31.10.19

飯堂的炒飯

繼續去我的飯堂醫肚,呢日揀食下醬炒雞粒飯。下醬係有點辣,加了麵豉粒,正。

滿足。


趣玩烘焙坊

那天從三民書店〔重南〕趕去西門町匯合朋友去食火鍋,因為好熱出緊汗,路過到這間烘焙店順手試了站在店門口店員遞來試的飲品。嘩!係好好味好醒神好香的凍檸啡呀!於是就無理一陣間個火鍋,照入店買一杯凍檸啡滿足自己。

黐線,第一次飲到咁爽利的凍檸啡。莫非係西西里檸檬的事?不過杯咖啡好清,唔濃烈,正不搶味,真的飲哂成杯。

下次再去台北會再飲。

飲到杯心水好啡,好幸福。



地址:台北市博愛路138號

官網: https://www.playbakerydiy.com/

30.10.19

Trendy

路過,口癮起,求其買些什麼填下口慾。

沙冰好爽。


C.O. Bigelow

在台北瞎逛,入到一間小店,朋友見到呢隻 All purpose salve 萬用膏話好好用,價位仲平過香港好多,於是我都跟住佢付錢,入一盒。反正我用完一瓶膏的速度好似蝸牛咁慢。哈哈。

呵呵,重要是我心愛的 Rose 味 …真有香噴噴的玫瑰味。正啊。

在呢個開始令初老的我變「人乾」的季節,未買潤唇膏的表示這個出現也正好。

多謝推介。

官網還有櫻花味和薰衣草味哩。不過在店就沒有看到。不過嘛,是玫瑰味,好滿足喇。



Official : https://www.bigelowchemists.com/

29.10.19

黑椒.飯堂

呢日試飯堂的黑椒汁…夠惹味,正!正!


貓空茶屋

去貓空食晏,食下午茶,中途經過這店,好吸引的雪糕,所以買了。


不是抹茶,是包種茶味,好香口。不過溶得「超快」,拍照後都流到手指度了。結果食我好狼狽,一手都係。


乾茶葉燻蛋。有密集恐懼症的不要望太耐啊。



吃完雪糕,又繼續走。

28.10.19

十月廿六,台北彩虹

朋友話明明訂了酒店但出發前才發現過唔到數訂房被取消要急忙上網再找,然後因為難訂酒店所以發現了剛好遇上這個遊行活動。

因為我們一行幾人已安排好當日活動,所以無去到觀摩。不過嘛,這幾天在台北街頭,甚至航機,酒店都遇到好多美麗的一對對。

何時香港才跟得上世界視野,同性戀人在街上無拘束地十指緊扣行街街而沒有歧視目光?


美好的一天。

27.10.19

Kiehl's

只係入去買支卸妝液和爽膚水,店員就畀了咁多試用裝我啦。去旅行正好。


檸檬香草保濕卸妝水,好用。味道也有草本香。


聖誕版金盞花爽膚水。



官網:  https://www.kiehls.com.hk/zh_HK/home

本茶

K11 dockside 個新場 Musea 地庫 food court 有檔京都抹茶店。見新開又未曾試,就試下啦。








味較為清香,可以再濃一點。

樓上有戲院,會再幫襯啦。

26.10.19

Maleficent 2


對比第一集的驚喜驚艷智力,呢集 Malefienct 常處於被動位置,被安排呢樣那樣,拉扯得好緊要,好唔得。

上集連歌都好正。今集。。唉。


米雪飛花的角色,又狠又狼又毒,好似777

蟹飯

成了我的例牌嗎?又係食佢。


25.10.19

JOKER

除了男主角外,套戲寫得也太爛吧。咁樣,造就唔到一個蝙蝠俠對頭人「小丑」出來。如果用絕境去令男主角做了「小丑」,會不扭曲了原意?睇到悲劇,見唔到英雄。




隱啡

朋友入屯門買啡,於是我們相約在店裡等。開了一段時間,不過周末周日我都係出九龍香港,所以一直未來幫襯。

好好味。這店的咖啡合我口味。

有汽的咖啡,只有這裡有得飲。這是凍有氣檸啡。


未食早餐,所以咬了件芝士凍餅。


這杯是自家漬蜂蜜冰搖咖啡。Shakerato 是意大利 style 。這杯很精彩,本身喜歡甜,這蜂蜜咖啡調得好醒神。是快樂的味道。


這裡只有輕食,原味鹹鬆餅配果醬。


這是伯爵茶鬆餅。



唔好嚇親,未食早餐,唔知呢度只有輕食,所以餅,買完又買。哈哈。

24.10.19

言靈又靈…

之前問人七星燈的事早已結束。不過,言靈的運作狸我身上還是存在。

呢日,刨緊書,竟然出現呢段!喂,從圖書館借呢本書唔係為了睇呢個啊。

好黐線。


Pici

出尖咀剪髮,之前去醫醫肚先。路過意大利餐廳,店員皆外籍,想靜靜的食一頓。所以入去。

Brunch,HK$248/位…食餐似樣的日本菜都唔得啦。呢度係手工意粉。

頭盤係 Chef's selection cold cuts 配芝士,加一袋包,醋和橄欖油。正。Paraham 啦,Salami 啦, Parmesan 啦共三款。加 Taleggio 和 唔記得名的軟芝士各二。已飽。哈哈。

Orecchiette 貓耳朵,好入味,好香,加上微辣,好惹味啦。

Ravioli 意大利雲吞,正。

Pappardelle 意大利牛肉醬寬麵…來錯了,結果誤食了牛肉。唉。

呢一餐其實有甜品,有奶凍或提拉米蘇,份量係水杯 size,不過真係 full ,所以為免浪費,棄權無食。







滿足。可以再來。好似中環有店。

23.10.19

The Current War

拖了一年才上映,由BC 大人主演的 The Current War 有抽空去睇。救命,中學學的知識還哂畀學校喇,失憶失憶喇。交流電直流電…暈。

唔唔…其實電影拍到好支離破碎,好悶,無乜張力,於是有釣魚狀況。慘。


對不起男神。陰公。

拾味刀削麵

因為係黃,所以幫襯啦。

好味。原來刀削麵好飽肚。飽到食唔到甜品喇。



22.10.19

唔知邊堂的書法家課

究竟我係練字定鳩寫發洩?

囧。

西來白浪打旌旗,萬舶安危總未知…都係來自龔自珍《己亥雜詩》。



梨園爨本募誰修…亦是風花一代愁…

都係出自龔自珍啦。


一朝無常至,方知夢裡人。萬般將不去,唯有業…隨身

係我正刨緊國師的書見到的。念及,就試寫咁囉。


狀態幾時先可以調到每粒字都端正整齊?

這個時勢竟然食滯?

莫非市民忙於把藏於中資銀行的錢提走塞到匯記?

反正有無被裝修都難提款,不如撤啦。

〔從來沒有中資銀行戶口的我表示,即使隻「亮星畜」出來前都唔會開戶,從來沒有。洞悉先機〕


21.10.19

憤怒眼?

在尖咀海濱的新商場天花頂,是一對憤怒之眼…

這表達了什麼意思?

囧。


18.10.19

散水餅

近來散水的同事一個接一個,唔知點解,總之散水餅食完又食。

祝他們好好 境 / 景 啦。


17.10.19

關於第一次訊息.回應.2

收到訊息的第一天發生的事,盡量調正感受。估不到第二天早上,除了再收到又唔敢應機的叮嚀外,意外地爆出另一件事。

9:15 ,一個興趣班 group 度收到一位同學的 forward


一直有留意這個C同學,因為大家間借用了這個谷去分享時事幾個月來佢都無發表過一句想法意見…我在想,如果立場不同日日收住大家 fwd 的「事實」其實都好辛苦喎。

怎估到,一個情緒較風平浪靜的星期二早上會收到由佢掟出這篇疑是 popo 分享的想法。會用 AP 這個字眼去代表被捕者,應該是 popo 吧。段文最後好似好語重心長,救救下一代,可是通篇明明都是歪理。哈哈,同學C的的立易清楚哂。當然,暴露自己智商係殘…呢下勁丫嘛。

佢唔認同就唔會分享呢段謬論仲叫大家用多角度看東西,不要一面倒…

真係…囧…

〔我還在 loading 呢幾個月有沒有一些太敏感的話語疏忽地被佢知道〕

圖中呢度,即時有幾位同學反問緊佢,而我見佢話多角度,也忍唔住加一句「我連玄學角度都睇埋喎。」

的確如此。

續有其他同學都為佢呢篇文和那幾句發聲…

誰個在幻想?

老師見情況唔對,即時叫停,截了這段對話。

Balance 。

上堂會繼續見到佢,真係考驗。

為了此事,老師開了一個新谷,畀同理念的人分享有關資訊。



回報返上堂情況。因為我追緊「鬼滅之刃」,入到課室等老師來之前,碌漫畫解窘。小班教學咋,得四個學生,又唔可以亂講什麼,加上唔想跟蠢人有任何交流,look 漫畫啦唯有。

買TEE

個個星期著兩次的 tee 過了一季都顯殘,是係時候補買新的。

都幾十歲,記得好像說過要減少著 tee 買多點像返個女性的衫改變自己…給果,又是被 tee 征服。

大概係咁,試過有人估細我十幾歲。嘩哈哈哈。 


不過嘛,由短裙轉著西褲十年後再穿返裙作日常衣著,還是好好的堅持中。

16.10.19

關於第一次訊息.回應.1

上回咪講起我今個星期的課題係「平衡」丫嘛。以為無咩衝擊啦。那料,星期一就來料。由於我確切感到心理上「反應較大」,所以特別寫出來分享。

星期一和導師在 whatsapp 互相問好,因為佢有花墟經過太子站,於是話題展開…

「」係我。『』係對方。

「你到太子站有什麼反應?我有朋友轉車時逗留了一陣好頭痛」16:50

been there a few times after 831...did not feel anything particularly negative

do not let the outside neg affect ur internal peace

「我無呀。心煩氣躁唸唔到經。有晚我有歪念,之後唸經全程喘哂氣唸到好辛苦。108 次心經唸了個半小時!」

lol, must stay calm x grounded x centered

「嗯,知道,救人祝福要緊。壞人自有天收」

yes, exact7ly

dont get involve the karma, let karma takes care of it

「知道。我努力放出祝福祝福祝福」

first, u ground x clear urself

「係。知道」

if u want to do sth, pray that china and hk both act sensibly and responsibly

「嗯」

this is sth v doable

「〔合手圖〕」因我唔知畀咩反應。

ground urself, use shungite

「知道」

shungite, hematite, jet etc, all good for grounding the protection

「知道知道〔合手圖〕」

stay calm, grounded and safe
 
「明白〔合手圖〕」

first, take care of our own heart

「❤️係。明白」22:17

『〔拍手圖〕』00:10

bravo09:47

『先安內,後安外』

囧…我唔敢再應機…



其實我真是一個令老師頭痛的學生。上回見佢,我說唸經畀攀山者,佢已叮囑我要先處理好自己的問題,而且,即使唸經都要先做 grounding ,好好保護自己。

先解決自己的問題先至去幫人…我想,咁我有排都幫唔到人了。

唉。想起奮不顧身去救人的人…而我連唸經都要遵守「先顧好自己」而做 grounding 的指示,感覺,真係好荒謬。

係喇係喇,都係善意叮嚀丫嘛。

美國美國

美國美國美國!