甜點咬咬咬の榴槤配馬蹄竹蔗水

喜歡榴槤的人，去新加坡，好似蔡潺一樣，一定會搵榴槤食。

旅遊書介紹了不少吃榴槤的店，不過，這次行程緊湊，最後只是去了烏節路義安城地庫Food Court 間Four Seasons Durians 吃著名的Durian Muchi 和Durian Puff。反正旅團中真正為榴槤「瘋狂」的人其實沒有。哈哈。買榴槤食品之時，見對面CRISPY櫃位裡的 curry puff 擺到好靚好似好好味仲好像炸大角仔，所以順手買了一件試食。

先介紹Curry Puff吧。記憶中我們好像點揀了「咖哩唔知咩魚」的大角仔。入口，層酥皮脆脆經已好味到震，團友話個咖哩好辣，不過我覺得真係好惹味。嗜辣者要試這個小吃。推介。

而榴槤puff，好香好奶，不妨一試。至於個米糍，就真係好正。買的時候，店員還給我們溫馨提示：因米皮太硬，最好放在室溫中十多廿分鐘才吃就 good 嘞。

趁著米糍未食得，團友又話隻咖哩角辣口嚷著要買飲品，於是派了部隊即入超市搜購。

由於入food court時已留意到有涼茶店，所以我就決定不買超市的飲品，在那裡買了杯「馬蹄竹蔗水」解解身體的熱濕毒。好味。

溝到咁盡，腸胃本來不太好的我真有點「搵自己開玩笑」。幸好無事。哈哈。

臨走的時候，再回到店買了有人落柯打要的榴槤糕做手信，免得玩幾日玩到唔記得。可惜，因為味道大濃困在房散不到，一回酒店我已放入雪櫃，而正如前文所說，雪櫃又被我的行李篋封了幾天。。所以，回到香港，才醒覺把榴槤糕遺留在雪櫃裡。

一,一”