31.10.16

頂上12萬根髮要保養

呢個月買護髮野都買到窮。

去店子買洗頭水同護髮素,一直係用緊 Nioxin 的。Nioxin 的護髮素係捽落頭皮度,用了多年,家中必備。至於洗頭水,有時都會用其他牌子,不過,市面百貨超市架上賣的統統用唔到,用過個頭半朝已勁痕。所以買洗頭水護髮素錢係唔慳得,亦慳唔到。

今次,買 Lakme 試,因為月多前店員介紹我用這牌子的染髮劑用後竟然 last 到現在,所以想用埋洗頭水咁啦。不過,我買錯了,第一回去買,買了 Nioxin 1號護髮素外,竟拿了支 Lakme 的 relaxing balm 。哈哈哈。真係鬼揞眼,百九銀咖。結果,洗頭水荒之下,要再去買,當然今次先上網搵料,因為同牌子有多好不同功能及給不同髮質用的洗頭水。我揀了這個 peeling。暫時用了一次,過水後漂過的髮沒有乾柴柴的手感,good。

隨手再入一瓶摩洛哥堅果焗油。一星期兩次。店長說用了它髮尾無易散開〔目前狀況。嘿嘿〕。

因為我365日每天都洗頭,所以消耗都好快,兩個月左右又要補貨。

皮嫩,養自己都要好多錢。




延伸。我去呢間店買的。

髮品站: www.hairbeautypro.com/index_topic.php?did=1&didpath=/1

炎丸

炎丸的午餐,加埋一,最平百元有交易。呢日我揀了個刺身定食,都係百幾元。計埋海膽,三百。刺身新鮮。滿意啦。





有下次。

30.10.16

《說家的故事》.#71

28/10/2016。

竟然睇完第71本書。真係黐線喇我。


呢本在圖書館借的。

29.10.16

牧羊少年咖啡

平日下午,返工的返工,返學的返學,我終於可以去牧羊少年 hea 。連一杯焦糖拿鐵都可以揀豆,good。係,第一次幫趁。


好味。

《倫理學》.#70

27/10/2016。

早前在書店見到這套書,先買《倫理學》睇。當年如果繼續報文憑班,其中一個 section 係倫理。不過當年我完全搞錯了「倫理學」的意思皈範疇,所以一直無讀到。看了這書,後悔。

真係好正。


A very short introduction 。入門書。

每次看哲學書,都有新的得著。可惜,以強權去管理社會的政府,係唔會畀機會人民學識怎樣思考。

總言之,推。

28.10.16

雀聲無讙譁

其實,阿鷺好靜。唔知佢望緊乜。



27.10.16

化妝品.添貨。

粉底剩低好少,是時候去添貨。今次買三樣先。上星期四訂,因為翌日打風,星期二才收到貨件。哈哈,我這樣寫,係因為間網店的辦公室其實在鄰街。嘩哈哈哈哈。

反正都係買買買,今次又試其他牌子。唔親身用過點知好唔好?哈哈。


辦公室久旱。我乾性皮膚,在冷氣地方待半天已出哂油兼溶妝。救命。
上次用的 Rodial dragon' blood hyaluronic tonic ,得返兩茶匙,今次揀這個 Shea Terra Organics 的玫瑰噴噴試。好香玫瑰味。噴完感覺周圍好紅色。哈哈。


之前買的 BECCA 用到8899喇。雖然好用,可是還想試其他人氣牌子。
嗯,就買意大利品牌 BY TERRY



粉底一支係唔夠用,所以買埋 YSL 試。



顏色方面唔敢再揀太淺色,一來 cover 唔到面的印,二來太白令面更圓。哈哈。反正,我本來就唔係白淨啦。

明明好窮,卻又有好多日用品要補貨。哼哼。

Kafeien

那天塞車,成個觀塘的車路都塞爆,車郁都唔郁。唔想去迫地鐵,又唔想過北角,於是,去了駱駝漆食埋個 dinner 先算。


係咪 tune 相太勁?呢相都好似朦朧了。

26.10.16

《脂肪球.莫泊桑短篇故事集》.#69

22/10/2016

在圖書館找到這本《脂肪球.莫泊桑短篇故事集》,全新,未借出過!嗯,一直想看莫泊桑的書,就這本吧。窩在圖書館沙發上刨了半本直到打烊要閃,回到家再啃埋後半,瞬間,竟睇完今年第69本書。哈哈哈。


這粗莫泊桑短篇故事集收錄了五個經典故事。《脂肪球》是其中一個。故事背景係普法戰爭,有幾組人趕上同一架馬車過境逃避戰亂,黎明之後,大家終可透過車外的日光望到同車的人,上流人士,商家,貴族,修女,還有一位被稱為叫「脂肪球」的名交際花。起初大家都不屑跟這位脂肪球同車,後來,車內因為得脂肪球有準備食物而其餘的都在餓著,善良的脂肪球遂把自己的食物分享給每位,餓壞的大家都撇下歧視開心地享用這些食物。後來,在一個中途站裡,一位軍人覬覦脂肪球的美色,要求共宿一宵。脂肪球不肯,軍人便無恥地扣留馬伕,令一眾無法趕路。為的是以強迫脂肪球就範。一日又一日,不耐煩的上流人士,商家,貴族,修女竟合謀慫恿脂肪球獻身,反正她根本就是一朵交際花。在眾人的壓力下,脂肪球犧牲了自己。

故事未完,想看就自己睇書啦。

總之,這是一個很寫實的故事,也很像目前香港面對的困境。

/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\

最開心係,我又找到一個對口味的作家。呵呵。

推。

25.10.16

Temptation

去油麻地,又去 Temptation 食晏。今次點了個海鮮天使麵叻沙。真係黐線,個湯煮得好濃好香,好好味。


海鹽焦糖咖啡,好味。


GOOD

《13•67》.#68

22/10/2016

22日零晨,把書看畢。這是一本高水準的故事,據說會翻譯到不同語言海外發售。嗯,作者是位香港人哩!

〔含內容〕


故事圍繞一位以腦力智破罪案〔抽絲剝繭,追故時都要用下腦〕的警察的一生。作者把廉潔的他在警界的幾十年分了六個時期,以倒序方式寫出來。幾十年的官場,由67暴動到ICAC到97交接到現在,故事中,這位警察見證了組織由黑轉白,白又染灰又復黑的環境。「著埋同一套制服,就係自己人!」這一句一直只係用來圍爐,在階級觀念極重的團體組織中,唔肯圍爐的,咁把炮,咪出局囉。有時,為了面子及隊中士氣,更要對外講出連篇大話。

狠狠的一巴摑落目前的狀況。

推。

24.10.16

路過遇見貓

在天台上乘涼。


不知是不是那戶人的主子,還是湊巧蕩到那裡呆。

看牠的模樣,心情應該不錯。

21.10.16

再看 SLAM DUNK - 2

動畫版1集得15~20分鐘左右,我點努力煲,一粒鐘都係 chur 到4集。共101集的入樽,我睇到 80+ 集,嗯,有數得計。哈哈,十月呀,幾乎荒廢了閱讀同寫 blog 喇。

睇睇下動畫版,無啦啦又翻兜漫畫,因為動畫已睇完湘北贏陵南以第二名出線全國。之後,因為同漫畫有不同,所以我早幾日改為睇漫畫啦。由四個要補考開始睇,到《十日之後》。隔了廿年,還是深深撼動。

感動係好強。大概自己也經歷了廿年的成長〔衰老和社會壓力〕,再回看這故事,既多了新想法,也留意到一些以前不察覺的片段。

未有精神組織文字,下次再續。

不得不再講一次,睇《入樽》係好快樂好快樂的事。



20.10.16

Aldou Cafe

去元朗拎續約贈品,又煲又電話咁。當然,順便在那邊吃個晏。路經這間看來不錯,入去試。





 好味。

19.10.16

Texas Burger

去了電器道食豬肉漢堡,加杯奶昔是必須的配搭。好味。



明明好窮,人卻繼續食食食。

18.10.16

奇妙之日。BC

13/10/2016。星期四。奇妙之日。

我在尖東海旁齋企三個幾鐘,由日等到夜,為了見 BC 真身。相片?沒有啊!不想顧住 zoom 鏡對焦,我只想好好的望,仔細的記著。況且,背後的大屏太光,普通相機對焦更煩。

明明見 BC 真身,感覺還是不太真實。好像是一個明星,突然變成一個旅經香港的鬼佬。哈哈,我想是地理問題吧。

哎,唔好用「東寶事件」刺激我。太不真實喇。





大興賓墟快餐

因為有事回大興一趟,順便去賓墟食個餐。這店,好像有四十年歷史了。


我都話,近來常常咬薯條咖啦。

17.10.16

《龍頭鳳尾》.#67

15/10/2016。

書買了一段時間,因為早前見某君看完且在面書提及,所以我都趁熱一下。

〔含內容〕

在面書上,我寫道這是新版傾城之戀。哈哈,因為故事背景係一九三幾至四幾年的香港,由一個從大陸背離妻子著草到香港的木工,在大時代下〔國民,共產,日本,英國角力〕輾轉成了一個堂口龍頭的故事。而這位大佬,竟然係男同性戀者。而他的情人〔男人〕,竟是位英國警官。這個配搭確係好爆。



書裡面有好多好夭心的話,會心微笑。如書中寫的漢奸,究竟咩係漢奸?孫中山都入過會,他也是社團人士。至於一些本地社團,其實,都是兩個黨在港的分部,真係…

故事據說已洽成電影,杜導?若果拍電影,不知誰人做男主角。而在義莊發生的「那幾場」,也會出現在電影中嗎?期待。

推。

Q10 Plus Anti-wrinkle

這瓶 Q10 Night cream 唔記得係上年定今年年初買喇。重點係,呢個晚霜係救火用,晚上沖完涼,趁臉仍蒸氣滿滿就厚敷,翌日起床臉色像塗了粉底般,真係好得咖。

呢輪我狂煲入樽,煲完又失眠,加上天氣開始乾,早個星期臉色非常暗啞,乾屍咁樣,所以即刻找呢個救亡。

講起來,以前無用呢個牌子。係好朋友分享我知,佢同事個妹做背囊友,護膚品只帶了這個上路。用過後意外地發現皮膚好過以前,於是自此就用這個晚霜。我朋友話,同事個妹真係成個樣後生了幾年。

於是我又買買買。誰不想有個省鏡水潤的臉蛋?哈哈哈。


16.10.16

咬髀

哈哈,很久沒去油麻地咬髀,難得來附近買車,所以去咬一隻。


我發現我近來常咬薯條,控。。

15.10.16

車,全部都係車

一口氣掃了十一架 Tomica。唔係我要啦,係甥仔話要。

話說有日佢打畀我,話要我幫佢買車,叫我去佢屋企對住本專集拍照〔哈哈,本車仔書係佢還是BB仔時我買畀佢咖,揭了幾年,都崩崩地〕,話有堆車佢未有喎。上到去,拍了一堆,不過好難買啦,有些車年代太遠,絕了版,炒到好貴。於是,我畀我同事個面書 album 佢睇。同事都係車仔迷,家中早已有過千車仔,幸好他定時更新,也排好次序把車一一拍照放上面書,所以,當我 show 畀甥仔睇同事其中一兩個車仔相簿時,佢又叫又笑,癲左。學了儲存圖片後,佢 save 了幾十架車叫我買。〔幸好佢未發現相簿不止一兩個〕。哈哈。

於是,趁有空,去了現時點買了這些。


因為有車款已破百,這天十一架已 > HK$800 了。

眺。

真係好靚



14.10.16

泰菜

雞地有不少泰菜館,今次吃了個泰雞加冬蔭公湯金邊粉。。


卻又發現美麗黃昏

這是最美麗時候。


OT完去尖咀,湊巧趕上這美好。海運大廈外個個都忙著拍這醉人美景。

13.10.16

野草伴嬌花

如果有支微距,就可以拍花花咯。


白色花如芝麻般細,卻還是很美麗的綻放著。

MAYA CAFE

去完甥仔度玩,人在上環,想去食炸雞,點之入到去見成間炸雞店都坐滿周日放假的外國人。於是又去了 MAYA 度食 dinner 。



好味。不過,這兩樣吃了 = 4個KFC餐的價。

12.10.16

寶貝廚房

出去買護髮素,人在油麻地,試這間。可以。



個大兜薯條跟餐叫15元咋。好好味。

哈哈,我真係一個薯條控。

Little Break

在蘇杭街,試了這間咖啡店的焦糖拿鐵及抹茶蛋糕。


件抹茶蛋糕係乾身那種,好味,不過我論盡,一叉落去蛋糕就散開,跌了不少碎屑出盤子外。而且,支叉唔好用,攝了很多蛋糕在罅度,想吃得乾淨俐落的我感到好洩氣。



Fhbh