菠蘿皮手鏈班

報了名上「植物素皮圓編手鏈工作坊」，用的是市面尚未有零售材料發售的菠蘿皮做。當然，主辦單位是賣植物素皮成品的店。

因為難買，所以我報名啦。趕及在僅有的工作坊留位。哈哈。

植物素皮，是從菠蘿葉的纖維造成的產物，非常環保，既可取締真皮〔動物皮〕，也令菠蘿葉可以重生。沒有這個發現，年中全球只取菠蘿而拋棄成為垃圾的菠蘿葉，難以想像的多。

好啦，講返呢個課。

同樣係四股編，上次係扁身的，呢個係圓編。

白紙條係用來度手腕圍。每個參加者都有四條扁身皮繩。

因為五幅圖「太趣致」，所以不少參加者都睇唔明五幅圖想點。哈哈哈。當然，一開始就不順利啦。

先好好掌握理解扭條的次序和位置先。

掌握了就好快就織成一條了。不過我沒有用力收緊皮條繩，幸好如此，本身皮繩唔夠長啦。我見有男同學織到盡哂。

導師幫我們每一條加返個扣就完成了。左邊三條係主辦單位的樣本。我覺得四股結得一條金色皮繩好睇D。

當日有貓有兔有鳥有狗，我偏揀熊仔公仔，係因為熊係代表財富。

嗯嗯。這個織法可以搵布條，或粗幼不同的繩做手鏈，好型的說。

謝謝，好愉快的一堂。