GRIEVANCE

他思想性格行為越來越「神級港女」，偽善，憎人富貴，一時一樣，貪小便宜，奄尖腥悶，無事生非，彈三彈四，自以為是，詐癲立福，菠蘿雞，目中無人，自我中心，行為小家，恃熟賣熟既無禮貌又唔識客氣，唔appreciate人家反而得寸進尺，明明惡言相向卻裝關心，以為好醒其實係豬頭炳，自命清高但其實俗不可耐，唔先照鏡就扮款扮有態度寸人窒人，唔鍾意被寸嘴卻時時對人寸嘴，人家表達自己的不滿就反詰人家有問題在先，有人絕交永遠係人家的問題而自己一定無錯。真係越來越惡頂。 救命，逐點舉例font size 10寫滿3頁紙都仲未數完其令人氣結氣忿的往績，常莫明奇妙被伸一腳甘吞唔落一條火氣仍未通暢。。抓狂。總之我真係受夠。

最恐怖係，佢還不時用「我們都乜乜乜」來把我和他搬到同一水平同一天秤同一世界同一陣線。每次聽到，都覺得自己的人生直仆落黑洞，毛骨悚然，超錯呀，錯哂呀。我真係唔想跟他「我們」囉。

當自己再無法壓抑自己持續以平靜心情冷對眼前人的惡行時，應該係時候佢有佢忙碌，我有我生活。

無必要的話，都唔好見。