13.11.18

譚盾的《慈悲頌》

之前撲到譚盾的《慈悲頌》,講佛祖,講敦煌石窟,嘩有梵文演唱喎!以我易暴走的脾性〔德性〕,偶爾聽下佛音都好,也需要慈悲自己,淨化心靈嘛。加上呢期睇緊佛教故事,可能係因緣到。

而且,內容係圍繞敦煌石窟出現過的壁畫。未去過,以前他的國較為正正常常時無去,現在治安唔好,不喇。

講返正題,第一次聽呢類節目,好期待又好緊張啦。

點知。。

第一幕開始不久已經感到好伏。完全覺得係瀨野囉。




看大綱已令我R爆頭。

第一幕:咁易成佛,好多人都可以即身成佛了。不過,場內睇是卻成另一故事。
第二幕:報應未見,這幕就完了。那位演九色鹿的女高音,唱得好難聽。
第三幕:千手千眼的故事不是這樣啦。
第四幕:作者其實有沒有看過《六祖壇經》?
第五幕:全晚最好睇最悲傷的一幕。


第六幕:快要涅槃的佛,身邊的眾生〔說弟子真是侮辱了「弟子」應有的智慧。究竟有無睇過佛經故事?聽佛祖講道的絕不會提出如此白癡的問題囉〕

除了圖中那段對話,有一段我睇完show即晚寫過在Facebook:

佛說將會涅槃,眾生求佢唔好走。然後有個問佛祖為何而來。佛祖應曰:『為了慈悲,為了涅槃』,我聽到呢句真係忍唔住唔攬係化…

呢個係咩視野?佛祖為涅槃而來!?!!!!!!

然後又一爛餐歌頌佛祖,愛呀,敬呀,光呀嘅不倫不類歌詞反覆唸著唱著…真係聽到心煩。

囧。。如下圖


把聖經新約和新派教會無時無刻都要唱歌跳舞讚美神讚美主的一套商業化硬塞入佛學度,直頭係錯撚哂啦。而且,除了第五幕外,大部份時間編曲都好惡頂,歌詞生硬,無知又重覆,亦跟音樂唔夾,硬入,完全耳朵受罪。好似去了旺角聽那些殺豬的…

當然,唔同人有唔同理解,當晚坐我後一排的幾位+50的女士,一到中場休息時段就猛讚好感動好好睇歌也好…真係好睇?我理解唔到囉。我唔會為了面子「係你唔識欣賞之嘛!」而說出違背良心的話。

相對後面一班女士,呢晚看來係上演睇緊國王的新衣。

什麼是慈悲?什麼是覺悟?我唯覺得這晚好嘈很吵。

事實上,譚生親身到敦煌,用數年去弄出這個慈悲頌都係…

恐怖。

唉,不如睇返劉鎮偉配周星馳的《西遊記 上 下》,聽下麥浚龍的若水三千,盧冠廷的一生所愛算了。

沒有留言: