8.1.10

要拍照的事可不少

頻頻瀏覽攝材網頁,也翻雜誌去物色心水鏡頭,把款式,功能,格價,質素,效果,原廠非原廠,玩家評見逐一研究。因為回應人人不同,所以又不停走去問人這支那支鏡值不值得投資,然後又逛街舖左望右望眾裡尋它千百度,終於有晚自己都頂唔蒲自己咁十五十六,發夢自己去圖書館畀錢訂了支鏡突然後悔買錯想撻訂或換型號。幾千元,太認真,卒之搞到人都癲。終於拍板落舖買喇,點知支鏡好賣到斷貨,走勻幾間大店都無。又唔想退而求其次買另一支或進而求其次買支更貴鏡頭,真係越搵越洩氣。機會成本呢條道理在腦海像speedlite快閃。明明頭痛,但緊要關頭最緊要保持清醒堅定立場。做買賣,立場不穩一定死梗。尤其是我真不想花幾千元無端端買了另一支鏡回家,然後到「最愛」蒲頭又再花幾千去買。哈哈哈,又唔係幾千萬身家未開頭,錢,還是小心緊慎的花才好。騎牛搵馬可不是我的性格。

買相機唔煩,買支心水鏡頭方便自己走天涯才覺重要。

友人見我在MSN打上「早買早享受,遲買慳幾舊」於是問我買什麼。聽後卻取笑我又學人用單反,我立即更正趾高氣揚講佢知其實9年前已買單鏡反光相機用,不過嫌要買菲林,沖印又需時,又無得後期執相又太重之後又用輕便數碼所以大機就此放在櫳底,一放多年變成老爺。呀,難得早幾晚和兩位旅行結識的朋友咬飯,對方竟記得我部相機及支天涯鏡。

我第一支天涯鏡,是一支f/2.8恆定鏡。

於是乎,拎埋9年前去九寨溝的相片來看,驚訝相片質素效果竟比我現在使用中的輕便數碼更美更sharp。回憶起,那台相機也曾陪我走過不少美地,拍下不少風景照片。也曾給我騎馬上明永冰川時大意撼佢落鐵鑄的馬鞍上短暫失靈。哈哈哈。

呢期常常聽到有些揶揄「專業的器材,業餘的質素」的話,也確實見識了不少忠於此句衍生而來的「硬照」,自己,真要緊慎行事。

說起照片,在網上找到一些香港老照片,特此放在這裡。http://picasaweb.google.com/bsslf2005/FwHongKongOldPhotos#]

沒有留言: