四川．食食食

早前參加了一個團體辦的康定拜佛團，所以上了四川前後八日。因為行程安排，所以圖片唔多，有拍的都盡量執好放文來分享。盡量啦。

先來幾樣成都食過的東西吧。

呢兩間在旅舍附近的平民小食店，因為味道可以，所以吃了三趟 + 一趟。〔無咩可揀〕

抄手…我本來叫清湯，但來了個辣湯。幸好〔還是失望？〕係唔辣囉。

唔好睇圖，因為，呢碗肥腸麵都係唔辣。究竟發生咩事？

任食的辣小食。

呢個係小籠包。。個籠呢？

我至愛的通菜。加了花椒、蒜和紅椒炒，惹味。但，都係唔辣。

回鍋肉。唔辣，但油真係多到似浸住上。

我食了兩頓炒通菜。

在另一間吃了唔辣的麵配豆漿，呢碗好點點，落口有少少麻的感覺。但整體都係好平淡。

想起十多年前在成都係過夫妻肺片，第一口已辣都反艇的記憶仍在，呢次真係大呼意外。

不得不說，在香港食辣的機會和辣的口感，比成都食到的更辣囉。