任我擺佈。

星期六上晝又凍又雨，不過約了診所那邊同屎屎蛋打埋下半支防疫針，只好硬著頭皮冒著風雨帶佢出街。雖然穿上手套，但依然都凍到僵哂。
上畫無咩動物睇醫生，我們去到診所時得我們在等，所以我將屎屎蛋從籠裡放出來抱著佢都無驚惶發狂。過了一陣，就見到醫生咯。睇醫生時，佢仲好識做咁嘴了醫生手臂一啖，搞到醫生笑笑口掃掃佢個頭。嘩哈哈。過磅時佢輕磅了少少，大概少半罐貓罐頭的重量。醫生沒詐型，算係「大成功」。但係keep住減磅就真係有難度。哈哈。你知啦！當貓貓用佢對充滿渴求又委屈的眼神望著你的時候，真係軟哂。
之但係。。屎屎蛋很少出呢個絕招對付我喎。。點解呢？



冬天在家，最好就係捽貓。。特別係半睡半醒可任人擺佈的那種肥仔。哈哈。