Bohemian Rhapsody

明明我係有聽 Queen 的歌，FB 年來也一直有 follow Freddie Mercury 的 Page。而我有段時間在家一開 laptop 寫 blog 都係狂 loop 住 Queen 的歌振奮自己情緒，手機也有其 Greatest Hits。不過，電影真係幾經考慮至去睇。因為不少聽皇后的一代，話電影拍得唔好。

因為朋友們一個二個三個睇完都推介話正，所以趁落畫前扚起心肝撲飛。估唔到，呢一日，全院滿座。只係，無我朋友在港島九龍戲院睇那情況，他們說有觀眾跟住唱歌。哈哈。

因為知道 Freddie Mercury 的事，看電影時，係心痛。

電影裡面有一句說話好正。在記者會度 Freddie Mercury 被問是樂隊的靈魂人物，他更正，他只是主音。

這樣的氣魄，有多少人做到？在生活中，稍為被聚焦就當正自己係天才不可一世的人大把。即使一間小小的公司，都有人覺得只有自己的決策、行動、想法咁能拯救到好多同事。

電影開始無耐已經忍唔住流馬尿。頂，真係好翳。

無論是什麼人，真係要戴眼識人，唔好為逃避寂寞的感覺而驅使自己靠向心術不正的人。

是一個警世的故事。