來匆匆的感冒一場

上星期三早，起床突然喉痛，吃了蜜糖和清熱酷都唔得。弊，作感冒，趁未爆到唔清唔楚，於是放工匆匆去睇醫生。怎料，醫生跟我開了個大玩笑，幾種藥裡，其中竟處方了「得果定」給我！唔係呀化！？我看著姑娘認真地把「得果定」放入藥袋裡，真係O嘴。「得果定」我自細係當佢糖食咖咋！而且，如果係work，喉痛病人就不必睇花時間去診所等醫生而直接去買得果定食就得啦。真係暈得一陣陣。

結果，吃了醫生開的藥，翌日個感冒發作。終於捱不到中午，略為清一清理文件就要早退，懷著病懨懨的身軀去找另一個醫生。感冒藥真的好散，星期四我足足睡了一整個下午！6點半起床食飯食藥沖涼，9點未夠又上床睡。

星期五那早，在公司吃過藥，又頂唔住，趕了人家催促的文件，便同老闆講要回家休息。

唉，又睡了大半天。人精神了，但係個鼻依然涕長流，又塞到實哂，有血添。結果，星期六還得一早起床去診所再睇。

後來，醫生開了這隻藥給我。吃了藥5個小時後，其間飲了差不多2 lite水〔補充睡了2日的水和包雲吞流失的〕，塞了超過2日的鼻窿終於通暢了！作為一個有20年鼻敏感歷史的人，我還是第一次吃這隻藥。。哈哈哈，所以幾驚訝咖！

雖然到現在個鼻仍未完全痊癒，但人已精神哂。。

九成啦。〔本來是八成，我承認因「某人」而加一成咖。〕