7.5.10

不可錯過的美食:麥片蝦


不知何解很少旅遊天書會推介Cereal Prawns這個美食。

到Newton Hawker Centre擦海鮮的那夜,大家衫濕汗臭對著天花亂墜的餐牌點菜。每一碟海鮮都很吸引,胃口早已大開。白胡椒辣蟹 Chilli Crab,魔鬼魚 Pari Bard Baker是到新加坡必食項目,友人要食菜,所以點了個炒babe芥蘭。正當大家研究仲點什麼海鮮好之時,我見到餐牌上標的Cereal Prawns賣相不差,款式好像香港也沒見過,兼且似本地喜愛卻勁唔健康的鹹蛋炒蝦,加上去旅行始終都要試當地美食,所以投票贊成點這個菜試。

加上一客蠔煎和一客炒粿條,4個人掃光6個菜,真係好味到震。

Babe芥蘭很嫩很爽甜,配乾蒜片和蝦乾炒香氣撲鼻。

魔鬼魚BBQ Stingray〔 Ikan Pari Bakar〕 煮出來味道像鯧魚又滑又好肉地,蘸辣醬真係一流。在網上找到正宗recipe

團友怕太辣,所以點比較溫和的白胡椒辣蟹 chilli crab,不知是不是海水令生長環境比較好的問題,蟹肉超嫩滑,好味到真係唔識形容。哈哈。

炒粿條即係炒河粉,鑊氣夠,辣得來都超好味。

一桌食物,最失分係蠔煎,那些蠔鮮味不夠又好細隻,好像bb蠔。而蛋的味也不強。

至於麥片蝦,是這晚的絕對驚喜,將燕麥和蝦一起炒,估不到非常惹味!蝦好吃不在下話,帶甜的燕麥片原來也可吃,入口甜香四溢,真係好味到震。從網上找到不少recipe教整麥片蝦,不過住家無得用猛火兜鑊,應該炒唔出那種水準和味道。。嘿嘿。

將來有機會再去新加坡旅行,一個人也要再吃這個麥片蝦!

檔口:Pirate’s Seafood, stall #56


沒有留言: