25.7.05

折墮行者

脊骨保養唔好,臨去之前再三警示自己話唔買話唔想拎餐死,但逛不夠三粒鐘就出事,揹書已揹到背脊勁痛,心口鬱悶。。沒法捨命陪君子,最後,只好留下仍在第一場館開開心心找書掃書的友人D,捧著下列的書回家。

一四二一中國發現世界〔Gavin Menzies〕
- 小蓓介紹。心急累事,買了繁體版。。盛惠一百幾十。

四十二章經〔釋證嚴〕
- 佛偈哲理甚多,好看。

中國人〔林語堂〕
- 唔知點解入貨。。希望會睇,唔好得個買字。

拈來趣味〔林行止〕
- 翻來一看,合味。遂,畀錢。

地下室手記〔杜斯妥也夫斯基〕
- 網友介紹。找了很久。<對不起,善忘的我忘了在哪位網友的網誌中看到對此書的介紹>

哲道行者〔李天命〕
- 。。睇完先講。

野火集二十週年紀念版〔龍應台〕
- 靴貓推介。=D

聚焦紅衛兵〔米鶴都〕
- 受靴貓影響,而此書在書攤內這可是推介書。不買不行。

幾乎要了我條老命。

找不到《蒙馬特遺書》,是此行書展的個人遺憾。算啦,去上樓書店買吧。

其實今年入場,已行得非常舒服。十點到達,第一時間上樓上的樂文田園榆林紫羅蘭等等檔口,場館人流疏落到想點行就點行,亳無樓下一開場就逼爆的盛況。於是,在這舒適的環境下,就越買越狂。。

以上的書,是我在場內首兩個小時內掃的。。嘿嘿嘿!若非痛到心跳加速,也未肯離場。。

折墮。

12 則留言:

長靴貓 說...

大家看書的口味果然都係...好雜...連佛偈都有...

我還是趕著看哈里波特6(仲未看完一半)...書展的戰利品還未可以開始,如無意外下一本的目標就係折墮行者...總經覺得這一本之中,李天命開始會有點自說自話...希望不是老王買瓜啦...

桔 說...

我也未開始看。不過就在每本作品裡面簽番個名。。哈哈哈!
昨日剛啃掉《獻給阿爾吉儂的花束》。正!之後開始《生命中不能承受的輕》。。

文明 說...

同樣頭一小時,我掃香港歷史典故同古鎮風物介紹類,都已經兩大袋,隨後三小時,寧風的巨裝設計書同家居裝修擺設參考書入貨量,令我真的有股衝動去強搶兩架嬰兒車回來開路兼載貨 ..

桔 說...

喂。。出個書表睇睇丫。

Doraemon 說...

推介劉細良的日本痴漢。

桔 說...

你睇完未?

陳分奇 說...

桔快看《生命中不能承受之輕》吧!

看完得分享一下。

這可算是我看過的第一本也是唯一一本愛情小說吧。

桔 說...

陳生,
你攪到我好有壓力呀。。我睇書出左名慢。。

文明 說...

妳呢亭都叫慢 ...
咁我呢亭真係等風化 ...

桔 說...

石化好D。。呵呵!

陳分奇 說...

桔好慢咩?

我都係出名慢架啵。

因為我永冇話睇完一本先到一本,呵呵。

最近睇緊一本村上短篇

一本功課需要的市場學書

一本...番卡兒。。

嘿~~

桔 說...

好!哈哈!七月廿四日開始睇。。睇睇我睇到邊日。。哈哈哈!
一起加油!