遊戲老巴剎

四個蒙古大汗終於行抵 Raffles Quay Hawker Centre。在場內繞一圈，有live band有風扇有白色鏤刻支架，熱鬧得來也很美。但有團友嫌裡面實在油煙太勁空氣也唔流通，所以最後還是揀了戶外露天的位坐。

不記得是什麼原因，點了沙嗲串燒 combo 後，有人提出玩遊戲，以猜拳分先後入去老巴剎買食物。有團友還說，無論其他團友買了什麼可能唔好食，都唔可以奄尖腥悶出言挑剔，批評唔好食。。其實這番話，究竟是跟誰調侃呢？嘿。

第一位團友買了碗叻沙。不過在等齊人買哂食物回來正式開餐時，碗叻沙都幾乎乾水。

第二位團友買了條炒面回來。

第三位，即係我，因為不想拖太耐，未等第2位團友回來就出發去買〔無疑增加了遊戲的刺激性！〕。其實這已過晚市時間，老巴剎裡面不少食檔都進入打烊狀態。加上我想買點地道食品，所以走了一圈，發覺選擇真的不多。後來，我見有幾個當地人在某檔排隊買麵，心想食物味道應該唔差，於是跟著排隊。可是看了一陣見個老闆太細心地煮麵，不知還要等幾耐，最後決定買其他食物。在早前我已post過，我是買了2條好好味的娘惹popiah。

第四位團友，也是這樣的情況下跟我前後腳出發。團友們後來跟我說，no. 4團友在裡面找到心水的食物時已又見我已在某檔排隊，但沒有即時排隊。繞了圈再回去檔口時竟然見到我出現在其心水檔口前買食物和不停拍照。被捷足先登，無奈之餘，唯有再搵過其他食物。

不過不過，團友最後買了一樣大家都好鍾意食好想食又好耐無食過的 roti prata 回來，令大家驚喜。呵呵。

哎呀，有人又走去再買多個印度咖哩餐回來。

一桌都係。

因為太熱，有團友叫了jar啤酒，而我，就在老巴剎正中間的飲品檔買了一杯檸檬竹蔗水飲。這杯檸檬竹蔗，解熱就當然喇，估不到勁口味！無諗過檸檬溝竹蔗係滋味滿分！絕對驚喜！

奇異的事總是一浪接一浪，正當食物掃到七七八八，大家因為太熱和開始飽而放慢速度時，我見串燒旁的「芭樂片」尚未有人吃過，於是咬一口潤一潤。點之，大家真係無睇清楚，這根本不是什麼石榴片啦，原來是用糯米那類有黏性的飯像弄飯團一樣壓捲而成。涼片一樣的飯蘸上咖哩和沙嗲入口，真係好味到唔捨得停。好好味呀！

終於，食到捧著肚走啦。

一時間吃得太撐，加上一身汗又一身沙嗲味，不想擠到的士車廂中臭暈司機，所以大家一致決定還是徒步返回酒店。