30.11.19

不想回家的一晚

於是,在返工的區,訂了一間房過一晚。因為沒有行李要攤開〔多件衫替換都無,反而有胖次喎〕,所以感覺間房係闊落啦。

試過去一間新酒店,浴衣鬆軟綿綿的,舒服到我著住當睡衣用。

從浴室向外望,沖住涼都睇到電視。


浴室係用 Elemis …估佢唔到。有人之後問我酒店點樣,睇到呢張相,話鎖住了樽,拎唔到走了…

『嗄?』我從來唔貪呢D野。所以佢咁講我都唔知畀咩叔應。

O嘴。


衛生用品都好齊全,有指甲挫,lotion ,牙刷牙膏,梳,浴帽,棉花棒,放衛生用用品的小袋。如上,我只係開了一份牙膏牙刷用。其他沒到多手帶走。沒有必要吧。



好靚的信件 set


窗外。



沒有行李頂住房門,只好放一個衣架加一對鞋啦。


間房無「飄」,加上旅團不在同一層,安全安靜地渡過一晚。謝謝。


不得不說,第一次住酒店房會有座空氣清新機。究竟乜解究呢?

29.11.19

買擦膠

放在公司用的大擦膠唔鬼見左,對於日用之物的無故消失,個人總係有「唔多老黎」的不安。加上真係要用到,所以不安了幾天後,放假特登去文房店補買。

還一野買兩件。

呢粒 Staedtler Rasoplast 係德國貨。


至於呢粒 Pentel Hi-Polymer 就係日本貨。




日本貨德國貨邊隻好用呢?唔緊要,唔係 MIC 就得。

Official :

Staedtler Germany - Eraser

Pentel Hi-Polymer - Eraser

買面膜

又去屈人寺支持支持。

面膜會用,就買面膜啦。

這個包裝盒好美好美,又未試過,KOSE 的,日本貨,買啦。


因為拎上手覺得個袋質感好特別,特舉高照下蛋咁啦,嘩好特別呀。好透啊!


呢個屈人寺交叉Mobile Girl 面膜係加 HK$19 換的。不過係韓國貨。五片就算啦。




Official :

Kose Clear Turn

Watsons x Mobile Girl

28.11.19

Happy Thanksgiving

感謝侵侵 ❤️

感謝美國參議院❤️

感謝美國眾議院❤️

天佑美國❤️

天佑香港❤️

願榮光歸香港 ❤️

27.11.19

Case

在文具店見到,買。史努比都有,知同事喜歡,也買。

回到公司,見同事不在,隨手放在佢 keyboard 旁就閃。佢返來見到立即打電話問係咪我放下的,也問我是不是「能力者」,因為佢近日正打算買這個 case 卻未遇到心水款。

哈哈。佢話好 surprised 呀。

天意啊。

角落生物是我用的啦。




燒香

因為沒有燒盤香的夾,每晚燒盤香都有剩下,於是去灣仔漢禮睇睇,買盤香爐或夾咁啦。結果嘛,要慳住使錢的我只用 HK$20 入了塊隔火棉,嘩正哂。




花王 X SANRIO 溫熱眼膜

無啦啦在屈人寺見到,雖然無香料款,不過因為好可愛,而我又真係會敷住睡覺,所以買啦。

成間店得一盒,多一盒都無呀。

不過我都順手掃埋架上兩盒艾草味。正正。

似乎兩款係限量特別版,因為在花王的日本官網都找不到。




Official : 

KAO JAPAN

26.11.19

自己開牌. 23/11

因為靈樹給我的訊息挑起了好奇心,星期六早上自己都從櫃度拎返幾套牌出來睇睇先。

Art Oracle Desk 我唔係用過好多次,但這張牌就不是第一次抽到。


第一次用觀音神喻卡…抽到最後一張44,還有43 40。


天使卡又抽到呢張


Wisdom of the Oracle 就抽到 Round and Round。從我抽到的卡睇,重複返之前的多,真係 round and round 啦。知喇知喇!我在自轉。不過,轉還轉,這明明是黃金比例呀。而且,係內和外轉緊。我絕對相信。


The Universe has your back 我又抽到呢張。


本身套卡想送出去,不過導師叫我唔好送,因為不求回報的送即係表示自己唔希罕,上天接了訊息就會回應我唔再給我遇到。

所以,都係留來自用啦。


睇完牌。繼續積極生活啦。

生隆餅家

人在深水埔,所以繼續支持黃店。在生隆餅家買了芝麻餅,煎堆和糯米糍。好味。

要大力支持呀!



25.11.19

富記麵家

因為去灣仔買東西,所以去了富記吃好彈牙的墨丸魚蛋河以慰藉一下。

正正。


24.11.19

御影

偶爾也要做一些少女的事。哈哈。

之前刨漫畫,睇了整套《元氣少女緣結神》,喜歡這個男主角巴衛,是御影神社的神使,是一頭幾百歲的狐狸。

個故事玩「因果」玩得好正,頭尾相呼應。人和人,人和神,人和妖之間都有故事。好值得睇。

推介。




非常喜歡。

23.11.19

個人訊息. 4/11

會不會準到太誇張呀。訊息到的那天早上,人狀態本來就不好, 一回到公司就接到另一部門同事打來電話,莫明奇妙受了一襲無情風刮刮刮。半小時多,黐膠線。〔我直到今日都唔聽佢打來的電話〕

點之…到下午收到如圖那個訊息都無半小時,就收到老母 whatsapp 我,叫我唔好再 send 黃野畀妹夫,老豆知道了好嬲,發緊火。喂,我仲要返屋企咖,點算!

『乜料呀?』我R爆頭。有些禮節我守得好嚴格,所以我和妹夫僅在家庭飯局中見到講幾句,私下無聯絡,倏乜咁大整蠱?

老母講,係老豆話佢個女講。於是我 cap 圖去姊弟谷度問阿妹…佢都好愕然點解咁,佢都無講過類似的事。

即係老豆幻想太多佢唔順眼的事就入我數,老母就加藥,挑撥離間。

因為阿妹無講過,所以都好激氣又食死貓。點解我兩姊妹成日都要食死貓。

結果係細佬舉手回家處理。


願我繼續如橡樹般硬淨!係呀。有咁樣質素的父母,由細唔硬淨都幾難過。

肥仔.豬手飯

成兜肉,多到膩。


22.11.19

赤神

抵台北去過龍山寺後,因為找不到新的店可試,加上接著會去佛化人生逛,所以在公館站的我們都係去返赤神食炸豬扒。





朋友都好蔥,所以呢個滿蔥的豬扒大家都食得好開心。


飽喇。

書法練習紙

在台北友生昌買了兩刀書法練習紙,一刀才180台幣。不過紙質唔似我用緊的款,所以先買住兩刀。

回來後有用來練字〔好一段時間沒有上傳家課…囧〕,寫字時墨完全不會暈開,看我又要重新掌握喇。

書法用紙實在太多,分類又如一棵大樹咁枝葉茂盛,加上從未有機會樣樣摸下捽下好難憑相片就學識紙的類別。

我這兩刀是宣紙嗎?我都唔太確定了。

當同學還嚷著去淘乜度買,我還是繼續我的生活方式。


老師有叫我幾次試寫條幅,不過我總是提不起勁去買紙買筆。

很清楚,由612第一堂書法至今,整個人仍未在上課的狀態。

21.11.19

SUNSTAR

我又買新東西試。呢個係鹽味牙膏,刷到一口鹹,仲未習慣這口感。〔好似梳打粉刷牙咁啦〕

嘿嘿嘿。


Official : 

SUNSTAR JP

龍門客棧

朋友提議去貓空食晏,我都係第一次來這邊,係,連同站另一邊的動物園都從未去過呀。

因為係星期六,所以山上的台灣人遊也很多。不坐纜車,上了的士。

這不是正餐,係正餐之後想找個餐廳 tea 下放空一下。點了的飲飲食食,都不記得名字了。



記得係這個沙棘果水果橘茶。因為沙棘我有,但沙棘果真係未食過。我們兩個還夾住朋友三個人臨走前還把沙棘果一人一粒放入口試味…酸到哩…

哈哈。


我真係唔記得這是什麼茶。


另一款水果茶。


如此閒情逸致,真係好平衡時空。









從這店向外望,能見到101。下次大家再到台北,找個晚上來吃餐吧。當然,冬天無飛蟲,我會較安心食用。