25.5.05

夜半無聊時


夢正酣,忽來的電話鈴聲響徹全屋。素來無甚親戚,算著該不會是什麼急事,甚至乎可以打錯電話,遂賴床不起。長響了一遍,到第二遍時,桔不得不下床聽電話,聽聽究竟發生什麼事。

『請問桔媽。。』聽到對方的聲音,就認出是桔媽的一個朋友。喂!夜半打來找人傾心事?!

「嗄?」桔老實不客氣。難道要桔叩門喚媽出來聽電話?

『我係曾太。。』對方聽到不太友善的語氣,顯得不好意思。。

原來,這位曾太半夜替貓兒剪指甲,誰之一個錯手剪傷了貓,令到貓腳流血不止。致電 1083 查緊急獸醫服務不果〔據她說查電話要提供獸醫診所的正確地址〕,情急下遂致電桔家尋助。

桔雖心中暗忖攪咩半夜三更拎隻貓來教非仲整到佢咁傷,但仍急忙替她想辦法讓貓止血先,救貓要緊,不可置之不理由牠流血不止。哎呀,桔都唔知半夜時分邊度有獸醫行診喎!無問佢之前怎樣幫貓兒止血,反正佢如果識急救要給傷口適度的壓力早可能解決了問題。於是叫她嘗試落去七仔買雲南白藥替小貓止血。而且,話雖半夜,仍有人喜歡這個時候遛狗,不妨問問那些人,可能有機會問到獸醫的資料。

桔還提議她不如試一下致電1823問,可能工作人員幫到佢。雖然係政府服務熱線,但是桔識得有位在這熱線工作的職員講,有些賤人惡棍玩厭了寵物不想飼養下去,都係致電這個熱線咆哮叫人派員來收走。豈有此理,仲要發惡!聽到這裡,我忍不住叫「但願有天這些人也像被他唾棄的可憐寵物一樣被人收走!」。。當然,我曾聽過,有人帶隻洛威拿咁大型的狗行山,點知大狗在山上暴斃,主人抬都抬唔起,又不能棄狗去召救援,於是致電1823求助。

桔想,這個熱線的員工,一定幫到曾太。

收線後,悶極的蛋蛋大王喵喵扭著要桔留在廳中陪玩。。好好好。。

今朝一早講番件事畀桔媽知,桔媽竟然話好彩係桔聽電話,因為問到桔媽桔媽都唔知點解決。。

一, 一”

一個電話,弄到桔睡得不好,發惡夢。。

2 則留言:

JL 說...

那貓真的交上好運!

有沒有貓的消息?

匿名 說...

多謝關心。。貓ok了。。但我跟媽講起仍一肚子氣!