6.3.05

REASON

曾老頭及幾個白痴的議員又出來侃侃而談為董生的事繪聲繪影加個人意見。

某件蛋散又對著傳媒話,看董生的相,現在的模樣跟當初上任時衰老好多好多,連眉毛都白哂。。頂!低能!除了狂做美容彩光整容的人外,借問有邊個人的樣子不會老?更何況係講緊幾年前新入職容光煥發的照片和現在眼神無火無焰的照片相比?仲有,大家要明白,這個老人這些年來日日都畀人鬧,畀人問候。。唔做又鬧,做了更鬧得多點。。長期的精神虐待會加速細胞死亡。

董生的健康真的不好?

如果真是為了身體出了問題而會辭去特首的職位,那,他捱壞了的身子又怎能應付新的工作,新的任命?真係想做瓜佢咩?

虧就唔好做啦!

所以,若是辭職不幹,就索性待在家中頤養天年好了。


激到吐血,激到嘔血暈低的劇情見得多。。畀個不肖仔激到拿刀斬人手起刀落,打麻將打到中風猝死,嫖妓玩到馬上風的新聞時有聽聞。。於是,董生的驗身報告話佢身體好,無高血壓無尿酸過多無乜大礙卻反而是大眾的「意料之外」。畢竟,他是整個香港甚至亞洲區被人罵得最多最密又最無實用的人啊!莫非他真的一直視那些評擊及彈劾為無物?

吊詭!


咩理由都好。。豁出去話唔 like 香港人對佢太苛太刻薄都好過話因健康問題而辭職。因為,健康理由根本不成理由。

沒有留言: