立下決心
之前有位我曾尊稱叫「師父」的人士，因為觀察後其「實相」跟「理想」落差太大，甚至個人行為影響到我，故無法再續。
目前還是自己唸好了。
放心，沒有對佛教失望，他絕不會影響我對佛教的忠誠。
睇到…學佛學到咁，唉。
6.7.19
睇到…學佛學到咁，唉。
11.6.19
丸丸丸
是次行程師父又贈了一些珍貴的丸畀大家，臨死時作解脫用。
既然接過了過後都記不起每一款藥的名字出處，兼且存放方法也要顧慮…加上，我學佛學初心不是求丸，知道也不起念要擁有…對於實情係應教無教，身教都…卻被硬塞這幾包丸是不自在的。
所以回港後如諾咁轉贈畀一同往川藏的兄弟。
我受唔起。
26.5.19
穿佛珠again
Upload 完相次序錯哂，唯有顛三倒四咁分享解說啦。
話說回程前一晚，師父送予我一包佛珠，是五台山獨產的六道木佛珠，據說他走了很多間才見到真品，贗品太多，唔識買分分鐘買到偽品。
其實，我都唔知佢點解要買要送。從香港帶上去的一條血檀，得過大德喇嘛的加持，是要用一世的，所以我根本唔需要再添新的佛珠喇。
講返六道木，因為六道木的橫切平面似六字大明咒的花花圖案，加上得過其他高僧推波助瀾的助攻，所以近年市場都炒得幾勁。不過，我未出發都無打算買任何東西，所以即使見到都是過眼雲煙，完全沒有心動要買任何東西。
我連原則都守不住，就沒法用「理」去擲人了。
買佛珠通常 +2 或 +4 。 Spare 是用來取締爆了的珠。就如圖中，我逐一查檢後發現的…
至於我點諗？咪都係一串佛珠囉。放著唔用，幾珍貴都沒有力量和價值啦。已有三串108的我，又唔好意思推卻一番好意。於是收下。
回到香港後，還替它重裝一下。係，抽起披口和爆開的珠，加了六粒玫瑰金天鐵。於是成了我幾條佛珠中最貴的一串108。
當是回饋心意。
買開晶石的都知天鐵什麼價位，而我再買石都只想買隕石 / 勁能量石 的原則下，就成了這樣。
1.5.19
19年4月．買書3本
又去佛哲書舍，托了三本書走。
《大成就者之歌》
《四加行，請享用》
《大成就者傳奇 - 54位密續大師的悟道故事》
不過後來呀，師父話，密續大師正確係有84位。包括他曾說過空行母「色卡悉地〔音譯也有：史卡思德，蘇卡悉地〕」和「尼古瑪」。屬香巴噶舉傳承初祖兩位大成就女性。
而84位大成就者中，最出名是「帝諾巴」及「那諾巴」及其事跡。
看來也得花點時間刨下藏密的書籍。
陽光滿好，所以去了公園曬住拍照。
30.4.19
自作業：穿佛珠
師父話要準備一條108，且這一條係跟自己一世哩！於是，趁假期，乖乖在家先穿好上回買的贊比亞血檀才出街玩先。
原串係＋2，即110粒兼無隔珠。既然要穿條像樣的108，就要搵搵家中有什麼存貨可用來做隔珠。結果選用了年幾前買返來一直無戴過的 Mookaite 。哈哈。係，拆開整串揀出心水顏色配搭一起。
完成圖。姣騰騰弄出七顆弟子珠。
Mookaite 真係好靚。
原本的模樣。
呢勻係一手一腳自己做，儘管幾個繩結有點走樣，不過我都滿意啦。
你覺得如何？
2.4.19
石斛蘭
十號那天師父召人上道場大清潔，滿以為是搬搬抬抬抹抹等事，原來哩，是徹底的大清潔，即是連壇上的十多廿尊大小佛像，相片，法器也要一一洗抹乾淨。
同佛像抹身，要預備花水，水 + 綻放中的鮮花 + 香水。他買了一束石斛蘭，著我把綻開的花摘下來沖洗，再放入他準備好的水桶內，再倒一定份量的花露水攪勻，就可以搓布巾用來幫佛像拭抹。
第一尊一定是幫釋迦牟尼洗抹。然後每抹一尊佛都要搓一次毛巾。
因為壇上的物事一直是女眾不可多手，所以被安排清潔所有佛像咁重要的任務真係好開心。〔其實當時只得我同師父兩個。哈哈。〕
好緊張耶。
能夠清潔一檯滿滿的佛像，有木的，銅的，鍍的，漆的，一邊清潔一邊欣賞，手也感受著佛像的不同觸感，是快樂的事。
፠፠፠፠፠፠፠፠፠፠
因為師父話花苞唔要喇，之前買過都開唔到花，放著也不能放壇上，所以我就嚷著要帶回家。我覺得這樣丟棄太可惜了。
畢竟，我是個惜花人嘛。
當然，回家後我在花苞上做了點小手術，於是花也順利綻放。而且…前後共擺了十五日哩！
22/03/2019
21/03/2019
感恩。謝謝綻放。
19.3.19
4.3.19
背百字明
到道場參與共修，雖然可睇住經本唸誦百字明，可是拼音係國語版本，唸出來又要在腦袋先翻譯返粵音，一直跟不上其他人，甩漏甚多，自己都覺得唔好意思。於是，扚起心肝整番個粵音配音畀自己先。至少背記的時候方便入腦。
YouTube 搵到的版本眾多，而且口音咬字都不一樣，後來我有whatsapp 請教過師父，求證是必需。至少要知唸時發音唔準確會不會影響咒的力量。他說藏音有三種，重點係唸的時候觀修本尊要清晰。
我說我還未背得順，於是再傳我一張本尊的畫像方便我自修時用。
金剛薩埵。
嗯，而我背的時候，是聽索達吉堪布唸誦的版本跟著唸。好有力，好舒服。推介。
因為音頻係振動身體內的「水」，加上唸的時候需要專注，所以我都好喜歡藉此放下身外事。
哈哈，因為一動了念就唸錯字甩哂beat。個腦，一放注意力在「腳痺」上面，我就甩字錯字了。當然會受鄰座的人影響，有時也會跳一跳線想到生活的事〔汗〕。
努力。
泡白樺茸記
師父畀的白樺茸係有指定溫度的水泡的啦，於是去了油麻地買個溫度計先。貴了點都無計，事關我論盡，所以唔會買舊式的水銀探熱針。有裂有爆有甩手就煩。係咪先？哈哈。
呢個份量係我，老豆老母三份飲。
有飲咖，五點九起床去泡白樺茸。勁白痴呀我，第一回諗住攤凍D滾水，仲呆在廚房等等等。之後醒返啦，加室溫水咪得囉，溝到正確溫度就加白樺茸就得啦。
我係懶人嘛，所以無時無刻都在諗方法去令生活面對的大小事以快靚正的速度咁完成 / 達標。呵呵呵。
不過，呢個唔懶得，除了師父送予我，他也好認真咁講解沖泡方法。而且，佢之後真係有問我有無飲，味道點呀咁啦。
嘩哈哈哈。
3.3.19
佛珠………會自然出現
話說我自年廿八開始上道場參加薈供共修等等至此一個月，共上了道場八次，可是我都係無108。雖然公司檯面多年來都掛住一條硨磲108，不過因為硨磲存放不妥好易變黑，加上幾重啦，放在公司又唔想郁佢，所以從無打算拎去用。即使在道場師父有叮囑大家每日都有佛珠跟身。我都係嗯嗯咁聽著，未有動心動力去準備。哈哈。
不過，有日公佈來緊一個活動要佛珠，沒有108 的我在翌日 whatsapp 跟師父講我沒有佛珠。
然後，他竟然回我這句玄之又玄的話：『佛珠…………會自然出現。』
呢句話之後我有「？」，但他可能很忙沒有再應機喇。
而呢句偈，每次睇返都好好笑。當然我有分享過畀同樣識師父但無跟他修法的朋友睇，他們都笑哂。
他們也講起自己的108 都係別人送的。我需要的話也可借我使用。❤️ 感恩。
點都好，先唔好奢望師父會送我一條108。唔好起個貪念先。雖然佢送過更珍貴的佛寶給學生。
自然的事自有上天安排。不過，我都扚起心肝，幾日後碌去老銅 Miss Lau 的店買條 108。因為可以在店上埋堂自己穿 108 嘛。當然，我可以問店主 Miss Lau 不少選108 的心得。
1/ 木珠，籽珠〔菩提〕定水晶 108 好用呢？水晶雖美，但好重，拎上手懸空撥珠的話，拎耐D都幾累啦。
2/ 我的手掌大，珠的大小是否要相對的大顆？
3/ 彈力線和沒有彈力線在撥珠上都有啥分別…
結果，我揀了最輕身的木珠，我跟 Miss Lau 說要帶紅色的木就可以。於是 Miss Lau 在貨架度找到這串 108 畀我。唯一的一條帶紅色，哈哈，就這個啦。
是印尼血龍木。
明明偏啞色，不過在燈光下好飽滿又耀眼。越睇越愛。
盛惠HK$80。
下兩幅圖係上完堂穿好珠跟手拍，一幅是 Miss Lau 的手機拍的，另一幅是我手機拍。好奇怪的色彩。哈哈哈。
Miss Lau有講，108 不必太花巧太奪目，減少別人望到而引起妒嫉的想法。哈哈，識我的朋友都知太招搖的事我從來唔做。而且，我是初學，純粹想有個角落安頓自己修行咋，所以沒想過要太誇張的108。所以越簡單的108 越合我心意。於是，我這串 108 除了隔珠用了較特別的紫心木〔紫羅蘭〕外，無隔片無卡子無記數器無金剛鈴無金剛杵。平實無華，即使日日戴在手腕也不會太惹人注目啦。
我要盡量低調。唔算矯枉過正吧。我都係想減少不必要的麻煩之嘛。
那天在店我有向 Miss Lau 訂多一條，桃木，唔上油的珠。貨到的話又去穿珠。呵呵。
26.2.19
明媚
師父在年初一吩咐要帶小包黃泥，初三有用。再問清楚，不能是公園花槽的化學泥。黃泥…師父話我住的地方附近咁多圍村，走去取泥方便啦！新年流流一個外村人鬼祟咁入去搞人家的泥土，我都淆淆地。我有諗過去濕公搵，不過有人告訴我若被發現斷正係當盜竊論。嘩哈哈哈，我可不想成為香港第一個偷泥賊呀！嘩哈哈哈。
呢個任務對於我的確好難啦。
於是大初二那天，想休息的都不得偷懶，睡醒就出發去搵泥。
呢張相，好似係攝於雷公田。
22.2.19
荃灣．年初三
攝於2月7日。
哈哈，其實那天在道場離開趕路去堅尼地城食開年飯，途經巴士站見到拍的，所以記得。
四百禳解之後，師父需要離開道場一陣，著大家各自修行。雖然佢無話一定要留在道場，不過都係留一留步等師父回來啦。
因為約了六點集合，唔想一眾等我一個，於是四點幾等唔到師父回來就閃喇。
訂閱：
文章 (Atom)
