12.12.08

無聊碎片浮在大氣中

都是生活中的破事兒。看來我應該保持一星期上一篇碎料。。嘿嘿!

碎件1:
呢幾日睇的聽的都是涉及啜女事件。真係好煩。在夜店幾杯到肚啜到件樣靚又青春又飛來蜢其實有咩問題先?私人事,搞到咁大劇,最大問題咪就係大家覺得被蒙蔽被背叛的苦主係大家認識的周慧敏囉。唉,啜完呢件青春女生後竟借「罪」順傳媒的手整個「長篇大論」來高調撇埋周小姐,你知唔知大家都有份推波助瀾搞到今日的局面?倪生從來就是「充才子」,咁多年來大家不諱言都係畀面佢老豆才稱呼他為才子。可憐他聽了廿幾年聽慣哂就真係當自己係才子。現在還扮高深出一篇似是而非的「撇女宣言」,真係露哂底。
某友話無記電視劇質素差,看看我們的社會吧,就知點解無記不必搞進步去提高電視劇的質素。

碎件2:
近日新聞中令我冒火三千丈的,是高流灣棄嬰事件。真的難以想像會有人如此狠心把一個周歲小娃棄在有野狗出沒的山野中,任由他自生自滅。真係心腸歹毒,禽獸不如!
幸好有位行山客及時發現小娃,才不致餓死凍死或被野狗亂噬咬死於荒野。。
怎麼會發生如此慘無人道的事?為什麼人會幹出如此冷血的事?
很難想像。。

碎件3:
那天收到風知道公司annual ball的嘉賓是誰後,缺席了都有6、7年的我決定出席是屆的活動。有同事問我『莫非是周杰倫?』,嘩哈哈哈哈。。當然不會啦,周董出show價好高咖。
不過,我更相信,佢唔志在這些收入及工作,所以才開出個天價。
想想這六七年,好像有克勤、憶蓮、巨基、志安咁咁。。上一次去ball,嘉實係子祥。
不過公司一日未宣佈,一日都有可能會變。。

碎件4:
唔知邊條友去做yoga留下了我個名及電話,還是那間yoga教室不知從哪裡得到我的名字打來推銷電話,叫我去免費試玩yoga。。
囧。。我骨格精奇,根本做不到yoga咖。
那天那位小姐問我點解唔試,我好直接咁跟她說『我跛咖!玩唔到。』對方打個突唔識反應一陣才回到氣跟我說「打擾哂」。。對方想必覺得傷害了我的心靈吧!有謂「崩口人忌崩口碗」。。嗯,我好似唔係好介意。

沒有留言: