3.5.16

Mont-bell Bag

返工孭的大布袋用到又黑又起毛頭,是時候搵個新袋喇。。不過,都無刻意去找,因為市面皮袋太多。。名牌雖有 PVC 袋,不過太貴,我寧願用來買靈量品或書。所以買袋之事,都係隨緣去搵。


哈哈,終於畀我在一間小店見到這個大大的尼龍袋!mont-bell 一宜係我心愛的日本戶外品牌,加上有我飛佛的紅色〔還有綠色同黑色〕,帶子同名牌係用上少量的皮,算啦。拍板買。

好好笑,因為個袋無價錢牌,遂問老闆這個袋幾錢。付款的時候,老闆好好笑,話個袋早一晚才到,只入了 code 落電腦就上架,擺埋一隅,其實連價錢牌及防盜器都未扣上袋囉。卻被我發現。。呵呵。

唔知呢個袋可以用到幾多年呢?

我呀,有個北面尼龍 tote bag,不知不覺用左超過15 年。真係好癲。

六百元就買到心頭好,當然好開心啦。

沒有留言: