31.5.16

16年5月.買15本書

上個月明明話忍手,語音未落,呢個月又捧了一堆書回家。

朋友在聚會時推介黃易的【日月當空】,於是去了數次書店,每次兩本兩本買。暫時有卷一至卷六。因為卷卷封面不同,所以還是拍照放上來吧。



這本小野不由美的【殘穢】被拍成電影。據講好恐怖。於是我見書就買了。我還是較喜歡內頁的版面設計。




因為被無知的人搞到書要下架,再包套上架就去買了【Deep Web 2.0】。嗱,我唔係趁墟咖!上一本都有買。不過溫生買唔到,我又唔急住睇〔無時間睇亦唔敢睇〕,所以連上一本一併寄哂畀溫生喇。


【藥事知多D】。對於吃入口的藥物,我們不是應該多了解麼?

【八字八日通】。


【史詩式愛情】書花版。不得不記下,人生第一次買書花就係呢本。


這本【推背圖新解】係作者送畀我的。多謝梁生。

起稿於26號前。
-------------------------------------------

30號補添:





因為29號那天快睇完卷六,結果急忙去旺角上書店再添貨,打了陣書釘知道沒有其他書買,所以呢次一野就掃四本日月當空。於是,今個月前後共買了十五本書。。好耐無試過買書買到咁闊綽,真係黐L左線喇。

朋友話我係人肉讀書工廠。。一個又話慢慢來,好急咩。。我真係好多書要睇,好多野要學。。

我。。真係去沖涼都帶埋本小說入去刨囉。〔卸完妝洗哂面敷面膜至沖涼中間空檔睇書最好〕

【日月當空.卷六】.#32

29/05/2016

兩日刨完一本,算係咁啦。


突然發現,多新東西想學,人越忙就越開心。

【日月當空.卷五】.#31

28/05/2016

廿八日零晨又刨完一本。。呵呵呵。



單身動物園.龍蝦

那天去了看單身動物園 The Lobster

先講個景,靚到核爆。。

故事講那個社會不容人類單身,鰥夫寡婦定失婚都不容於社會,統統會被帶 / 捉去渡假區似的營地進行改造。男主角剛失婚,就帶著一條狗〔佢胞兄〕被送到這個中心。人道地,中心的人會給他心理生理咨詢及輔導,而且,他可以選定自己變成什麼生物。在這四十多天的過渡期中,他要參與各項被安排好的活動,一來可以增加仍是人類的日數,二來若在限期內遇到合適的伴侶雙方亦情投意合,雙雙既可豁免成動物,更可以一起回到市區生活。

男主角為了不想成為動物〔他揀了龍蝦〕,於是假意跟某女士情投意合。。露出馬腳後只能逃亡。。卻在逃亡途中遇上要絕七情六慾要保持單身否則要死的組織,卻偏偏在這裡遇上她。於是,敗露的兩人又。。

電影中,對人和人之間的情情愛愛有刻薄的描寫。。愛情是什麼?大抵是遇上一個臭味相投的人吧。

情投意合可能只係感觀因素影響。。當要面對犧牲時,人還是有自己的考慮及顧慮。


30.5.16

El Morya 線香

收到 S 寄來的揚昇大師能量線香的前一天。。哈哈,跟同事講起在家點香枝〔那同事有〕。我說,都心思思想買個托盤點香枝,不過買了香爐不久,又去買買買就好像太多〔我沒所謂,只怕同屋人會介意〕。可知,翌日當我收到這個大師能量線香組時,真係大笑。

吸引力法則。


趁老人家入哂房睡,我才敢在廳中點香。一路燃香一路睇書。正。


多謝呀。。

當然,我有去網上搵料啦。。見到「這個」。

27.5.16

【日月當空.卷四】.#30

2016525日。嘩哈哈哈哈,我睇完今年第30本書喇。平了上年全年紀錄喇!


哈哈哈哈哈。。

繼續努力!

26.5.16

LAVA JAVA

去咬了個晏。。意大利飯走了樣。



25.5.16

Bliss toner

買唔到想試的某牌子爽膚水。在店子見到這個又未試過,就買一支啦。妝前可用。


這藍色,很吸睛。


呢支洗面,送的。

24.5.16

Olecule Soothing Moist

買了這個 Soothing Moist 試。這牌子係飛佛,精華好多款,這個,係第一次用。


Good ~

N1

人在尖咀。去了N1吃個 bagel 睇書啦。。

因為過了四點,都係唔好飲咖啡喇,免得成晚眼光光。蘋果加熱情果冰飲算了。





23.5.16

【史詩式愛情】.#29

2016522日。睇完第29本書喇。

這本係書花版,係。。封面心心中間係隻金光飛鴨。出面無咖。〔S,我以為你也買了書花,所以早幾晚見你買書放相,有點意外哩!〕

話說那天傍晚 OT 完趕過去拎書,午飯都未食,加上肚痛屙了幾次,人早餓到咕嚕咕嚕響。。上到去,見個陣好似輪緊睇中醫,有幾條友排排坐在一邊櫈度,拎住野寫寫看看,咁,責任主編問我趕唔聲時間。〔我胃在響,加上腸子仍有點痛〕我就同責任主編講我趕時間,唔簽喇。於是,書花版沒有簽名,我也未能正面望到阿史本尊一眼就要閃人。他當時剛召其一「候診者」埋位,sorry ,格局真係好似睇中醫咁。哈哈哈。


本書斷斷續續咁睇。。終於睇哂。如果我後生廿年,睇到呢本書就好,人生就必然走唔同的路。因為,此書一定鑿低我心裡面那座「道德喜瑪拉亞山」囉。

繼續努力!唔止講男女關係,睇書方面,都繼續努力。

英女皇90歲銀幣

訂了的英女皇90歲銀幣,到手。





我想要英國那個。可惜唔畀海外認購。嬲嬲。

Petit Deli

那天在醫院覆完診,去了尖咀吃這個自製意粉同凍檸茶。




22.5.16

【日月當空.卷三】.#28

2016521日。睇完我今年第28本書。嘩哈哈哈哈。。半年不夠已快平了上年紀錄,話無自 high 係呃你啦!

這是卷三,可能爭取時間在車上看,所以很快就睇完一本喇。

我埋首小說中,其實在荒廢緊學業。。唉,要停一停抽返三四個鐘背下睇下 note 喇。


時間唔夠用。

腦袋都唔夠用。

Givenchy EDT 2016

這是 Givenchy EDT 2016 版。。當然要買啦。 買了一瓶。長樽身那個是禮品。水版仔。

主調係玫瑰。





21.5.16

爆線。。

。。電唔死我,又無燒著,大確幸。



感恩。

【日月當空.卷二】.#27

2016519日。。睇完卷二。

故事好流暢又緊湊。。睇得好順。


已投入卷三之中。

20.5.16

Woods

本來想去大隻佬度咬碗粉,不過無開,於是想起街口這間 woods ,就去試下啦。我哩,明明早點都未食,竟點了一份甜品茶餐。吃西班牙的 Churros con Chocolate 。加杯士多啤梨奶昔。感覺有點豁出去!

裡面環境很好。很舒服。





好味。

這裡有全日早餐,搵個機會來吃先。

19.5.16

魚皮餃 / 水餃河

好耐無嗌河粉。。呢日咬碗先。


鄰檯有件婆娘鬼殺咁,又嫌細碗又嫌料少。。煩到想車巴佢。。

18.5.16

命 / 運

那天去灣仔森記,老闆從櫃下邊掏了這本小冊子出來給我。哈哈。多謝。

講起運程,有件事可在此略述。

話說有日同人〔下稱為孺〕講起算命。阿孺說,以前有睇開一個看掌相的,把其生的好幾樣大事算得好準。忽地,阿孺講,當年那相士算其命中某年有大劫,應了,不過推遲了兩年。我聽了,不作話。因為,不合理。嗯,既然預知某年有一劫,為何仍會混混噩噩得過且過地生活,以身去應這個劫?放任自己充作聽天由命呀天意不可違呀,係正常嗎?

然後,阿孺又端出其歪理出來,說,知咁多都唔係好事。

我忍住沒問阿孺,自由戀愛下,仍嫁了一個不濟事的男人,半邊天都頂唔到,這男人,又是應相士之言?我唔信佢無問過相士。


我絕對不是否定算命之說。只是,命中注定一回事,自己都唔修,運是不會改變囉。