18.1.08

To be a better man


嗯。。我都好屎忽鬼,成日吹緊無定向風,人又矛盾喎。我喜歡進修,同一時間我可take幾個課程,一星期上足四堂都試過,但同時我又討厭放工咬個包趕車趕路去上堂,落堂又趕住回家,總係覺得咁辛苦咁趕都唔知為乜!當然是為了拎多張「紙」在手。。By the way,都係一句,有時真係唔知為乜。
因為屎忽鬼,集中唔到,所以咁耐以來都無咩似樣的成績。。專長就更加無啦。。
如果我唔係住在新界,或上課地點就似「些粉」咁在屋企附近,下課就不必趕回家,感覺自然好好多! 住在新界西,放工如果去北角或太古城上堂再返家分分鐘過11點。。攤上床分分鐘已1點。。這樣的生活對我這種要早睡早起的人無疑是「壓力」。。
係,太多理由。。
常常叫人去進修的我,因為一個病令到我的人生曾亂了陣腳。生有限,連精力都有限。是時候起步再出發,好好把餘下的日子好好運用。
踏出一步。。
再一步。。
第三步。。
第四步。。
。。。
總之計劃好,目標也清晰。不過時間分配上尚未搞定得當︿畢竟同一季揹幾個課程上身跟做突然走去參加七項鐵人賽無咩分別。嘿嘿!
這些日子,我終於知道搞咁多事為啥了。希望有心唔怕遲。看報紙講地球上有位老伯伯去學芭蕾舞。我,還有藉口說不行嗎?
又出發嘍。。

沒有留言: