Sailor Shizuoka Green Tea Ink
朋友有渠道撲到這樽我嗌哂出聲想要但只內銷的墨水，平安夜當日收到墨水真開心。超美的綠！
來畫畫或寫字都美。哈哈哈。唔捨得用呀。
19.1.21
13.2.20
文聯莊買墨記
話說十二月時老師教寫揮春，有同學寫金字上紅紙度，超靚，於是問了是什麼金墨，和朋友食飯前，去了文聯莊一趟買買買。
這個日本櫻花牌金色，加少少水就用得。重點係之後用水已能把筆清潔乾淨，不用寫一次「漿住毛」要報銷支筆。
不過嘛，睇返呢度，我又無放過一張半張金墨寫的揮春上blog…因為，真係未寫囉。
…上得文聯莊又心思思買筆，本來買羊毫，問店員有什麼羊毫介紹，寫揮春大小的字。佢一聽「羊毫」就很驚訝，話羊毫係舊派人用，確實唔適合我們這些繁忙又缺時間去學一門技藝的香港人使用…而且，為了快狠準寫到好樣的揮春，他提議買狼毫。還示範了分別。嘩哈哈哈。上了一堂，多謝。
於是，就買了這支他推介的，比我跟老師那邊買的羊毫貴幾倍的毛筆。
回彈力不同，每有新筆都要重新掌握自己落筆的力度。
可能有比較，最後係用返羊毫寫揮春，而落筆收筆反而比做家課時順手左。奇呀。
支筆，百七銀。真係要好好保護。
哈哈。
8.2.20
Aromafume
又係幫襯黃店的時候，店主係做能量物件送畀小朋友傍身，大愛。見到佢個page有香爐好正，又想試印度香〔有我愛的玫瑰味！〕，所以一邊同佢吹水再揀邊隻味有趣，結果就買了這一堆回來。收件未拆包裝袋經已香噴噴，好癲。
店主再整了幾款 incense bricks 我試。龍血都有！
呢支油，擦少少上手，足可香到一整天。返工唔敢用，免得去廁所大大小小時被同事知道廁格中放臭臭的人係我。哈哈哈。
催谷一下底輪。
見平就買，所以揀了「亞拉伯之夜」，中東風味濃。亞拉丁飛飛飛~
野花味，堅似置身在大花園裡面。
這品牌有兔仔認證咖，絕對可放心…盡情購物。
又
Official : Aromafume India
7.2.20
6.2.20
Platinum 時繪三月筆
這是2019年上鋼筆興趣小組後敗返來的筆。又係白金牌。哈哈。
型號 # MWB-3000GM
實物好靚，而且筆桿上有風神和雷神，好型。我買的舉底色係消炭色，當時無為意，原來有黑色，不過炭色都係我飛佛。
正正。
官方網頁：Platinum JP
30.1.20
去了一間文房店
老銅時代廣場附近有間文房店，一直想去，終於有日路過。
有些店須要親身去一次去支持，尤其是我是一個文具愛好者。
不過，一次就夠了。
好怕入到店被當成賊咁，有對眼跟住旁邊盯住你拿起什麼望住什麼然後開始介紹。這是不好的購物體驗。
O 嘴係，口在推介貨品，卻又唔熟貨品的貨源，點呢？強調貨品是香港設計，但我望到件貨係印住係 MIC…我指出之後，店主才認真望一下貨品…
囧。
有許多技術，MIC 做唔到品質保證，圖中這支原芯筆，直頭係大陸品牌，我喜歡這色，不過，但唔好寫。嘿。
這本 Modena 簿，支持封面個本土設計而科水，不過，都係 MIC 。
屬好貴的大陸製品。
傻事幹一次就夠。
24.1.20
20.1.20
Pheva Chocolate
在網店瓹窿瓹罅度買。好好味的越南 dark chocolate 。有同事吃過都話正，即日落柯打買。
多謝店子介紹。跟去過越南旅行的朋友講起，佢都唔知有呢樣越南名物。哈哈。
Official :
Pheva Chocolate
19.1.20
7.1.20
老順德朱古力
在瓹窿瓹罅度買，因為我見到專頁裡面好詳細咁講吃朱古力對身體點好。而我因為個胃扭計常常唔舒服，才知原來係好需要有朱古力安撫，所以就買了這個來自菲律賓的老牌朱古力。
在公司收貨，我又買多了，問較友好的同事要唔要，原來同事家中長輩都有飲用這個當早餐。哈哈。係呀，早餐。重教我加紅糖加雞蛋一起飲。嘩。勁啊。
當然，我真係好鬼 old news …啦。
5.1.20
4.1.20
又買香
件事因病而起，唔好笑，但感激朋友在病時想起我給我機會扶一把。
廿九號那天朋友 Y 突然傳來訊息問我有無艾草碎可以畀少少佢用，因為佢一家四口都病了，樓上住戶剛好在點艾草之類的東西，聞了味，便想起我係買香人。當然有啦我。而且呀，我知道朋友狀況，梗係唔止畀少少，直頭加重料畀佢啦喂。
被信任被記住是幸福的事。何況，當下我要出手幫佢清清家中的穢氣病氣。
雖然在家而準備定除障草〔又叫雪巴草〕，十五年艾棒條和整紮白鼠尾，不過下午第一次去上堂的 workshop 竟然有艾絨條賣，天意呀！同一天發生！所以即入一份取代支艾棒啦。
而且，這些艾條不是國貨公司一盒盒有廠有號的貨，係手工野，還力了「料」，唔知靈氣定經文定什麼喇，所以，我覺得好好喎件事。
店裡還有崖柏線香，店主話用過 OK 至入貨，所以我都入一筒先。因為崖柏香我無啦。即晚都點了兩線。
又買東西了。嘿嘿嘿。
2.1.20
Lisa Larson' cats
和朋友約去 SSP 食晏開始一日黃店之行，我早到，所以先去福利模型朝聖…shopping。哈哈哈。
買了 Miniature Fabriker 系列扭蛋中的三隻小朋友。
呢隻叫 Mia。
呢隻較常見的叫 Mikey。
呢個叫 Misse 。
為了拍它們，在公司趁午飯時間急急在檯面搭了一個迷你攝影棚。哈哈。鋁紙真係好好用。
Official :
Lisa Larson
訂閱：
文章 (Atom)
