12.12.18

毛裡圍巾

ChameeceMont Bell 研發的微纖維技術。所以呢條圍巾既滑又輕卻好保暖。唔知係咪因為咁,呢條圍巾係 Made in JapanHK$110,抵用。店裡無咩色存貨,所以買了這個灰啦。

突然間,好似著返中學校服咁,是校服同色系啊。

人老了,功能性比吸睛緊要。雖然我有時都愛著得招展一點。哈哈。


官方介紹:

http://webshop.montbell.jp/goods/disp.php?product_id=1118163

Evening Glow

11/12/2018

昨日一天精彩。Lunch 有出過街,見到天好美,不過左右手拎住東西兼人在開源道人流中,只得看沒有拍。

幸而,日落依然精彩。

頭兩幅圖係用新手機 A9 拍的。



下圖這火燒雲係 Samsung C8 拍。其實我呢個網誌呢一年幾乎每一幅相都係由C8 拍。平靚正。

最緊要係有微距拍到我心愛的石石的內含物,而且在行車中拍照也能得心應手拍到「清」和「定」的相片至厲害丫嘛。


多謝美好的天。

Tiramisu Mochi

唔夠驚喜。

或者,這味唔係我杯茶。


日出而作。

23/11/2018。這朝的太陽發出金光。遍地希望。



11.12.18

好香好香

呢瓶粉係數月前 Vi 自家打製送的,唔記得係摻了多少種植物,好純好香好舒服,正料。

Vi 之前係有網店,整手工香賣的嘛。

好純 :唔嗆鼻唔涸喉,Vi 的香品絕對無加化學野。

好香:我用電爐薰這香,未薰時開蓋都堅香,薰住更香。

好舒服:是令人好舒服好放鬆的味道。

因為香粉係擺得像茶葉,所以才隔了這麼多月才拎出來點。

或者再放一下會更醇更香。


多謝。

雀聲讙譁.倉鷺

又到賞候鳥的季節了。這天發現了倉鷺!好美好美。


這張相放大了所以很粗糙,但倉鷺是不變的。

再講一次,候鳥來了!呵呵呵。


10.12.18

某日在渡輪上

攝於 04/12/2018。

因有飯局,所以放工後又坐船渡海。呵呵呵。

較暗才拍得分明的層次,拍到有虛幻意境了。




前行

路過咋我。

我總是不依指示的走。我有我的方式和目標啦 ~


包販子

在太子,見時間尚早,於是入了這間店吃小食。

jot note 時間,梗係要薯條啦。哈哈。



9.12.18

日落.20181123

唔知點解,自從有>3個人去拍日落,影日落的同事似乎越來越多。呢日,因為老闆不在,會議室有 available ,於是堆了班人在等日落。

年度盛事變了日度盛事…哈哈。





大家都係用手機拍,我把光度調暗,就拍出這樣的黃昏。

馬家莊清真館

去對面的書店逛,車仔麵店好滿,於是又入清真館食,呢個係正常午餐。我指,我竟然在正常午餐時間食的午餐。哈哈哈。

清真唔食豬,我唔食牛,入到店只有雞同羊可選。於是,呢日點了咖哩雞球飯。好惹味。


跟餐可以點小食,我揀了心愛的麻醬雞絲粉皮。正正子。



好滿足啊。

8.12.18

蘭苑饎館

難得來到太子,轉下口味,唔食車仔麵茶記和清真,想起久違的蘭苑,呵呵,gogogo

過了午市時間,好靜,我點了個沙茶醬蒸肉餅。午餐有碟菜又有湯,HK$100 有找,抵咖。



見餐牌有補血燉黃耳,於是加個甜水潤下自己先。

第一次食呢個甜水,太甜啦喂。


正正,大滿足。

天上.人間

這晚有 workshop ,放工坐船去北角。日落已過,以為無咩好拍,緣來,就是沒法擋。

我總相信,天是聽到我的想法的。

這幀相當然係拍天上雲朵後面那個奇妙的光啦。

落船後發現,時間剛好,抓到。


7.12.18

夏目友人帳緣結空蟬


作為貓老師的長年迷妹〔讓我爽吧〕,無諗過有機會在大銀幕度睇到《夏目友人帳》的劇場版。Yeah !真係第一日上畫前已撲飛啦。話唔定會睇多次,因為我覺得有遺漏電影當中的淡淡然掠過的隱藏訊息。哈哈哈。

以下有少許劇透。



上圖係大橋忍為電影作的「切り絵」,非常精彩。而且,電影中還有不少作品。由真實變成電影其中一個角色的工作成品,好有趣。而我,就在電影後看大橋忍的作品,發現電影中的龍膽花切紙作品成了真實的吊飾,真係好夢幻。當然還有玲子的那幅。在 IG 度可找到。想想,大橋忍的作品其實好襯《夏目友人帳》整個故事。

唔知幾時睇到真實來自山海經那「妖怪」的切り絵?好期待好期待。電影中,牠有有一個好美麗好詩意的名字。

貓老師飲醉酒的醉態必定出現,呢個劇場版,鬧了個小玩笑,貓老師身邊那瓶酒是「猫祭」。嘩哈哈哈。我忍唔住笑出聲。愚人節當日曾出了個小玩笑話「獺祭」改名為「猫祭」,不過都係玩笑,「獺祭」官方網頁無「貓祭」啦。電影主角係貓,飲「猫祭」變得合理。呵呵。

你睇哂呢度才計劃去睇電影的話,多謝先,記得要睇到最後。用上龍膽花放在神社上,絕不是偶然的選擇。龍膽是非常古老的植物,可入藥,味苦,可能係咁,花語是憂傷。完全入哂題。日本畫家似乎好喜歡用龍膽,因為這不是第一次在電影中見到。

憂傷。人世間,妖怪的世界,其實充滿各式各樣的苦和哀。相聚,分離,皆是不由人。

那妖怪〔海報上沒有哩〕,明明長生不死,可是在牠來說,是受因果的「業」所縛,終年顛沛流離令意志也迷失。這種牽繫,沒有可挽住的因緣,其實好苦。揮一揮衣袖,不帶一片雲彩…一次,兩次,十次,百次,千次,萬次,沒了沒完,不被記住,也沒有辦法記住。在乎的,就是永劫。

箇中的感受,是哀。

十分喜歡這電影。

於是,好想去睇多次。


官方網頁:

夏目友人帳:https://natsume-movie.com/

大橋忍切り絵 IG :shinobu084

夏目友人帳2019巡展〔2019 我想去日本〕:https://natsumeten.com/

中西宗教評論和平

因為在整理家中累積的舊筆記,搵到關於1611月參觀伊斯蘭中心的哲學講座的手抄部份。

經過重寫,如下。


reading is solitude

食完個晏步出食肆,見到伯伯在睇書。於是掏出手機拍下這美好的一瞬。


即使我好想睇下伯伯揭緊什麼書,可是,閱讀一直是個人修行,不要打擾人吧。

6.12.18

Fantastic Beasts: The Crimes of Grindelwald

因為上集有睇〔嫌悶又老土〕,所以繼續睇五部曲的第二部 《Fantastic Beasts: The Crimes of Grindelwald》 ,因為有新人加入嘛。

呵呵,呢集對口味好多,夠哂暗黑。而且怪獸們的設定也比上一集精彩。不過男主角就變了大配角,既被怪獸搶鏡,也被下圖的一對疑似 hehe 搶鏡,更被 Credence Barebone 搶走焦點。如何力挽狂瀾?



好啦,期待下一集。


上古神獸騶吾的出場,真係好正。正係正在近年大陸來來去去都係畫自作妖怪或是《西遊記》《白蛇傳》那些,仲未有人搞新意度得出新故事去用《山海經》《白澤圖》內的上古神獸。

唔知遲D會不會出現埃及新獸呢?


Official Web : 

https://www.fantasticbeasts.net/

KOSE

屋企支眉筆完全用哂,要補貨,Visee 係首選,於是到了 Kose 的櫃位買。因為係專櫃,於是又買多樣野…哈哈哈。

見到碎粉都心動,反正家中那盒用了年多也快將用完。BA 介紹呢隻雪肌精的碎粉,用了草本,加上比以往用的碎粉更滑更幼更又似粉。雖然係毛然色,但上面唔覺有色〔有粉底〕,不過就真係好cover 到毛孔。3百元左右。推介。


有次買淺色那色,劃上去好似無劃咁,都係買返 BR 30 正常D,無眉,連個樣都可惡好多。話說有日未瞓醒又出左門口,返到公司照住塊鏡總覺得怪模怪樣怪怪地,本身樣殘未至於病懨懨丫,望了幾勻才發現無畫堂眉,嘩哈哈哈哈。幸好,我公司都有化妝品長擺在檯面,唔係就真係好 頭喇。


BA 問我有些什麼 sample 想試。哈哈,來緊會出埠,於是跟她說「想試面霜之類」。呵呵,於是她畀了呢條 line 共八包我呀。一包用兩至三日,咁,整個旅程看來不用額外再買 travel set 喇。正。



官方:

Sekkisei MYV

Visee

Infinity

去大坑東做廁客

人在太子,吃過餐也買過書,有尿意,於是急急走去大坑東球場做廁客。

順便,踏下草地,同D書拍照。呵呵呵。

總覺得這裡看天,好壯麗。


手機睇相,呢個已日落還有點光的天空係有少少 aura


電腦睇唔覺添。

5.12.18

捕月

攝於西曆十一月廿四日。

好迷幻的說。我指,月亮有時光得太離奇了。放出光,彷彿不想你憑肉眼或儀器就看到月球上的「行動」。

是的,我一直相信月球背面係有外星人基地,「他們」終年在監視地球生態的一舉一動。



地球不是唯一。

冬日彩虹

嘩哈哈哈,我係一個行路未必篤電話,但一定會望天的人。有一個過了立冬的某早,行緊去西鐵站的路上,無啦啦抬頭見彩虹。彩虹是光學現象,陽光都尚在東邊,究竟是什麼原因令到彩虹出現?

奇。



點都好啦,見到彩虹心情點都會係愉快啦。

4.12.18

旅貓日記

因為電影主角是一隻鬈毛的乳牛貓配福士蒼汰,所以明知呢類戲會搞喊人都照買飛入場。哈哈,當然,如所料,喊到腫腫眼。

故事唔講喇,講下呢隻貓超好戲,有理由懷疑係工讀生扮的!哈哈!而且,導演都好黐線,拍貓的鏡位和擺位絕對係貓奴睇住會心大笑。

推介。

鬈髮的人話係百厭D,唔知貓是不是?點都好啦,這位貓主角,真係好吸睛。


還有正正子的官方網頁:

http://tabineko-movie.jp/

轉角

某日去屯門華都搵食,見到呢間叫「轉角」的新店又剛好有位,於是入去食食食啦。

番茄湯,好味。


好似嗌了榛子咖啡。


呢個唐揚炸雞咖哩蛋包飯賣相好得,且份量好大,飽到食唔哂炸雞添。失禮。


好味,下次去試意粉先。

峇峇娘惹

上堂前先去呢間咬個西多先,好大份,絕對飽肚。哈哈。好好味。


3.12.18

《張天師傳奇.下》

因為書實在不值得浪費時間看下去,所以都係揭過下算。


為啥看不下去?

千金散盡還復來…唐朝李白的《將進酒》詩句竟亂入東漢末年的日常生活,真係匪夷所思。

再者,書中的十七歲周姓刺客,竟是周瑜。嘩哈哈哈,上一本出現的曹操、劉備等等是個幾歲稚子,周瑜已是少俠。會唔會太偏離正史呀?

我已唔敢再揭書找孫權會會是怎樣的出場。沒意思啦。


法相肥胖笑盈盈還打出大肚腩身旁有布袋的那位「彌勒佛」,據史料得知,是梁朝時期的和尚,中國人把真的彌勒佛和佛祖說的彌勒佛添為一談了。

反正都是混,於是,講東漢的書,加句「笑得如彌勒佛似的」都是混。


我有揭到最後,好似講到諸葛亮都係師承張道陵,而故事中,他又多手介入干擾曹氏的祖墳改變曹家運氣。

最好笑,除了孫氏一家早覓得龍脈,故事中劉家及曹家埋葬祖上的風水寶地都係張道陵搵的。加埋諸葛亮,周瑜等等,即係他一手整出三國鼎立局面出來。

作為主角,後半似乎無咩出場機會,不過仲有件好煩的女角像金魚屎一樣黏住。好煩。

講起上來,以前D人係點樣叫人呢?好似小龍女,點解幾十歲仲被楊過叫做「龍兒」。而郭靖黃蓉仲要命,仔女都大哂啦,還「靖哥哥」,「蓉兒」咁嗌,真係諗起都打個冷震。

嘿。