百物看世界．大英博物館珍藏展

趁班細路考試月未放暑假未得周圍貢，梗係去沙田一轉睇展覽啦。為的，當然係連我在公司的電腦 screen 都用來做牆紙的冨嶽三十六景之一，即係圖中那葛飾北齋的真跡「神奈川沖浪裏」。

講個秘密你知，我用了這個做電腦牆紙不久，就收到消息話這真跡隨展覽來港。有無咁黐線呀！完全無諗過有生之年會見到真跡咖！

我知神明愛我的啦！

因為展場燈光太鵝黃色免得破壞真跡，所以拍了照後都要調整一下相片的色彩。

咦？我心中的色是怎樣的呢？

點都好，好感動好感動。❤️❤️❤️

百物百物，還有其他展品。例如這副一入展廳就見到，屬公元前八百年的 「Outer Coffin of Nesperennub」 。Nesperennub 的木乃伊呢次無隨團來港，但都有圖片略作介紹。而他生前的角色係「Opener of the Doors of Heaven」，真係好勁。

雖然好勁，不過呢副棺看介紹話本來唔係 for 佢用，裝潢太不稱其重要身份喇。不知道當時發生了什麼事而臨急就章咁用了這棺槨。髹上這色是基於他能 connect 太陽神啦。

詳細點，可參閱 Google 的 Arts and Culture 介紹。

宗教題材的展品都不少，下圖是度母，即係觀音的其一化身。

釋迦牟尼佛。介紹有特別提及祂的耳垂。不過意思不是「一般我們所認知的」跟福氣有關，達情呢度唔講喇，都幾爆，但係唔係我真係唔知。

你們去展覽館睇啦。

又見亞歷山大大！幾乎每個世界史展覽都有大大。好親切！

呢個…我竟然是第一回見！原來 Moai 有連體狀！好爆呀！

官方介紹：Double Human Figure

還有這個希伯萊占星盤。一個貌似簡單的盤卻道出世界。

這個個樣好似我，氣豉豉的。所以拍下留念。哈哈。

其實哩，我有套大英博物館館長及館員，加英國國家廣播公司合撰的《看得到的世界史》，都是以一百件大英博物館內的藏品為題講世界史。因為本書我未睇哂〔汗〕，所以唔知當中多少會在這個展覽中出現。

記憶中，鑿成斧頭狀的石，書裡曾有介紹。是表示「文明」之始。不過唔知係咪同一件石啦。

點都好，書好值得買下。

點都好，珍品係要睇！

❤️

Official : British Museum