林海峰

多謝同事P幫我撲到林海峰的票。
個show有咩睇，不贅，睇報紙都有頗詳盡的圖文。詳盡到你唔信。
嗯，是一個good show！雖然在比較下好像整體也沒有像上次睇黃子華般不停笑到面容扭曲的情況，但，對我來說，放工後輕輕鬆鬆有say 有point有query有challenge有點brain 震盪沒悶場沒有反感的show就是一個good show啦。
畢竟，一個人做show，由頭帶到尾，係好考功力和吸力咖！
能夠釋懷地大談幾乎人人忌諱不談的「身後事」，經已值得捧場拍掌！試問有幾多人敢想敢面對敢計劃這回事？嘿。其實是個好嚴肅的話題。
係咪高清的關係？阿Jan睇落真係老了很多。外表由少年變成成年再步入中年，因為太真實，因為太有血肉，無不感慨韶華的飛逝。
同場睇的還有同事A，他就話阿Jan第二個talk show好笑點。唷，DVD仍賣緊140元上下價位，所以我還未入貨仍未睇。。
阿葛第一場表演後入廠，買了第二場的票卻睇唔到佢同Jan成為完滿的高山青龍的確是一個好大好大的遺憾。話哂，我係知道有阿葛參與演出先捨得買450元門票。
當然，我係衷心希望阿葛保重身體，早日康復！高山青龍，一個久遺到不知浮到腦海那暗角去的名字，很懷念啊！

整場show，我只拍了這一張相。

嗯，只得這張。