同樣的味道

有次在皇后大道中西環那邊散步，見到一間雜貨店擺放著「高清粉」，for濕疹人士喎。見賣35元，不貴，心想拎得出來賣應該無問題，睇成份都係合成龍腦〔真的龍腦太真貴了〕和滑石，所以在檔口前笑住掏腰包買了一包。看看會否有驚喜。

至於點解笑到震，無非都係「高清」事啦。。其實，關高清咩事呢？

好了。那晚依照方法，在沖涼後抹粉上身，一開瓶蓋，刺鼻的味就攻到人醒哂！是一種久違了日本成藥的味道！於是，那一晚，我是渾身散著這樣攻鼻的味入睡！不過，被抹過高清粉的皮膚，涼透！對於我這個一搔癢便皮膚發燙到一發不可收拾的可憐桔，這確實是很好舒緩皮膚刺燙的「涼藥」。

後來，有次，在桔妹家，她勁介紹我用意大利CYM呢支俗稱「臭水」的護膚品去印，好笑係阿妹很強調這支水很臭，未必受得住，叫我聞過先決定買否。然後，她小心翼翼地把樽遞給我聞。。嘩哈哈，呢支盛惠880元的臭水〔google到，d人都係寫臭水〕，氣味竟然和高清粉係一樣！

係一樣！

不過，心諗，輕輕一抹，一臉都係藥味，久久不散。。都幾惡搞。

15．16。