浴會淋埋臉的我,這樣令臉回潤,Very nice


Ex-Gorkha Restaurant & Bar

因為在附近上完堂,所以之後又來填好肚子至返歸啦。


Biryani - 好好味。


飽飽。

16.10.18

Physicians Formula

粉底得一兩瓶備用係唔夠啦,於是,早前又在 iHerb 又訂粉底。哈哈。

PF 係飛佛。呢次瀏覽發現有堅果成份的 BB cream ,好好,買一個來試。好滑好好推仲好貼,超正。不過色就深了點,似熱情的金黃撒哈拉沙漠。哈哈。

天涼加乾燥,上呢個粉正。推介。


順手買埋瓶堅果油。Toner 後滴上臉搽勻,Nice


呢個…災難一樣。想買盒眼影,揀了這個,唔知係咪本身有盒〔如圖〕,於是沒有加 bubble wrap 保護…結果嘛,我一拆開包裹就見到咁樣…


揭開蓋時直頭彈出來,慘不忍睹。


朋友說可以 refund ,於是很快我就得回覆有 refund ,但沒了喜愛的眼影。陰公。

有說用火酒可以令佢黐返埋,不過每一隻色都不是獨立鋁紙兜住,而且呢一開蓋已散了一手都係眼影碎,好狼狽。

下次唔敢買啦。

翠河

人在元朗,唔想同人迫,於昤入了翠河。吃味菜鮮魷吧。


15.10.18

繩結班第三堂功課

第二堂係用鈕扣結穿一條頸鏈,可是笨笨的我一直搞唔好個結,於是棄權…擱置一邊唔處理住。話咁快,又到第三堂。哈哈。呢堂好easy!織皮繩。

我揀了 Ocean Jasper 海洋石配皮。

星期日出街前在家織得七七八八,晚上回家上埋個扣完成。

我都睇到兩邊唔平衡,不過懶得又拆開再穿,反正我都唔會戴上身。嘩哈哈哈。想到另一款,可以再落 SSP 配線/繩/帶/穿過。

老實說,左右太工整的款,叛逆…係…水瓶女的我,唔太接受。


當然,經歷上一堂的挫敗,呢次把功課完成都係開心的事。呵呵呵。


由上朝下拍珠時相片倒轉了。也沒有轉返180度,由佢。


上堂導師示範。



尚有一堂就完了。下一次係中班。不過未出日期。唔知時間夾唔夾到。

椰子雞湯米線

呢日去巴打廳叫了椰子雞湯米線,啊!第一次食呢個,驚訝,D雞件好嫩滑,雖然我唔信佢店係煲住D雞…

好正。


Real Techniques Sponges

之前同花花買了大粒裝些呀的 sponges 用哂啦,正好在 iHerb 添貨,我順便揀了這小小的款,方便上鼻翼位。


Official webpage : Real Techniques 

14.10.18

營樂餐廳

晚市時間,人無啦啦去了炮台山〔明明北角落船附近都有食店,卻傻傻地行到英皇那頭〕,醫肚,入了這間,揀了我飛佛的小菜。


最有趣係套餐價包甜品,無睇錯,係焦糖燉蛋。嘩哈哈哈。雖然唔大兜,但作為一隻甜品精,我真係食得好開心好滿足。


呵呵。

Lily of the desert

99% Aloe Vera Gelly

蘆薈係家居必備的好東西,我有時用來搽面,又會搽下傷口,好正。不過香港買99% / 蘆薈成份高的,真係好Q貴,所以都係在 iHerb 訂回來好了。

蘆薈。。都係試下美國貨先。


Official Web Page : Lily of the Desert 

13.10.18

月餅盒

這個 Hilton 月餅盒真係靚到黐線,紙盒上面的圖案好似七寶燒,好重本!忍唔住拍照留念。



月餅盒係咁樣樣。


唔好講笑,畀 Lady M 那娘爆的設計,呢個真係高好多班啦。哈哈哈。

重點不得不提,唔睇盒底都唔知,香港原來有 Hilton 。嘩哈哈哈。

太子抓拍

又一個黃昏。


12.10.18

抱樸歸真

道家學問。

當然,又係練字。


生力冰廳。

去旺角搵東西,於是落車後先去生力咬碟飯先。要補充一下抗氧化的茄紅素,我揀了鮮茄豬扒飯。如血一樣的。哈哈。

正。


去SSP買線

雄心壯志未必有,但工具點都要買一些。於是有天假期,去了深水埔買線。

圖中三款都是 HK$5/Yard。好靚色。

呢日買了不止這三條線啦,其他的都是淨色線,蠟線咁。不拍照喇。如整了實物就拍啦。


11.10.18

朋友的上色玻璃瓶

中秋節維園有辦小市集。朋友仔公布抽到檔口,很怕人多地方所以所從來未去過維園花燈會的我在中秋夜係專程去一趟支持支持。哈哈哈。

朋友把回收得的玻璃瓶髹上色彩,加LED燈,或我會放小蠟燭,就堅靚啦。

朋友都努力實踐不用的事,我這懶鬼真係要努力努力先。




LeTAO 小樽洋菓子舖

在台北松山文創區附近,我幫襯了這間食梳乎厘。怪唔得咁熟口面,原來香港有餅店。嘩哈哈哈哈。

鄰檯有位女士好靚,好精緻的五官,令我忍唔住望完又望啦。失禮。


Matcha Smoothie - 在街熱死咁滯,入店灌冰飲係好傷身,不過真係熱到中暑的熱,所以由得我啦。


Souffle Pancake - 是幸福的模樣。


正正子。



官網:LeTAO

10.10.18

Moomin Water-repellent Rain Bag

返工兼出街其實我一個星期七日都係用同一個背囊。嘿嘿,早前有支原子筆未收好筆咀就塞入背囊結果弄出一攤粉紅漬。明明想買個新袋卻久未行動…反而,早前在面書見美的有姆明系列 Rain Bag 心動起來,趁假期去店貢下睇下仲有無啦。店主話,深色耐污,所有深色袋被熟客掃哂,只剩低淺色的。於是,我買到了心儀的款。

其實,有 Snoopy 更好。我愛 Snoopy

女人心。哈哈。



小林手作.黃連皂

在面書見到這新皂,覺得合用,於是有日經過太子去買一件用啦。


確認買皂,店員會用小片雪梨紙包好皂件,好過包膠,正。

用緊呢件梘,癣引起的痕癢的情況少了,不痕不R皮膚就好快好,希望像煙蒂灼成的疤痕快消失淨盡。努力。

要注意的一點係,即使把梘放入起泡袋也不要直接往身上擦,因為黃連的渣渣碎碎挺刮肉的。用的時候,我會把皂往 bath lily 上擦起堆堆泡再抹上身。注意啊。


店員推介的藍甘菊純露,浸濕面膜紙敷臉可改善過敏和瘡瘡量,好好喎。所以買了一瓶試。

純露嘛,噴下臉都好丫。


就買住咁多先。呵呵。

藥師瑪瑙.Black Banded Agate

傳說瑪瑙可入藥,以前圖博的藥師係把瑪瑙串成一條戴著方便出行醫療患者,於是這瑪瑙就被命名為藥師瑪瑙。

姑勿論實情如何,藥師瑪瑙這個名字都是充滿神聖和對健康的期盼。

見店主突然有藥師瑪瑙賣〔幫襯兩年多來未見過嘛〕,舉手要返一條先。

正正子。


9.10.18

MUM 日常野菜料理食堂

油麻地逸東酒店地庫有個新 Food Court,我第一檔梗係幫趁呢間 MUM 日常野菜料理食堂啦!黃竹坑食過一次嘛。




Lucky Pocket - 日式腐皮包年糕和蘿蔔絲,好正。


高野豆腐配胡麻蒟蒻。好好味。


山葵鮮淮山。喜歡鮮淮山的一定喜歡那營養豐富卻黏黏的口感。哈哈,我就是。於是必點這個啦,好好味。


三個菜,一杯麥茶,一碗飯一碗湯,盛惠一百。同場來講貴了點,不過唔係頹餐,會絕對滿意啦。


由於新場關係,附近又無大型商場,所以暫未出現人頭湧湧的情況。吃這個 set ,好似去了日本的飯堂咁。

哈哈。以後去油麻地又多個地方食食食喇。

杏香園

芋頭當造的季節,試不時不食,於是入到杏香園梗係食碗芋頭椰汁湯圓。好好味。


橋底

明明好風光,但唔明點解久不久就有傷心人到此投水。


8.10.18

赤日

咪以為好盞,西斜其實好鬼熱。

有晚坐船過海,剛好有一輪赤日,可是剛好就在等上船其間碰上久違的舊同事。原打算在船上拍多幾幀紅日的計劃因而告吹。

可惜可惜。


慢煮工業

呢日去慢煮工業食晏,圖中一個餐加個小食一百元找。


南瓜湯。


慢煮豬鞍加薯菜。第一次食慢煮豬,好好味。


炒蘆筍和菇仔。都好好味。


可惜呢日D成年人好很嘈,小朋友有小朋友在嘈,大人有大人們在嘈,酒樓咁,好討厭。