31.8.17

窩夫

經過都忍唔住買雞蛋仔的我,呢次食格仔餅!蘋果玉桂無咁膩吧!就這個啦…



結果嘛,還是飽到反艇咁。

佛家七寶

在網上見店主教擺七寶,笑完後〔片子係老闆一手拎住手機拍,過程有點論盡,佢邊拍都忍唔住笑〕都心思思想擺一份在公司。於是趁得閒〔真係幾得閒,呢期無課程要上〕就約店主要貢上去店執石仔。

店主的七寶有:琉璃、金、銀、瑪瑙、琥珀、珊瑚、硨磲

琉璃哩,即係玻璃啦,而我揀了金線包杯邊的琉璃器具。



份量自己執啦。那天小女工在店坐埋一邊開動揀揀揀~


這粒 blue amber 係上次水晶放題時買的。怎的像魚子?



我揀這瑪瑙時店剛好有其他客,後來店主見我逐粒揀瑪瑙,話我呀〔哈哈〕。不過我都揀好了。


砌成。不過店主見到後話我掩沒了珊瑚,於是我要再砌過。


這個雪糕杯真係好可愛。


好精緻啊。

30.8.17

《能不能請你安靜點?》.23/17

27/08/2017。

因為村上春樹把這作家的作品統統譯日本發行,所以都想知他勁在哪裡。廿多個故事,道盡人生的日常,沒頭沒尾可以是餘韻,也可以由此終結。

匆匆走過一生…所謂一生,會擁有什麼失去什麼學懂什麼?


《靈界的譯者》.22/17

05/08/2017。

雖然無睇通靈少女此台劇,不過在書店見到這本書都買下睇睇啦。作者出了三本,幸好我當機立斷買住一本先咋。

這本書,唔對口味。作者在文句間都看不出對異世界的力量或自己曾經驗過的異事以謙卑的心情回首。算了。


薰衣草乾花包

再去小林手作度買薰衣草,還是覺得這個最好。


彩虹呀 ~

呢期跟班愛水晶的朋友玩得不亦樂乎,其中一項曬圖遊戲,就是分享自己水晶的彩虹。奇妙地,發現不少水晶爆出彩虹,這是星期日才發現的新彩虹。

話說星期天戴上它出街,照鏡時發覺水晶比以往閃了光了不少,於是除下看個究竟,就見到生了彩虹!哈哈哈。



29.8.17

Pom's

經過油麻地,見到這間店裝修很美,所以個胃即時騰個位出來入去吃件蛋糕。朱古力正!

下次會去食正餐,hea 個下午都好。


次石墨.Shungite

這件次石墨的金色礦物,在石上形成一個半蛋形圈,宛如 Kintsugi 「金継ぎ 」,非常之靚。

話說數個月前上 Cyrstal Healing 時知道這石之後,托了油麻地的店訂。後來哩,五月的礦物展度,我在其中一個檔度找到也買了。而那檔主之一就成了我現在的人生導師〔除了 crystal healing ,她也教了我許多人生道理和方向!當然要識搵到自己先啦!〕。幾個月無去油麻地的水晶店,那天去到,店主就高興地塞了一堆石到我手,哈哈,竟然係 Shungite !我初表示我已買了,在店的其他人問這石的功能後,有人拎上手即時感到能量,於是嚷著要。另一位客人也是。之後,我都揀返一件留用都好,始終係我托店主搵貨丫嘛。

於是,這一件石仔就被我帶走喇。 






28.8.17

Citrine.黃晶

今日係七夕,不過唔係 full moon,我都希望送個靚月亮畀大家賞賞。


哈哈。


在公司檯底拍的,夠暗,打燈後效果一流!打了燈,才見,晶球比初買回來時通透了許多!當然,連彩虹都爆多了!

之前買的生命之花,早前放了一片在黃晶球下面,催呀催呀。

五穀豐收

常常經過,呢日於是走入去試。要了個西檸雞翼五穀飯,原來個餐有豆腐,好味。



會再去啦。

27.8.17

情味館

明明約好新朋友仔12半在巴士站等,匯合後先去食個午餐,才去水晶店購物。不過佢太心急,在約定時間前個半鐘已通知我佢太悶喎上車先去裕華兜下圈等我。幸好慣常有早無遲的我剛好準備著鞋出發,只好唔坐巴士改為坐地鐵過去,慳半個鐘車程但要企到出去。

就在11點幾,佢又再 whatsapp 我話佢逛到去水晶店附近公園還見到老闆在拉起閘準備營業。佢還問要不要在公園等埋我先去水晶店。嗄?唔係食晏先咩?見佢咁急,就叫佢入店揀住先啦,我盡快趕來,不要在公園等喇,街好熱。

因為好肚餓,結果在趕去店其間見到麵包店先買個包,再到店吃。

佢買了幾件頭,而我就留起幾件石頭後數。哈哈哈。點解咁咖!?

之後,才去食晏。其實,這才一點。

我揀了個意大利飯。


異極礦.Hemimorphite

早前帶朋友去油麻地尋寶。明明「乾糧」咁滯在店裡都忍唔住出手搵呀搵。哈哈,畀我見到粒粉藍滾石。藍色控的當然不會放過唔買啦!咁呢粒石叫咩名呢?老闆話異極礦。名有印象,石真係第一次見,好開心帶佢走。


在電筒照射下呢粒石係透咖,好似人地照雞蛋咁,好Q好得意。在水晶谷跟友們分享,有人有原石,有人一樣有滾石,仲係繞了鐵線當吊墜戴,好正啦。

雖然我係藍色控,不過呢次真係堅忍手,只係買了一粒。哈哈。


26.8.17

大記攦粉

念著大記的攦粉,所以就來這裡吃個午餐。


加個豆蓉西米糕先。成件事好夏天咁。


生命之花

七月中在店找到生命之花,係貝殼雕刻,得三個咋。不過第一次見到以為老闆拎出來放題,所以無出聲話要啦。當晚放題不見此物,即刻 whatsapp 同老闆話留貨。佢問我要邊個,我話要哂。哈哈哈。

圖中得兩個的原因係,早已送出一個畀朋友喇。


送出祝福啊。

25.8.17

@ 巴打廳

發現屯門新墟有間米線店,於是入去試下啦,點之一試愛上。一星期一定去一次。

呢碗係胡椒豬肚雞米線〔可以跟飯〕,胡椒湯夠味,雞也腍入哂味,豬肚好爽,正。

仲有好幾款米線,蟲草花雞啦,海南雞啦咁,雞酒啦。。海南雞那個也好味呀,下回試埋個蟲草花雞先。


紫龍晶.Charoite

在店見到兩枚好漂亮的紫龍晶滾石,買了。如何?係咪好靚哩!



24.8.17

九宮八卦牌.八吉祥

那天在店見到這個吊飾,喜歡,見到藏文外,也有十二生肖,不明符文和八卦!



Sodalite.方納石

蘇打同方納,係同一隻石啦。之前問其過兩間店都無原石,後來見其中一間老闆放圖在谷度,就是這件原石喇。好好笑,完全無講幾錢我就留一句「要!」。跟住老闆笑住〔應該係〕話呢種先係正確的態度。其實,我有幾粒滾石,都係廿元左右一粒之嘛。

而且,堅係想要呀。

再而且,這粒石如此的骰,心中有數。如果手掌大的原石就一定唔會嗌得如此梳爽啦。係咪!

把石洗白白即刻拍照,就是這樣子。



可愛。

23.8.17

露華濃妝前底霜

早前逛街見到呢個,買來試啦,整天在街或整天在冷氣房都 keep 到個妝,毛孔無爆現,work 喎!


藏香

唔夠香點,在李小姐度入返D藏香點先。


22.8.17

Amber.琥珀

呢件琥珀係上個月初搵店訂回來打算送畀老母八月尾牛一。哈哈,店主旋即搵到貨,於是件琥珀上月尾已到我手。如何?



生日未到嘛,條鏈還在我手。唔講幾錢喇,因為唔係敗家價錢,堅平囉。

去流浮山吃海鮮

老母生日飯局,細佬拍板去流浮山食海鮮。因為識人囉。

12點半坐在海鮮酒家食呢D做早餐…










其實重有條魚,不過無拍照咋。