Laung （Clove）Tea

在街市的東南亞雜貨店見到這包丁香，就買啦。不是用來煮食，而係用來泡水飲。

不是丁香葉，而是丁香結，花萼連花冠管（萼筒）部份。在漢醫古籍有記錄，巫術（魔藥學）都有，阿育吠陀（ Ayurveda ）食療都有，幾千年來一直都是個很 common 兼貼地的草本。

既然係天然資源，不含任何化學劑，都樂於試試。早上出門前的喝半升水，每天泡不同的茶，多一款良飲，對自己身心皆樂。

每杯落三至四丁，這包似乎可以飲到下個夏天。

網上話可以加檸檬呀蜜糖呀奶呀咁……其實一直都知印度食品由咖哩到 Masala tea （這天也去喝了杯！）都有丁香成份，不過淨飲丁香茶始終另一種口感嘛。

Let's see how it goes 。

🫖 

這麽泡這泡那的日常，突然想起在某個故事中，一個配角（娛樂公司經理人）長期跟身的水壺中，係泡胖大海。不過事實上胖大海不能長期飲用，會有反效果的。

或者我遲些路過藥材店，也買些胖大海泡茶，因為這好東西利咽鎮咳囉。

竹蔗茅根馬蹄茶

在店買了這個，放在屋企。

自己泡了一包，味不甜膩，清清爽爽的。剛好。遂對老人講，在家可泡這個，解燥熱。

老人好老實（不客氣），亦可能味道合心意，好快就泡哂成樽。早幾日已見個樽放入威化餅。

真快手。

後來問起，佢話好飲，而且加蜂蜜飲……！！！既然飲哂，要 replenishment 嗎？之後，又走去買了。當然又入了些新茶。之後分享。

黑苦蕎茶

看苦蕎茶的資料，覺得合飲食不太健康的我，所以特別在網上搜搜邊度有，發現駱駝漆樓上有間叫「茶願」的店有售，就開心 shopping  入了兩罐泡茶啦。當然還入了些茶，遲些分享。

晚上泡一杯生啤杯（500ml）量飲飲。之後，就保持在早上泡，再斟滿 600ml 容量的大暖杯帶返工作室飲。工作室有冷氣，下午有杯熱飲確係暖心自己。

話說，蕎麥味真的香口。看網上有人介紹可作冷泡茶，不過天氣漸涼，日頭一直飲凍檸茶或凍奶茶，加上屋企無合用的樽可做冷泡（不想買），所以這茶於我喝熱飲就很好。

因為飲過覺得味道接受，所以另一樽苦蕎，後來就送了給朋友泡啦。好東西要分享的啦！

（有些茶至今還無法接受其味道：例如羅漢果水，又例如雞骨草，葛菜水，就連菊花茶我都要擰頭……）

已到養生的年紀？其實養生之道於我來講，真的遲起步啦…

話時話，掛念日本的蕎麥麵了。寫這篇之時，憶起上年的這段時間，在京都的大街小巷蹩腳晃悠。眨眼又一年了。

胡氏這一家之茶

見到胡氏出的茶，在飯局內跟同樣好品茗的朋友分享。

個人較喜歡南糯山古樹的味。

至於這陳皮普洱白茶，不止我一個，每個買過普洱的人都奇怪名字，畢竟普洱不是白茶類嘛。

這個陳皮香得很。

茶葉壓成小餅狀，泡開的時實的嚇一跳！如日常飲用，不太愛濃茶的朋友，其實半餅半餅的泡已夠味。

天氣雖熱，可是灌〔我用生啤杯飲茶〕著熱茶，還是感到腸胃好舒服啦。

嵐．澗

朋友約了店主，所以在星期六的下午來了位於葵芳工廈內的茶室品茶。

四個人，點了四隻茶，每一份茶泡了四至五泡細嚐，到走之時真是一肚熱茶哩！

嘿嘿嘿…我衰，一見到個名就忍唔住點呢個。其實這乃是武夷山的巖茶之一，因為在宛如太極圖的陰一邊，所以叫正太陰。跟日本人說的正太無關的啦。

好味。

來自玉樹的藏物…

之前報了名去聽遊牧行一月中旬新年前在香港舉辦的「揭秘青藏 - 你不知道的藏區風貌」，當日有寒流，加上武肺疫情影響人們上街意欲，明明十一點了，可是旺角街頭還是十分冷清。

這場活動很窩心，負責單位有熱騰騰的藏熟茶供應給大家暖和返身體。好味。正啊。完了活動後，自然也買了一盒走。哈哈，之前都有買遊牧行的貨，四了一批玉樹藏香嘛。

你睇，藏茶以五色風馬旗包裝，超可愛。

這個茶，加檸檬可變檸茶，配酥油就是酥油茶，配奶就是奶茶。不過我未試。包裝精緻，唔捨得用。

也買了一枚牛油梘。

然後又多手買了一瓶青藏紅鹽，唔食拎來佈結界都可以嘛。而且，本身就好難買到藏區的紅鹽啦。

不過，我後來決定畀阿日，佢應該更懂得善用這個鹽。

這個分享會係介紹主辦單位在玉樹興辦的旅程資訊。我都有心動，不過，要用到「回鄉證」就真係棘手。

或者講，我其實好想再入藏區…

泡白樺茸記

師父畀的白樺茸係有指定溫度的水泡的啦，於是去了油麻地買個溫度計先。貴了點都無計，事關我論盡，所以唔會買舊式的水銀探熱針。有裂有爆有甩手就煩。係咪先？哈哈。

呢個份量係我，老豆老母三份飲。

有飲咖，五點九起床去泡白樺茸。勁白痴呀我，第一回諗住攤凍D滾水，仲呆在廚房等等等。之後醒返啦，加室溫水咪得囉，溝到正確溫度就加白樺茸就得啦。

我係懶人嘛，所以無時無刻都在諗方法去令生活面對的大小事以快靚正的速度咁完成 / 達標。呵呵呵。

不過，呢個唔懶得，除了師父送予我，他也好認真咁講解沖泡方法。而且，佢之後真係有問我有無飲，味道點呀咁啦。

嘩哈哈哈。

中村植物園粉末綠茶

我買了兩份，一份已寄到老師家中，另一份打算畀另一位朋友，不過佢轉工中，唔想添加佢離職要拎返屋企的東西，所以一直未寄。

看來要回港後處理。〔加上順豐堅多人寄貨，無力排〕

S，喜歡嗎？

哈哈。

兩款調理身體的沖劑

在朋友工作的養生店買了兩款沖劑：

靈芝無花果沖劑，增強抵抗力。好味。

另一款係絲瓜絡土伏苓，去痘平痤，真係唔買唔得。哈哈。

泡出來的有味水，一樣好好味。

Good。

南非茶

早前上堂，趙師傅有講日日用南非葉泡茶飲可以清瘡，愛美的我，梗係要緊遵師命，急急去買啦。不過，坊間有不少說是南非茶的茶包，我諗來諗去，都係上「漢禮」度買。

係，上次一包送了給朋友的媽媽嘛。

呢次，自用喇。

我要靚。

Althaus Black Tea

一直都未分享。

有前同事去了德國工作，話有野想買可以代勞，於是拜託佢和 Partner 幫我買呢隻茶。呢包茶，坐了飛機三次，隔了差唔多半年至到我手上。

事緣我訂的貨唔夠重，湊呀湊呀咁，都搞了一段日子。有日收到短訊時人在街頭，對方問我地址，咁我就好快手打個地址畀佢，卻打漏了座數。咁對方印好了 sticker 沒有再搵我 verify 就直接去寄。到我發現時包裹已在德國郵政。因為有號碼，我都有聯絡多次本地郵局，可是對方話未有相關包裹抵達消息。後來唔知咩事喇，因為地址不對〔頂，這中心得A座同B座之嘛〕，郵局直接把郵件打回頭！即係掟返去德國！於是，一段日子後德國郵政收到這回頭包裹，就通知前同事，而佢亦要填張表格遞交確認才可取回包裹。話明表格，係要寫埋包裹的內容，同事因為中途壞過電話，我買了什麼的記錄無哂，於是由我唸返有咩啦。

辛苦取回包裹後，又要再寄。前同事話佢記得公司地址，於是由佢打 sticker…畀我過目時我發現街號錯了。哈哈哈，好彩呢次在寄之前再三核實，否則又再環遊世界。

收到包裹，彷如隔世。

所以，呢包茶，充滿故事。

另有一點不得不說，這牌子前同事的 partner 話在超市係無得賣，佢都要上網訂，重係要用德國國內銀行發行的信用卡先訂到。所以，好刁鑽。

薑母茶

月初真係凍了很久，住大西北的更是再低幾度。因為之前囤了不少茶葉茶包沖劑，都不敢再衝動添置。哈哈，連我至愛的薑茶都無。不過持續的凍真係無杯薑茶到肚驅寒唔得，所以在超市買了這個。黑金傳奇…我總是想起劉華當年講台灣黑金政治的同名電影。

呢隻薑母茶好味。

加埋湯圓也可。

總之，飲完成個人暖和返。

幸好，我寒底，受得薑。否則，吃少很多以薑為菜的美饌。哈哈。

台灣宜龍茶包

和朋友飯局湊巧約在佢旅行回來之後，於是，帶來新鮮的茶包。一人一pack，10小包9個味道，正。

這隻金萱，泡出來有很濃的奶茶香，比以前飲過的金萱更濃烈。唔受得奶，卻愛聞奶茶香的，可以考慮這個啊。正。

目標為本，這陣子都係慳錢唔買唔飲凍檸茶，也盡量唔泡咖啡亦唔飲出面的咖啡。連返工日子也是買麵包，回公司泡茶泡存貨。哈哈。

加油。

這十包，足兩個星期的工作日飲用喇。哈哈。

多謝。

宜龍官網： www.eilong.com.tw

茶和書

放完幾日聖誕節假，雖然無乜食過熱氣野又無暴食過，不過假期回到公司都係清一下存貨好喇。呢日泡老樅紅茶啦，方便又似西茶。

好味。

茶粹．茶會。

呢日又去茶粹的品茶會，飲台灣茶。有金萱烏龍，鹿谷〔比賽茶貳等獎〕，日月潭頂級紅茶，紅美人等等。

汗顏，不是樣樣茶都記著味道。而且每一隻茶飲四至五泡試味，我真的混淆了。除了熱茶，還有早一日整的兩隻冷泡茶。因為這天好熱，而我又係趕過來，我飲了很多冷泡茶啦，後來索性自斟自飲的狀態呀。哈哈哈。

這個下午我劈左好多茶落肚。好正。

桑蓮茶

去裕華蕩下，見到超市有呢隻茶賣，而且更係流水響出品，本土食物，支持下支持下。

幾好味。

除了桑蓮，還有幾款不同的茶，都係養生保健飲品啦。