30.6.19

很久不見。

很久不見,看到你,就好。❤️



小河內

去上環文聯莊逛逛,手痕友表示要看看有無東西補給,好餓呀,之後去了斜對面的越食店「小河內」。

太熱了,唔想要熱湯檬加重熱感。於是點了燒豬頸肉凍檬粉。檬粉一條條沒有粘著,香口,驚喜。

算大碗添,好好味。




29.6.19

天地無我

就這樣午睡…

地唔硬的嗎?還是比地更硬?


橋上

2M+1 後一個星期日,去完珠寶展,來到這裡。


28.6.19

三六九

一年一度入場睇珠寶,如往年一樣,先去三六九填肚先。

麻醬雞絲粉皮


小籠包。正


好爆色的擔擔麵。麻醬好夠,正。



飽哂。

唸經吧。

十五日晚,我在面書寫道:

作為一個初皈依嘅佛教徒,識唸嘅經唔多,早幾日問朋友唸什麽迴向給傷者,朋友提議多唸藥師佛心咒。。我還唸六字真言百字明度母心咒心經。。
難過係,今晚要為亡者唸。唉。
幾灰都好,唔好死!


今日係義士的二七,大家一起唸經迴向給他吧。



每日都有唸。求佛祖憐憫他的捨身取義。

27.6.19

Pokhara' World Peace Pagoda

Pokhara 的妙法寺上。

又搵下相。這是在樸卡拉山上的妙法寺和外拍。有安娜般娜,費娃湖,可惜多雲,拍不到一列壯麗的雪峰。

還有更多照片。。未執。哈哈。拖下拖下,咁就半年了。


蛋黃酥

呢個酥好好味,而且買的時候還暖的,上堂前醫肚剛好。

下回再買。


大概得了免疫症

我空手而來,空手而回。

有抗體了啦。


雖然無錢係主因之一,可是連念都沒有,確認是抗體了。呵呵。

26.6.19

中村藤吉

感謝太古廣場。所以去PP…吃杯雪糕。

本來想買粉餅,不過HN 裝修!點解咁!


當然,來了太古廣場,還有做其他的事。

第一堂書法家課

雲字唔關事。哈哈。係我手多多寫的。


博士先叫我練王之渙的登鸛雀樓,「白日依山盡」的隸書是基本…嗯,在家真係有抽時間有開個壇練耶。不過沒冷氣又唔通風架起手寫字真係不停冒汗,寫了兩張紙,頂唔順就收壇。

圙…



個人覺得最似樣係白日二字,不過,過後唔知寫唔寫得返。嘩哈哈哈哈。

個墊話咁快就咁喇。


整體來講,是獻醜的字。好好掌握持筆的力度,旋轉度和耐力。因為,以前持筆手勢係錯哂囉。

真係一切從新開始。


我是一舊雲。哈哈。


25.6.19

墨跡人生。一

估唔到我第一次上這中心,不是上哲學課,而係學書法。嘩哈哈哈。更由哲學系博士教寫字。

這個絕對跟出邊的書法班不同,因為有講書法大家的歷史。這堂講解的是唐書法家孫過庭著的《書譜》內評張芝、鍾繇、王羲之王獻之的書法。

簡單到對於羊毫、狼毫也傻傻分不清的我,這些史料資訊真係感覺自己被拋出大海。哈哈哈。

真.係.一.個.初.學.者。

第一堂沒有練字,看博士寫,他續寫著龔自珍的已亥雜詩注。因為內有三百一十五首詩,所以每堂寫三買首都可以寫好多堂。

他寫,學生回去練習。功課。

我?當然未能跟上隊啦。第二堂都係坐埋一邊練寫隸書的橫直點撇捺咁咁基本功。還有拎筆姿勢等等。

功課要做啦,「白日依山盡」是下一堂要交的功課。

努力。


小窩雞海南雞專門店

正完骨,幫襯一下修頓對面呢間海南雞飯。都可,雞肉都嫩。醬汁可以更好點點。


椰汁珍多冰。好消暑啊。


是晚是南瓜湯,好香甜的南瓜味。真係好耐無飲過了。


李好味

2M+1的晚上,和朋友繼續行到去了中環醫肚。因為不少店都要排隊等位,於是貴了點都照去啦,來了這間本身似做遊客生意的食店。

雖貴,但真係好味。

望下閣樓的鄰檯全是黑衣人,和朋友打趣說,可能係唯一一次坐滿香港人的晚上。嘿嘿。


正粉腸。


呢碟招牌炒飯要二百啦。



好味,所以滿足。

24.6.19

好明顯,係我一直太懶

又是上天回應我啦。

話說瘡沒完沒了,真係有諗過在FB問朋友有沒有美容店介紹,不過香港正發生緊性命攸關的事,什麼吃喝玩樂且擺埋一邊私下討論啦。

自己去買東西〔除了洗面還有去黑頭水〕救火先。

然後,612那朝,朋友問我在哪,人在公司都沒什麼心情工作於是跟她吹陣水。佢突然話下午去打斑啦…咦…

於是,經佢介紹,識了自己開店的美容師,買埋13次療程。平過我N前年用幾皮 joinR 字頭的美容院。

哈哈哈,H 〔店主叫H〕話我皮膚實在太乾所以不停爆瘡,於是第一回做了導入深層補濕…至於我前文提及的粉刺,托福,買的去黑頭水洗面令我皮膚清了不少,H幫我做針清時都話我臉其實粉刺黑頭唔多,人生第一次做針清的我聽到當然驚喜啦。係,幾十歲人,第一次做針清咋。一直都怕痛丫嘛。

兩個小時的面部療程,個樣前後分別真係好明顯。之後一星期都再無平白都谷到滿面油,也沒有暗啞,之前的瘡都平復返,消退,毛孔都無咁顯眼,感謝。

結論係,如 subject 所指,好明顯係我一路都太懶去搞塊面。

2019年變返做靚女不是夢。加油。

H叮囑我唔應該再用泥類的美容品…我有好幾缶泥敷面添…〕

〔因為做了激光,剛買的維C精華也不能密密用了〕

Burger Home

69 遊行那天經過,聽到隊伍中有人讚過呢間,記著。之後有晚要赴灣仔正骨,於是來了幫襯。

點了個夏威夷 burger set 。好味。



23.6.19

友生昌

上友生昌買書法要用的文房用品。

今次哩,毛筆不是鳩買,雖然找唔到老師指定的筆,但路在口邊嘛,當然請教店員幫我揀合用的毛筆啦。〔家中有毛筆,可是只能寫細字〕

要寫 4x4 格大的字隸書,於是選了這兩支給我,一支毛身較硬。



墨汁。1 Lite 七十幾元。


墊布。我揀平的。


紙是老師指定的款,一包九十元。希望好好的寫,不要浪費紙張。


望個袋…咦!普慶戲院!



加油。

〔我覺得濫用了「加油」二字。嘿!〕

Joe's

去文房店掃完貨,再回普慶地庫的 food court 還是超多人,於是行多幾步,又來了 Joe's 啦。總之要坐得舒服又要夠靜。

呢次嗌啤酒薯條…比較下,黑椒薯條是我心水。


Spaghetti alle Vongole 好味,白酒好香。 正。蒜片唔太辣口,都正。滿足。


呢個 mushroom 味道口感完全…真係…好鬼…甘寶湯。其實,會唔會真係?哈哈哈。


有薯條,梗係享受著悅讀時光啦。

22.6.19

明色美顏水

講了這麼多年,第一次買這個用。好勁龍瑙味。


自由麵

616那天繼續和朋友出發,匯合前先去食點什麼醫肚〔早餐都未進〕。於是,去了鵝頸橋下的店吃碗麵。

自由麵~

意思滿特別的。


21.6.19

《Dracul》. 15/19

11/06/2019。

呢本書未發行已想買,話哂我有睇過茂瑙電影版的《德古拉》嘛。哈哈,亦幸好我堅持買此書,因為真係非常好睇。

非.常.好.睇。

故事據講係百幾年前《德古拉》發行時被抽起的頭百多頁。對於沒有看過《德古拉》原著的我,正好!至少沒有比較也沒有什麼前設去窒住嘛。

書從台灣訂了回來,因為前書未刨完未睇啦。朋友有日話新年計劃緊去都柏林,在谷度問有無人有興趣一齊,我哪有錢。。哈哈哈,估不到不夠廿四小時開始睇這書,場景竟然係都柏林啦。明明是兩件不相關的事,卻…頂,有無咁巧合呀!〔真事!我在FB有講過!〕

係,故事中,都柏林是主要場景。

也許,要籌下旗去都柏林一轉。嘩哈哈哈。


故事真係有講德古拉點解擁有咁大力量超脫生死,兼擁有可怖的邪惡力量,有講佢「心愛」〔算係,或者〕的女人係邊個。當然有講點解書名叫 Dracul 而不是 Dracula 啦。

詳細唔講喇。你買書睇啦,好緊張啊。

大力推。

關於炸魚塊

好坦白,呢D成品,真係好難會整得好食。哈哈哈。


20.6.19

不老的戰跡

They shall not grow old》正式上畫後,去了看這齣戲。

〔近月疏散,停了看一二戰的書,囤著。希望盡快起步。〕

他們是抱持什麼想法走上戰場?

置身在戰地,心理狀態,生理狀態有無改變?

電影旁白是由一班退役軍人的錄音。似是輕描淡寫令人發噱的想法,配上當年的真實畫面,竟沒有違和感。


為了正義。



非常珍貴的電影。值得一睇。