28.2.17

雙尖水晶

因為見不到雙尖,所以問阿老闆,佢就從不知那個位置掏出兩支雙尖放在檯面畀我揀。喜歡睇冰裂紋同霧丫嘛,買支已拋光及人為的雙尖先囉的。〔未拋光的暫時在網上看住先,要買真寶,真係是要等展覽見到實物把玩一下才成〕

這支雙尖咁白,可是在燈光下,這支雙尖亦都好靚啊。

呢支貴些,要三百幾四舊。不過呢支雙尖加之白晶柱老闆都係收我三百八,所以呢次買到心頭好的行程真係特別開心。





Jo Malone Red Rose

係,我認,自從在櫃位索完這瓶 red rose ,受其香味刺激念念不忘還醉了,朋友又讚不絕口兼自己又受唔住誘惑,對玫瑰毫無定力的我最終在9日前忍唔住買了瓶100ML。哈哈哈哈。


玫瑰花花癡表示好香好香啊。

係喇,多謝S的玫瑰花。香噴噴!多謝呀!

The Little Corner

那天去山林道買雪糕食,見有曲奇,於是焙茶同抹茶都各買一些。個人當然喜歡抹茶味啦,好好味。




下次再買。

27.2.17

白晶 clear quartz

之前話過會再去水晶店尋寶丫嘛,咁一趁假期又去望下睇下自己同水晶有無好緣份。哈哈,今次買到兩件好喜歡的白晶!

呢條白晶柱真係靚到暈,只要有少少光,內裡的冰裂紋都在閃爍著,而且整支水間係純白無黃,真係即入。放在書桌上云云水晶,只有這個在因對面大廈的燈光折射發出微微亮光。我完全體會亞特蘭蒂斯傳說所人指,用水晶來當照明工具的意思。

本來標價百幾咖,不過加埋另一件白晶老闆今次打了個七折畀我後,呢條柱,係免費咁囉。




Size 雖然畀我想要的細好多,哈哈,我想要8"-12"咖。不過都真係好驚喜,好滿足。你睇下,就喧睇都有 aura 咖!

當然,下次會買到大支的啦。4月同6月都有礦石展呀,仲約了水晶班的新朋友一起濕平。上年在會場我真係見過超巨型的白晶咖。


好期待。

牦牛角梳

某天睇FB分享,指人不可以不梳頭,即使有梳頭,都唔曉用正確方法梳頭!平日只略為在洗頭後梳返順位頭髮的我,短髮時甚至梳唔都梳的我,睇完篇文,都即刻要搵番把梳買。


想起深水埔一間賣雲南山草藥的店。到店,哈哈,果有牦牛角梳賣。一講梳頭,店主更叫我坐下,由佢教我怎樣梳頭。佢話,人體很多重要穴位都在頭上,梳頭時定必要刮住頭皮每個位置梳呀梳呀反覆多次才有疏通穴位之效,自小梳頭時梳齒唔會刮到頭皮的我真係錯哂。店主還說,梳通了頭上的穴位,強健髮根毛囊,頭髮自會強壯唔易折斷,而且血液循環好,就自然治好頭皮屑的問題,甚至,白髮都會變黑。對於這一年狂多白髮的我,絕對係好消息啦!於是,買了梳後真係日日認真地用店主教我的方法梳頭。哈哈哈。

不忘跟大家介紹返,這梳的背可以當刮痧板用。店主見我濕重水腫,問我係咪成日周身骨痛。中呀。哈哈,故他亦教埋我怎樣刮痧。佢話我最好搵件衫隔住來刮喎。good。一物兩用。

年紀大,真係搵多了養生方法。尤其是我明正言順係一件打歪〔唔〕後生。哈哈哈。千祈唔好以為我係傻婆囉。

の.ようなもの のようなもの

去了看松山研一同北川景子的《如此,如此這般》。

有天去戲院借廁所,無啦啦見到這套戲喎,就唔理三七廿一買票先啦。奇妙的事又再發生,在看戲的前幾日人在酒店,又剛好睇到電視台的節目介紹這電影中「落語」這行表演藝術。加上導演,參與人物,竟然係致敬之作,哈哈。真係打個底,唔使在戲院中傻傻的唔知電影講乜。

可劇透嗎?志田個病令佢一直無法在表演上作出突破,而他負責找回的前輩志魚又因離了這門職業多年看來早已生哂鏽。咁,這兩個人怎樣面對自己,重新出發呢?


套片成日食食食,炸蝦天扶良烏冬好正。我都好想食囉。

套片真係好好笑,有幾個位我真係忍唔住大笑。推介。

P.S. 松山真係好正。點解有出浴片段呀!

26.2.17

紫鋰輝原石 KUNZITE

最後,我要介紹那天收穫的最後一款,乃代表「愛情緣力」的紫鋰輝,絕對是此行的驚喜之一。哈哈,我問店長有無紫鋰輝呀,他們拿了幾條手串畀我睇,嘩,透明晶版要二千起跳。我話太貴我只想要實色那隻,可是店子剛好無貨。不過,他們話有原石喎,問我要唔要看,於是從一堆盤子度找給我看。哈哈,結果嘛,買了兩枚。打算一枚放在公司,好讓我快得到愛情神的眷顧。

〔心輪同太陽神經叢都塞了,要處理要處理!〕

咪以為好貴,這不是寶石級,好平咋!大的一枚盛惠 HK$75,小的一枚 HK$46。





YEAH ~

其實十二件石要HK$705,老闆打了個8折,最後我以HK$560抱哂這12件石走。呵呵。

下次再去尋寶先。

lunch @ 天后

完全唔記得間店叫咩名。HK$250 刺身食呢幾樣。新鮮的。但我一定話唔抵啦,回想,鮨文午市的 omakase 真係堅抵食囉。


想著,又想去鮨文食囉。

25.2.17

茶晶.Smoky Quartz

講過話要買茶晶手串丫嘛,我問店長,竟然在一大盆水晶手串度找到這唯一一條給我。哈哈,正是我想要的size!

價位比網上見的更平,HK$118。即要。





有說茶間帶來健康財富…不過,有用水晶做身心靈的,就知道茶晶能量好強。這是我要買茶晶的原因啦。

《愛.Being in LOVE》.#08/17

18/02/2017。睇完今年第八本書。哈哈哈。

我跟身心靈導師講我睇緊奧修的書,她說稍後會去印度OSHO村靜修。嘩。點解咁巧妙。

講回這書。

人們因喧鬧和自我膨脹令自己心早已遺忘了善,謙卑和自由。當對著一個人,一段感情,一段關係在怨懟在咆哮在詛咒在爭持在比較時,我們其實忘了這些行為想法令關係變差變劣,同時會令「自己」也失去。

書中有些想法太前衛,不過如果跟著他所教而嘗試調整一下自己的觀點和態度,我想,身邊任何事情都會好辦好多,兼且自己的身心都同樣會好過好多,輕鬆好多。


他也說:不要長時間縱容自己沉溺在哀痛之中,這是非常不健康的。

共勉之。

24.2.17

石榴石.Garnet

買了一粒石榴原石。因為好得意。

HK$28




Ali's 買買買。

作為會員,生日月有買一送一優惠,加上阿花千叮萬囑叫我咪浪費這個一年一次好機會,兼且,頸同額頭的傷口要塗可淡傷疤的精華素,所以趁未到月尾,上去濕平。

買一送一,我揀了這套玫瑰角鯊稀精華素。哈哈,上次買的檀香精油都未用哂。希望無變壞到啦。


店長話維E對我的傷口來講唔夠力喎,推介我用薰衣草拌沙棘油搽傷口。於是我各買一瓶,把維E放回架上。

巧合係,在買了油不久,見一位新朋友在面書分享搽薰衣草精油治好刮腳後的傷口。真係世事哩,好玄妙。


花水放在公司噴自己。



呢瓶係 Happiness。會員的生日禮物。我平日出街這瓶油係隨袋跟身咖。


又一年。哈哈。

23.2.17

方解石.Calcite

上完堂,想買粒方解石,在店裡找到這枚細細的綠方解石。

HK$38。

唔知幾時找到白方解和粉紅方解。哈哈。〔上堂時導演有枚淡粉紅方解心心,好靚!不過只有一顆,我跟同學都買唔到。〕


P.S. 2月22日。貓日。我真係在網上找到一大枚白方解石。雖則心動不如行動好,可是,那枚石太清太透,點睇都似白晶共生多過方解石。

再諗。

越後屋

大坑的越後屋開了好一段日子,一直想試,不過眼闊肚窄的我一直在等機緣啦。

這天明明吃了一個有成碗飯的lunch,卻走入越後屋來個大大的一碗彩虹冰!靚到哩!真係唔可以睇低自己的小宇宙,我竟然一條友食哂成碗甜甜的冰。當然,這個冰除了靚,也真係好好味啦。



哈哈,隻 spoon 係我私伙咖,我而家出街,有筷子 spoon 同埋cup一隻。有必要時就派用場喇。

例如這店提供的是膠匙,那我就要出場自己的家當了。呵呵。

22.2.17

赤鐵礦.Hematite

見到這店的赤鐵礦咁光,又買兩粒。

HK$45 和 HK$39。


居廬

又去居廬喝咖啡,今次咬件番茄芝士pizza。好惹味!




好啦,搵日又去試其他的薄餅先。居廬在太子有三間店。基隆街口的新店未去過,不過食物價位好像貴點點。嗯,但我喜歡那 RAW 感。搵日啦。

21.2.17

血石.Bloodstone

在晶石堆中見到這個,店長說這是血石。噢,跟我上堂時送那全紅的一粒不同,有趣。於是買埋。

HK$38


八寸

去大坑,走進這間八寸,吃北海道丼,非常滿意。

好想食勻哂店中的丼呀。當然,店的「會席」都想試。

下次!






20.2.17

透石膏.Selenite

終於買到第一件透石膏喇!先買粒蛋仔先。棒狀的要等我執一執房間的檯面騰返D位先。

HK$80



萬里無雲,陽光很烈。

於是我去了銅鑼灣運動場曬個極度殺菌又多維生素D的日光浴。哈哈,這裡沒維園的人流,靜好多。



好正。連欖仁樹都在吸收著美好的日光。

19.2.17

粉晶刮痧板

哈哈,店裡真係乜都有,連音叉都有囉。咁,我問老闆有無刮痧板呀,佢竟然話有喎,旋即拿了一盒幾十片畀我揀…真係。

當日只買了兩片。不過,幾日後已陸續送出畀兩位美人喇。希望佢地用得越來越靚啦。

HK$50


生日飯

同厲鬼食晏,佢話同我食生日飯喎。哈哈,於是訂了近期心水的餐店。好好味。

好好笑,因為有人放了中學晚宴的相,於是我們的話題就圍繞著「十年人事幾番新」來講。當然,把過往的男男女女明戀暗戀也抖出來笑一餐。

講到A跟B跟C跟DEF那幫人暗湧又明溝的關係,得出一句:『點解咁混亂?』

「哈哈,點似得我咁專一,咁多年來得佢一個!」我自豪。係咪應該自豪?當然,我是十分相信自己眼光啦。

佢勁呀,走在街上佢竟然仍認得出曾同班的舊同學。真係丫,我望著 FB 同學的相,很多已認唔到啦,走在街上,更加認唔到。哈哈哈,靠佢,聽到不少舊同學的事。

這一頓,吃得好也十分愉快。哈哈。



厲鬼話佢請。多謝哂。