Victoria Harbour
其實係試緊新電話的拍攝功能。早前部LG G3死了，boot 唔起那種，急忙去店出新機，
16.6.17
15.6.17
Herkimer 加 Tanzanite
在IZ找到這個坦桑石加閃靈鑽的小飾物。店主話本來打算做耳環，不過未加扣啦。後來，我想穿到我的坦桑石手鏈度，於是帶返去店由店主搞，呵呵，又襯又靚啊。
圖當然係拍在前頭。
要諗計清走D漬先。
靚。
熊貓甜品屋
偉晴街有間甜品店，不過行過〔多是三至六點〕都唔覺有客。這天 late lunch 後心思思想吃甜品，行過，便入內，仲叫了心太軟。
感恩啊！竟意外地好好味。
圖中的抹茶雪糕，抹茶心太軟，加自製的熊貓曲奇餅，味道很配合，不淡味，堅喜歡。
推介。
14.6.17
13.6.17
12.6.17
《大奧日本》．15/17
11/06/2017。努力地睇，完了今年的第15本書。哈哈。
大奧係日本德川幕府歷代將軍的後宮，如果有睇過日劇「大奧」應該知道。我少睇日劇，印象中好似睇過春日局那輯。好多年前喇，無哂印象啦。
雖然話係後宮，生活資源和質素相對平民有保證，可是孩子一樣好難養大。呢本書，真係死了好多細路仔囉。因為，有地位有身家的女人都會用鐵漿染黑牙齒，而女人一臉一頸的厚厚白粉，一樣有毒，係毒到可以用來打胎。小朋友長期吸入女人們散的毒，唔死唔病就真係得天獨厚。而且御台所及後宮的食用，其實好鬼冷飯菜汁咖，真係想生個健康嬰兒都真係好難。
以前睇歷史書，好想知D人著到咁「行」點樣去大小便。這本書有講將軍呀御台所點樣去廁所，哈哈，連廁所有幾大，叫咩名，大小便有咩人貼身服侍都有寫到。
最驚訝的，莫過於將軍行房時房內要有兩個女官睡在兩人旁邊，背向將軍，不准睡覺，藉以用來監聽後宮女有無在床第間胡亂誘惑將軍國事方面之事。
書裡寫了不少「你所不知道的大奧」。睇住書，都覺得好變態。
推介。
大瀛喜
我跟同事K說，從未試過一班人去食日本放題，因為識的朋友都唔好這些。於是，在兩個月前就搵到腳一齊去食食食。拖咁耐，係因為發生了一些事啦。
呢日，終於食到。都有七個人食咖。聊東聊西，八半食到十一點，大家都很開心，盡興啦。
多謝 K 的安排。
11.6.17
去廟街買線香
話說早前在水晶店遇到一位熱情的水晶導師，買了水晶後她帶我去廟街一間相熟的店看頌缽和線香。是啊，她介紹了兩隻香給我。因為家中有存貨，所以當日無買到。可是近來天氣開始多昆蟲，所以我每晚都不可偷懶地點香〔手工香都有驅蟲作用啦〕。加上我有畀D朋友同事試味，所以我真係需要補貨。
想起導師的介紹，便去廟街搵香。她當日介紹兩隻，可是我買了五隻。廿五元一盒咋。
這是沉香。
這是花香。燃著時煙的味道幾怪，未必接受到，因為我都把一枝香分了三日才點完。哈哈。不過，這是導師介紹的其中一款。
點一次，屋企香足幾日，返工回家一開門就聞到。不過這個味道又OK喎。
這是導師介紹的另一隻好用的線香。Satya Sai Baba 係印度教的精神領袖。
呢隻 zen meditation 木味重，我好喜歡。有幾晚我都燒佢。好舒服，怪不得可用來做禪定。
這個是白鼠尾草，店長說味道比直接燒鼠尾草葉淡好多。的確係淡好多。
這是玫瑰味塔香，送的。好味過花香的線香，但玫瑰味又唔係好重。這個 free sample 得兩粒，點哂喇。
盒上印著沒有動物測試。我想應該沒有吧。
家中突然沁住印度風。哈哈。
10.6.17
月亮石．Moonstone
某天在I.Z發現幾盤耳環介指〔每份放在獨立 zip bag 度〕，就逐一拎出來睇。當中對一包似馬眼切割的月亮石耳環情有獨鍾！不過當日銀根唔夠，取捨下無買到，卻因為心心眼，所以便放在耳環盒最後位置再把整盒耳環放在原位。老闆見我嘩完一餐又無買到都問我，我話其實有睇中，不過無錢買住，下次啦。還說把心儀的一份耳環收埋在盒的角落位置。老闆笑住把耳環拎出來望一下，又放返在那角落位置。後來再到店，念起，問老闆耳環還在嗎，佢一手就把我喜歡的耳環從盒的角落拎出來。於是高高興興付上贖金帶佢走。
我呢D蠱惑招數千祈唔好學呀。
這個角度，像兩粒小玻璃，一點都不起眼不吸睛。
為了拍出它們的顏色，要試位。換了角度，這張看到一粒透著迷人的藍光。又要再扭一下位置試拍，務求兩粒石仔都能拍到顏色。
哈哈，其實一顆是藍光，一顆是彩虹光啦。
其實店裡還有很多可愛的耳環，尤其是老闆把放在 laptop 旁的拉仔耳環都好靚。不過無咁多錢買啦我。如果下次到店那拉仔還在，那就帶埋佢地走啦。
我係咪算係一個好冷靜的買家呢？嘩哈哈哈哈…
9.6.17
RASYAN 美白牙粉
在店見到這個泰國出的強效美白牙粉，又唔係貴，買了一盒。希望在十日後洗牙前牙齒白一點。哈哈，常劈咖啡及茶的我，真係要好好美白一下牙齒。
店長話連用十日左右就見效，努力。期待成果。
Cafe Corridor
真係好喜歡這咖啡店的環境和氣氛，所以那天在堅拿道那邊的「溫室」溫書磨了三個鐘，經過這裡明明已過七點，我都竄入去飲咖啡畀機會自己溫多陣書啦咁。哈哈，正好有人走，仲係角落位，於是做到角落生物之餘還喝了杯好味的 Long Black。晚飯時間人少，加上落住雨，人更少了。於是輕輕鬆鬆又坐了一粒鐘。
當然，少不了一件有脆焦糖面的芝士餅陪我。好好味啊。
have a good evening~
8.6.17
Manifestation Quartz
我無選擇困難症啦！這是我一口氣買哂三粒吊墜之壓軸。嘩哈哈，亦係一枚聖母水晶，而且還有銀髮交錯，堅靚！基本和實際上各有特色，所以才要哂三粒石之嘛。
蛋面令到粒石好 cutie，好似戴住粒晶瑩剔透的冰。
在日光下，在燈光下，呢枚「晶品」，一絲絲髮在閃爍，晶石的每個菱面也散發出折射的光芒，呢一粒，真係閃到爆。
唔好誤會，其實這粒好平，價錢相宜囉。
突然買左咁多吊咀，每朝都好忙去揀戴邊條出街好。哈哈哈。
飲老火燉湯
咳不停，為了飲盅老火燉湯，人還是去了天樂里強記那邊啦。平丫嘛。
齋湯唔啦，肚餓，要吃飯啊。呢個，係陳皮鴨腿湯飯。好味。
湯飯加燉湯…信我，我真係痴Q線啦。哈哈哈。
呢碗，係陳腎蜜棗白菜。嗚嗚，我的飛佛橄欖湯是日無供應啊。
呢碟，係叉鵝飯，鵝竟然畀隻髀肉，不過唔見了皮。算，都好味。
呢個茶包普洱意外地我覺得好飲。
牟州黑蒜螺頭湯。螺頭真係甜，這個湯都好好味。
大滿足。
7.6.17
Manifestation Quartz
這是好東西的其中一枚。係聖母水晶〔我錯過了的那粒都是聖母水晶…晶中晶啊〕。這一枚水晶內的水晶有彩虹光，旁邊還有紅幽靈，如像一個迷你盆景。
非常得意。
唔好誤會，這粒石，一點都不貴啊。
訂閱：
文章 (Atom)
