19.6.18

IGORA ROYAL 染髮

有日得閒,搞下D白髮至出街啦。拉開櫃就隨手拎染髮劑用,係,之前買落幾款啦。勁好笑,完全唔記得買左咩色。因為都年幾兩年前買的了。

搵隻杯拌勻佢,攪拌了好耐都係咁淺色?難道變壞了?於是上孤高度搜尋下我買的號數原色係咩色先。嘩哈哈哈,原來我當年買左灰色呀頂。怪唔得攪極杯染髮劑都好似白灰水咁啦。

神經刀喇呢次。


嘩哈哈哈。

18.6.18

Invader GET!

由此證明,Invader 都係遊客,都係揀返D遊客位落手。五支旗桿附近長期擠滿遊客,本地人慣常真係急行而過甚至兜路避開呢D位。所以牆上有咁大幅鬼,而家至發現。

嘿嘿嘿。



金銀花香體露

去馬莎買香體露,架上的玫瑰味無哂,見到呢個…金銀花!於是買了。市面上應該得呢隻牌子有金銀花味的香體露。哈哈哈。

重申一下,呢隻馬莎牌,沒有動物測試。良心用品。


17.6.18

Sealy Mattress

一直都係用乳膠床褥,不過耗損得好快,尤其雞翼位,腰同股的幾個位置。瞓多兩個鐘,真係起床都有腰酸骨痛。聽過不少朋友都讚 Sealy 正,朋友也叫我好好對待自己,睡眠質素好重要咖。於是孤九寒的我拖了四五年,終扚起心肝去百貨公司試床褥啦。結果以五五折特價六千銀入了張床褥。哈哈哈。

最勁係,明明跟兩個長輩同住,可以我可以偷運了整張床褥回去使用都仲未知。

話說,那天係星期六,長輩慣性一早就閃哂。出車的師傅九點半把床褥送到。因為我在店試過拎得起張床褥,所以我不用師傅幫我放在床架上喇。九點幾清走床上的枕被物件,移走舊床褥,新床褥到後急急拆袋丟到垃圾房度,而四邊包角的紙皮就收落袋之後帶去回收箱。上床褥加墊加蓆成個過程都好順好快,所以。。哈哈,勁啦。

因為床褥下邊還有張3吋厚床褥〔細佬嫌床褥太硬唔舒服唔要又無掉到結果塞左落我度〕,而我又真係頂唔住像硬板的床褥,於是這個成了床墊。

一張床墊加一張床褥,令到我坐在床邊完全腳唔到地,好高床軟枕呀而家。

2018年,真係要給自己一個 quality of life 。

尤其係想起有次故意跟常顧住個人吃喝玩樂的阿娘呻工作的辛苦,佢淡漠一句『返工係咁咖啦!』,咦,真係我睇唔透呀?

尊重自己,先要對自己好囉。


PAN de PAIN

某日經過見到門口無隊而裡面又有位的情況下,梗係入去食食食。呢件叫 Caramel Apple Souffle Pancake ,唔算好味到震,不過都係好味。





16.6.18

肉燥飯+雞。

呢個我覺得怪怪的,下次未必會再叫。


15.6.18

宇治園

在海港城,去了宇治園。印象中在日本有幫襯過。





抹茶,真係夏天的消暑良品。

皇甘栗齋燒…

在大埔文武廟附近買了這包齋燒。。鵝定雞呢?

試了真係好脆,味道也好,掃了兩包,好快食哂。唔知有無網購方法?


芽菜炒蛋

好耐無在屋企食成斤芽菜。哈哈,呢日豪一豪佢。

嘩哈哈哈。


14.6.18

Mabelline 粉底

在網上見不少人推介這個好用,加上HK$129一瓶且周圍買到又真係一試無妨。哈哈,粉易推,好貼,也算係遮到瑕,好用。

乾皮易多油的我表示好喜歡啦。


祥興生煎包

灣仔分店開在人流唔多的街,真係得一個客在食食食。

於是,爐裡的生煎包,要等人食多過客人等。

整定。


13.6.18

欒樨餅

佛誕時間至有的欒樨餅,因為我晏了起床遲了出門口,六榕那邊賣哂〔上年約了阿花去街,所以食到六榕的欒樨餅做早餐〕,行去蓮花,盛惠十二元件。咁,只買兩件啦,一個有豆沙餡一個無。

好貴呀。


欒樨係植物來呀,當造期在佛誕前後,所以平民會整成這糕點來供佛。

你今年吃了沒?

杯蓋

在公司飲水用的大玻璃杯多年來都無杯蓋〔很懶〕,不過早前因為執過檯面的擺位而杯要放在 stand tray 前邊,於是都係整隻杯蓋遮下塵好D。記得在生活館見過姆明系列,可以到店望到個價都唔捨得買喇。

於是改為買這個我至愛的 poppy 杯蓋,一set 兩件。好紅。哈哈。


Link :

http://www.charlesviancin.com/us/

12.6.18

中村銘茶雪糕

在七仔見到,廿八元杯都要食一食。正。好味。好消暑。尤其工作做到火火地。


Nuts

人在灣仔,幫趁呢間先。



黑松露醬真係惹味到暈。好味。



見薯條如見書,當然有書在身啦。呵呵呵。

11.6.18

六榕仙館

是日佛誕。好懶的我首先要瞓足才起床啦,於是去到油麻地都點左右了。好餓,叫了碟齋飯,加一份酸齋先。好味好味。




咦!茶梗企起來喎。


第二次來。望到牆上的畫,是大雁塔嗎?好抽象的作品。咦,由於是日真係可以在裡面坐,所以終於留意到店內無供奉神位,竟然!

齋舖無神位真係有點出奇。


大家留意返啦。


就快開返啦。

好想同小販講價

遇到呢位小販,唔鍾意亦唔會在買東西時講價的我,好想同佢瘋狂講價。哈哈哈。


KAFFEINE Pineapple burger

在蘇杭街幫趁呢間裝修得好好feel的咖啡店。嗌了個Pineapple burger 。百幾銀食呢個包,會唔會係我落柯打前想得太好?連好味都算不上囉。

哎。。我錯,搵錢艱難,我呢餐實在太奢侈了。




10.6.18

豆乳面膜

忍唔住買左美肌精華液凍面膜。

用完臉滑滑的,無再搽其他野,翌日朝都潤,無乾面。Good


魚米

喜歡配菜的我都話魚米D料好足咖啦。你睇,真係好多菜。呵呵呵。正。呢個佢地個胡椒豬肚湯飯餐。真係好飽。


腐乳通菜

香噴噴啊。D腐乳汁入哂菜莖裡面了。正。


9.6.18

990足銀「共偕蓮鯉」手鐲

之前在網店見到這隻有蓮花,蓮蓬,蓮子和鯉魚的銀手鐲,心心眼,問店主啦,佢話990銀,噢!想買990銀飾還給我遇上即刻動心的飾物,所以拍板話要。手工錢加990銀喎,好抵。

收到貨拎上手都幾重幾墜手咖。

當然,意頭都好。哈哈。










紫蘆筍

煮了咁多餐,係呢個失敗左。紫蘆筍被我整到好Q難食。


至愛米線

繼續我至愛的胡椒豬肚雞米線配醉薰蹄。

Yummy ~


8.6.18

建築工地

每天返工坐車必經。很喜看那流線,裝上玻璃外牆就再看不到了。所以拍下留念。


Kiko Eyeliner

買了支珍珠白的眼線筆,本來打算畫下眼線啦,點知,畫了幾次,那天整天都忙到甩碌,係幫人執屎那種忙。或者,隻色唔係好利我返工用,只好放假才用喇。



講起買呢支白色,那天到店,個化妝姐姐見我拎住那個白色,問我畫邊度。我話下眼線位囉,佢望住我狐疑地「嗄?」左幾聲,我無理佢浮誇又令人不爽的表情就去畀錢了。

反正,唔會再去。

角落

行到個人火爐咁,經過旺角街市附近,就入去賣台式食品飲品店「角落」坐下。

花枝丸加杯飲品,盛惠六十幾。咁囉。




突然覺得自己好鬼奢侈。