Pilot V7 Hi-Techpoint Pen

誠如早前在公司一堆文具盒度搵到支陳年黑色的V7試寫後發現好好用，於是去書店補返支用啦，不過走了幾間大店小店都唔見，唔通我手碘那支係絕版貨？上網找，不論日本香港的官網都見有，於是唔忿氣又去望，凡經過書店都去望。

中南都唔見，大眾，商務都無。

於是，有日我善用面書大神，拜託朋友們若果見到就通知聲。念念不忘的確必有迴響，有同事叫我上網訂，還談起什麼筆好。

上網訂就不喇，我說刻下如當玩緊尋寶遊戲。哈哈。

同一天，又有同事周公子話在文具店找到！嘩，還順手幫我買了兩支，之後更唔收我錢添呀。多謝多謝！

收到筆那天正好立冬，於是用筆寫返首詩回贈周公子。

紙都係新買的。加埋之筆，所以未掌握好力度。

字醜，失禮了。